ਰੋਮ (ਦਲਵੀਰ ਕੈਂਥ): ਪੂਰੀ ਦੁਨੀਆ ਹਾਲੇ ਕੋਵਿਡ-19 ਦੀ ਝੰਬੀ ਹਾਲੇ ਮੁੜ ਪੈਰਾਂ 'ਤੇ ਨਹੀਂ ਆਈ ਹੈ ਕਿ ਹੁਣ ਇਸ ਦੇ ਨਵੇਂ ਰੂਪ ਨੇ ਸਭ ਦੇਸ਼ਾਂ ਲਈ ਨਵੀਂ ਮੁਸੀਬਤ ਦੇ ਆਉਣ ਦਾ ਐਲਾਨ ਕਰ ਦਿੱਤਾ ਹੈ। ਦੱਖਣੀ ਅਫ਼ਰੀਕਾ ਵਿੱਚ ਪਾਏ ਇਸ ਨਵੇਂ ਵਾਇਰਸ ਦੇ ਮਰੀਜ਼ ਹੁਣ ਯੂਰਪ ਵਿੱਚ ਵੀ ਦੇਖਣ ਨੂੰ ਮਿਲਣ ਲੱਗੇ ਹਨ। ਬੈਲਜੀਅਮ ਤੋਂ ਬਾਅਦ ਇਟਲੀ ਵਿੱਚ ਕੋਵਿਡ-19 ਦੇ ਨਵੇਂ ਰੂਪ ਦੇ ਮਿਲੇ ਹਨ, ਜਿੱਥੇ ਯੂਰਪੀਅਨ ਯੂਨੀਅਨ ਦੀ ਚਿੰਤਾ ਵਧਾ ਦਿੱਤੀ ਹੈ ਉੱਥੇ ਹੀ ਇਟਲੀ ਸਰਕਾਰ ਦੀ ਨੀਂਦ ਵੀ ਉੱਡਾ ਦਿੱਤੀ ਹੈ। ਇਟਲੀ ਸਰਕਾਰ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਸਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਮੋਜ਼ੰਬੀਕ ਤੋਂ ਆਉਣ ਵਾਲੇ ਇੱਕ ਯਾਤਰੀ ਵਿੱਚ ਕੋਵਿਡ-19 ਦੇ ਨਵੇਂ ਓਮੀਕਰੋਨ ਸਟ੍ਰੇਨ ਦੇ ਆਪਣੇ ਪਹਿਲੇ ਕੇਸ ਦਾ ਪਤਾ ਲਗਾਇਆ ਹੈ।ਰਾਸ਼ਟਰੀ ਸਿਹਤ ਸੰਸਥਾ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇੱਕ ਚੋਟੀ ਦੀ ਪ੍ਰਯੋਗਸ਼ਾਲਾ ਨੇ "ਮੋਜ਼ੰਬੀਕ ਤੋਂ ਆਉਣ ਵਾਲੇ ਇੱਕ ਮਰੀਜ਼ ਦੇ ਸਕਾਰਾਤਮਕ ਨਮੂਨੇ ਤੋਂ ਜੀਨੋਮ ਨੂੰ ਕ੍ਰਮਬੱਧ ਕੀਤਾ"।
ਇਸ ਗੱਲ ਦਾ ਖੁਲਾਸਾ ਵੀ ਕੀਤਾ ਗਿਆ ਹੈ ਕਿ "ਮਰੀਜ਼ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਮੈਂਬਰ ਚੰਗੀ ਸਿਹਤ ਵਿੱਚ ਹਨ"।ਇਹ ਮਰੀਜ ਕਸ਼ੇਰਤਾ ਜ਼ਿਲ੍ਹੇ ਨਾਲ ਸੰਬਧਿਤ ਹੈ ਜਿਸ ਕਾਰਨ ਇਟਲੀ ਦੇ ਸਿਹਤ ਵਿਭਾਗ ਨੇ ਕਿਹਾ ਕਿ ਕੰਪਾਨੀਆ ਸੂਬੇ ਦੇ ਦੱਖਣੀ ਖੇਤਰ ਵਿੱਚ ਕਸ਼ੇਰਤਾ ਵਿੱਚ ਰਹਿੰਦੇ ਪਰਿਵਾਰ ਵਿੱਚ ਕੋਈ ਹੋਰ ਵੀ ਵਿਅਕਤੀ ਇਸ ਕਿਸਮ ਤੋਂ ਸੰਕਰਮਿਤ ਹੋਇਆ ਸੀ ਜਾਂ ਨਹੀ ਦਾ ਪਤਾ ਲਗਾਉਣ ਲਈ ਟੈਸਟ ਕੀਤੇ ਜਾਣਗੇ।ਪ੍ਰਸ਼ਾਸ਼ਨ ਅਧਿਕਾਰੀਆਂ ਨੇ ਪਿਛਲੇ ਦੋ ਹਫ਼ਤਿਆਂ ਵਿੱਚ ਇਟਲੀ ਵਿੱਚ ਪਹਿਲਾਂ ਤੋਂ ਹੀ ਯਾਤਰਾ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਤੁਰੰਤ ਅਧਿਕਾਰੀਆਂ ਨੂੰ ਸੂਚਿਤ ਕਰਨ, ਟੈਸਟ ਕਰਵਾਉਣ, 10 ਦਿਨਾਂ ਲਈ ਅਲੱਗ ਰੱਖਣ ਅਤੇ ਫਿਰ ਉਸ ਮਿਆਦ ਦੇ ਅੰਤ ਵਿੱਚ ਦੁਬਾਰਾ ਟੈਸਟ ਕਰਨ ਦਾ ਆਦੇਸ਼ ਦਿੱਤਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡਾ 'ਚ ਕੋਵਿਡ-19 ਦੇ ਓਮੀਕਰੋਨ ਵੈਰੀਐਂਟ ਦੇ ਦੋ ਮਾਮਲਿਆਂ ਦੀ ਪੁਸ਼ਟੀ
ਓਮੀਕਰੋਨ ਵੇਰੀਐਂਟ ਨਾਲ ਸੰਕਰਮਿਤ ਕਸ਼ੇਰਤਾ ਮਰੀਜ਼ ਕਥਿਤ ਤੌਰ 'ਤੇ 11 ਨਵੰਬਰ ਨੂੰ ਮੋਜ਼ੰਬੀਕ ਤੋਂ ਯਾਤਰਾ ਕਰਨ ਤੋਂ ਬਾਅਦ, ਦੱਖਣੀ ਅਫਰੀਕਾ ਤੋਂ ਇੱਕ ਫਲਾਈਟ 'ਤੇ ਫਿਊਮੀਚੀਨੋ ਵਿਖੇ ਉਤਰਿਆ ਸੀ। ਇਟਲੀ ਤੋਂ ਜਾਣ ਸਮੇਂ ਮਰੀਜ਼ ਦੇ ਕੋਈ ਲੱਛਣ ਨਹੀਂ ਸਨ ਅਤੇ ਕੋਵਿਡ ਲਈ ਨਕਾਰਾਤਮਕ ਟੈਸਟ ਕੀਤਾ ਗਿਆ ਸੀ। ਇਟਾਲੀਅਨ ਮੀਡੀਏ ਅਨੁਸਾਰ ਕਿਹਾ ਗਿਆ ਕਿ ਸਿਹਤ ਅਧਿਕਾਰੀ ਐਤਵਾਰ ਤੋਂ ਉਨ੍ਹਾਂ ਯਾਤਰੀਆਂ ਨਾਲ ਤੁੰਰਤ ਸੰਪਰਕ ਕਰ ਰਹੇ ਸਨ, ਜਿਹੜੇ ਪ੍ਰਭਾਵਿਤ ਇਲਾਕਿਆਂ ਤੋਂ ਹਾਲ ਹੀ ਦੇ ਦਿਨਾਂ ਵਿੱਚ ਇਟਲੀ ਪਹੁੰਚੇ ਸਨ।ਰੋਮ ਫਿਊਮੀਚੀਨੋ ਹਵਾਈ ਅੱਡੇ ਦੇ ਸੁਰੱਖਿਆ ਸੂਤਰਾਂ ਨੇ ਕਿਹਾ ਕਿ "ਏਅਰਲਾਈਨ ਕੰਪਨੀਆਂ ਨੂੰ ਵੀ ਯਾਤਰੀਆਂ ਦੀਆਂ ਸੂਚੀਆਂ ਪ੍ਰਦਾਨ ਕਰਨ ਲਈ ਕਿਹਾ ਗਿਆ ਹੈ।
ਫਰਵਰੀ 2020 ਤੋਂ ਹੁਣ ਤੱਕ 133,000 ਤੋਂ ਵੱਧ ਮੌਤਾਂ ਦੇ ਨਾਲ ਮੌਤਾਂ ਦੇ ਮਾਮਲੇ ਵਿੱਚ ਇਟਲੀ ਕੋਰੋਨਾ ਵਾਇਰਸ ਮਹਾਮਾਰੀ ਦੁਆਰਾ ਸਭ ਤੋਂ ਵੱਧ ਪ੍ਰਭਾਵਿਤ ਦੇਸ਼ਾਂ ਵਿੱਚੋਂ ਇੱਕ ਰਿਹਾ ਹੈ।ਇਹ ਹਾਲ ਹੀ ਦੇ ਦਿਨਾਂ ਵਿੱਚ ਰੋਜ਼ਾਨਾ 10,000 ਤੋਂ ਵੱਧ ਨਵੇਂ ਕੇਸ ਦਰਜ ਕੀਤੇ ਜਾ ਰਹੇ ਹਨ। ਸਰਕਾਰ ਨੇ ਘੋਸ਼ਣਾ ਕੀਤੀ ਕਿ ਉਹ ਸਿਹਤ ਪ੍ਰਬੰਧਾਂ ਨੂੰ ਹੋਰ ਤੇਜ਼ ਕਰੇਗੀ ਅਤੇ ਅਗਲੇ ਮਹੀਨੇ ਉਨ੍ਹਾਂ ਲੋਕਾਂ ਲਈ ਸਿਹਤ ਉਪਾਵਾਂ ਨੂੰ ਸਖਤ ਕਰੇਗੀ ਜਿਨ੍ਹਾਂ ਨੂੰ ਟੀਕਾ ਨਹੀਂ ਲਗਾਇਆ ਗਿਆ ਹੈ। ਇਸ ਵਿੱਚ ਉਨ੍ਹਾਂ ਲੋਕਾਂ ਲਈ ਪਾਬੰਦੀਆਂ ਵਧਾ ਕੇ ਵੈਕਸੀਨ ਲੈਣ ਨੂੰ ਉਤਸ਼ਾਹਿਤ ਕਰਨਾ ਸ਼ਾਮਲ ਹੈ ਜਿਨ੍ਹਾਂ ਨੇ ਅਜੇ ਤੱਕ ਅਖੌਤੀ 'ਸੁਪਰ ਗ੍ਰੀਨ ਪਾਸ' ਲੈਕੇ ਵੈਕਸੀਨ ਤੋਂ ਕੰਨੀ ਕਤਰਾ ਰਹੇ ਹਨ।
ਦੇਸ਼ ਦਾ ਕੋਵਿਡ-19 ਗ੍ਰੀਨ ਪਾਸ ਹੈਲਥ ਸਰਟੀਫਿਕੇਟ ਹੁਣ ਮਨੋਰੰਜਨ ਅਤੇ ਸੱਭਿਆਚਾਰਕ ਸਥਾਨਾਂ ਸਮੇਤ "ਗੈਰ-ਜ਼ਰੂਰੀ" ਸੇਵਾਵਾਂ ਤੱਕ ਪਹੁੰਚ ਦੀ ਇਜਾਜ਼ਤ ਨਹੀਂ ਦੇਵੇਗਾ ਜਦੋਂ ਤੱਕ ਕਿ ਧਾਰਕ ਨੂੰ ਕੋਵਿਡ-19 ਤੋਂ ਟੀਕਾਕਰਨ ਜਾਂ ਉਸ ਤੋਂ ਠੀਕ ਨਹੀਂ ਕੀਤਾ ਜਾਂਦਾ ਹੈ।ਸਰਕਾਰ ਦੇਸ਼ ਵਿੱਚ ਕੋਵਿਡ-19 ਦੇ ਮੁੜ ਪੈਰ ਪਸਾਰਨ ਦੀ ਪ੍ਰਕਿਰਿਆ ਕਾਰਨ ਹੋ ਸਕਦਾ ਹੈ ਕਿ ਜਲਦ ਪ੍ਰਭਾਵਿਤ ਖੇਤਰਾਂ ਨੂੰ ਲਾਲ, ਸੰਤਰੀ,ਪੀਲੇ ਜ਼ੋਨਾਂ ਵਿੱਚ ਵੰਡ ਦੇਵੇ ਪਰ ਜੋ ਵੀ ਹੋਵੇ ਜੇਕਰ ਆਪਾਂ ਸਭ ਚਾਹੁੰਦੇ ਹਾਂ ਕਿ ਦੇਸ਼ ਕੋਵਿਡ ਮੁਕਤ ਹੋਵੇ ਤਾਂ ਸਰਕਾਰ ਦੇ ਹੁਕਮਾਂ ਦੀ ਇਮਾਨਦਾਰੀ ਨਾਲ ਪਾਲਣਾ ਕਰੋ।
ਕੋਰੋਨਾ ਦੇ ਨਵੇਂ ਵੇਰੀਐਂਟ ‘ਓਮੀਕ੍ਰੋਨ’ ਨੇ ਦੁਨੀਆ ਭਰ ’ਚ ਫੈਲਾਈ ਦਹਿਸ਼ਤ, WHO ਨੇ ਦਿੱਤਾ ਇਹ ਬਿਆਨ
NEXT STORY 
