ਪੇਸ਼ਾਵਰ - ਕੀ ਤੁਸੀਂ ਕਦੇ ਕਿਸੇ ਨੂੰ ਪਲਾਸਟਿਕ ਦੇ ਬੈਗ 'ਚ LPG ਗੈਸ ਲੈ ਕੇ ਜਾਂਦੇ ਦੇਖਿਆ ਹੈ, ਤਾਂ ਤੁਹਾਡਾ ਜਵਾਬ ਹੋਵੇਗਾ 'ਨਹੀਂ'। ਪਰ, ਪਾਕਿਸਤਾਨ ਵਿੱਚ ਹੁਣ ਇਹ ਆਮ ਹੋ ਗਿਆ ਹੈ। ਇੱਥੇ ਸਭ ਤੋਂ ਵੱਧ ਗੈਸ ਪੈਦਾ ਕਰਨ ਵਾਲੇ ਸੂਬੇ ਖੈਬਰ ਪਖਤੂਨਖਵਾ ਵਿੱਚ ਪਰੇਸ਼ਾਨ ਲੋਕ ਬੋਰੀਆਂ ਵਿੱਚ ਗੈਸ ਭਰ ਕੇ ਖਾਣਾ ਬਣਾ ਰਹੇ ਹਨ। ਇਸ ਸੂਬੇ ਵਿੱਚ ਗੈਸ ਸਿਲੰਡਰ ਆਮ ਲੋਕਾਂ ਦੀ ਪਹੁੰਚ ਤੋਂ ਦੂਰ ਹੈ। ਲੋਕ ਇਸ ਨੂੰ ਤੁਰਦਾ-ਫਿਰਦਾ ਬੰਬ ਕਹਿ ਰਹੇ ਹਨ। ਸ਼੍ਰੀਲੰਕਾ ਤੋਂ ਬਾਅਦ ਹੁਣ ਪਾਕਿਸਤਾਨ ਆਰਥਿਕ ਸੰਕਟ ਦੇ ਸਭ ਤੋਂ ਭੈੜੇ ਦੌਰ ਵਿੱਚੋਂ ਗੁਜ਼ਰ ਰਿਹਾ ਹੈ। ਪਾਕਿਸਤਾਨ ਵਿੱਚ ਐਲਪੀਜੀ ਦੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਰਹੀਆਂ ਹਨ ਜਿਸ ਕਾਰਨ ਇਹ ਆਮ ਲੋਕਾਂ ਦੀ ਪਹੁੰਚ ਤੋਂ ਬਾਹਰ ਹੈ।
ਇਹ ਵੀ ਪੜ੍ਹੋ : ਸਾਲ 2023 : ਅੱਜ ਤੋਂ ਬਦਲ ਜਾਣਗੇ ਕਈ ਨਿਯਮ, ਬੈਂਕ ਲਾਕਰ-ਕ੍ਰੈਡਿਟ ਕਾਰਡ ਸਮੇਤ ਕਈ ਸੈਕਟਰ 'ਚ ਹੋਣਗੇ ਬਦਲਾਅ
ਲਗਾਤਾਰ ਵੱਧ ਰਹੀ ਮਹਿੰਗਾਈ ਨੇ ਹਾਲਾਤ ਇਸ ਕਦਰ ਵਿਗਾੜ ਦਿੱਤੇ ਹਨ ਕਿ ਲੋਕ ਪਲਾਸਟਿਕ ਦੇ ਥੈਲਿਆਂ ਵਿੱਚ ਰਸੋਈ ਗੈਸ ਖਰੀਦਣ ਅਤੇ ਵੇਚਣ ਲਈ ਮਜਬੂਰ ਹੋ ਗਏ ਹਨ। ਜੀ ਹਾਂ, ਪਾਕਿਸਤਾਨ ਵਿੱਚ ਲੋਕ ਹੁਣ ਐਲਪੀਜੀ ਯਾਨੀ ਰਸੋਈ ਗੈਸ ਨੂੰ ਬੈਗਾਂ ਵਿੱਚ ਲੈ ਕੇ ਜਾ ਰਹੇ ਹਨ। ਪਾਕਿਸਤਾਨ 'ਚ ਵਧਦੀ ਮਹਿੰਗਾਈ ਦੇ ਦੌਰ 'ਚ ਗੈਸ ਸਟੋਰੇਜ 'ਚ ਵਿੱਤੀ ਸਮੱਸਿਆ ਆ ਰਹੀ ਹੈ। ਗੈਸ ਦੇ ਘਟਦੇ ਭੰਡਾਰਾਂ ਨੇ ਅਧਿਕਾਰੀਆਂ ਨੂੰ ਘਰਾਂ, ਫਿਲਿੰਗ ਸਟੇਸ਼ਨਾਂ ਅਤੇ ਉਦਯੋਗਿਕ ਇਕਾਈਆਂ ਨੂੰ ਸਪਲਾਈ ਘਟਾਉਣ ਲਈ ਮਜਬੂਰ ਕੀਤਾ ਹੈ। ਜ਼ਿਆਦਾਤਰ ਆਬਾਦੀ ਕੋਲ ਗੈਸ ਕੁਨੈਕਸ਼ਨ ਨਹੀਂ ਹੈ। ਗੈਸ ਦੀ ਕਮੀ ਅਤੇ ਉੱਚ ਦਰਾਂ 'ਤੇ ਰਸੋਈ ਗੈਸ ਅਤੇ ਪੈਟਰੋਲੀਅਮ ਪਦਾਰਥਾਂ ਦੀ ਉਪਲਬਧਤਾ ਵੀ ਇਕ ਵੱਡਾ ਕਾਰਨ ਹੈ ਜਿਸ ਕਾਰਨ ਲੋਕ ਅਜਿਹੇ ਤਰੀਕੇ ਅਪਣਾਉਣ ਲਈ ਮਜਬੂਰ ਹਨ। ਸਿਲੰਡਰ ਦੀ ਮਹਿੰਗੀ ਕੀਮਤ ਲੋਕਾਂ ਲਈ ਔਖੀ ਹੋ ਰਹੀ ਹੈ।
500 ਤੋਂ 900 ਰੁਪਏ ਵਿੱਚ ਮਿਲ ਰਹੀ ਬੋਰੀਆਂ ਵਿੱਚ ਗੈਸ
ਸਿਲੰਡਰ ਮਹਿੰਗੇ ਹੋਣ ਕਾਰਨ ਪਲਾਸਟਿਕ ਦੇ ਥੈਲਿਆਂ ਵਿੱਚ ਗੈਸ 500 ਤੋਂ 900 ਰੁਪਏ ਵਿੱਚ ਮਿਲਦੀ ਹੈ। ਇਨ੍ਹਾਂ ਦੀ ਕੀਮਤ ਵੱਖ-ਵੱਖ ਬੈਗਾਂ ਦੇ ਆਕਾਰ 'ਤੇ ਨਿਰਭਰ ਕਰਦੀ ਹੈ। ਇਸ ਨੂੰ ਭਰਨ ਵਾਲਾ ਕੰਪ੍ਰੈਸਰ 1,500 ਤੋਂ 2,000 ਰੁਪਏ ਵਿੱਚ ਉਪਲਬਧ ਹੈ। ਇਕ ਰਿਪੋਰਟ ਮੁਤਾਬਕ ਕਮਰਸ਼ੀਅਲ ਗੈਸ ਸਿਲੰਡਰ ਕਰੀਬ 10,000 ਪਾਕਿਸਤਾਨੀ ਰੁਪਏ 'ਚ ਮਿਲਦਾ ਹੈ, ਜਿਸ ਨੂੰ ਖਰੀਦਣਾ ਹਰ ਕਿਸੇ ਦੇ ਵੱਸ 'ਚ ਨਹੀਂ ਹੈ।
ਇਹ ਵੀ ਪੜ੍ਹੋ : ਅੱਜ ਤੋਂ GST ਦੇ ਨਿਯਮਾਂ 'ਚ ਹੋ ਰਿਹੈ ਬਦਲਾਅ, ਮਕਾਨ ਕਿਰਾਏ 'ਤੇ ਦੇਣ ਸਮੇਤ ਇਨ੍ਹਾਂ ਸੈਕਟਰ ਨੂੰ ਮਿਲੀ ਰਾਹਤ
ਖੈਬਰ ਪਖਤੂਨਖਵਾ ਗੈਸ ਦਾ ਸਭ ਤੋਂ ਵੱਡਾ ਉਤਪਾਦਕ
ਦੱਸ ਦੇਈਏ ਕਿ ਸਭ ਤੋਂ ਵੱਧ ਗੈਸ ਸਿਰਫ ਖੈਬਰ ਪਖਤੂਨਖਵਾ ਵਿੱਚ ਪੈਦਾ ਹੁੰਦੀ ਹੈ। 2020 ਵਿੱਚ, 8.5 ਮਿਲੀਅਨ ਬੈਰਲ ਤੋਂ ਵੱਧ ਤੇਲ ਦਾ ਉਤਪਾਦਨ ਹੋਇਆ, ਜਦੋਂ ਕਿ ਇੱਥੋਂ ਦੇ ਪੰਜ ਖੇਤਰਾਂ ਵਿੱਚੋਂ 64,967 ਮਿਲੀਅਨ ਘਣ ਫੁੱਟ ਗੈਸ ਵੀ ਨਿਕਲੀ। ਇਸ ਦੇ ਬਾਵਜੂਦ ਇਨ੍ਹਾਂ ਇਲਾਕਿਆਂ ਦੇ ਲੋਕ ਪਲਾਸਟਿਕ ਦੇ ਥੈਲਿਆਂ ਵਿੱਚ ਗੈਸ ਲੈਣ ਲਈ ਮਜਬੂਰ ਹਨ। ਮੀਡੀਆ ਰਿਪੋਰਟਾਂ ਅਨੁਸਾਰ ਪਖਤੂਨਖਵਾ ਦੇ ਕਰਾਕ ਜ਼ਿਲ੍ਹੇ ਵਿੱਚ 2007 ਤੋਂ ਲੋਕਾਂ ਨੂੰ ਗੈਸ ਕੁਨੈਕਸ਼ਨ ਨਹੀਂ ਦਿੱਤੇ ਗਏ ਹਨ, ਜਦੋਂ ਕਿ ਗੁਆਂਢੀ ਹੰਗੂ ਜ਼ਿਲ੍ਹੇ ਦੀ ਸਪਲਾਈ ਲਾਈਨ ਤੋਂ ਗੈਸ ਮਿਲਦੀ ਹੈ, ਉਹ ਵੀ ਪਿਛਲੇ 2 ਸਾਲਾਂ ਤੋਂ ਟੁੱਟੀ ਹੋਈ ਹੈ। ਜਿਸ ਥਾਂ 'ਤੇ ਪਾਈਪ ਟੁੱਟੀ ਹੋਈ ਹੈ, ਉਥੇ ਲੋਕ ਦੋ ਘੰਟੇ ਲੰਬੀਆਂ ਲਾਈਨਾਂ 'ਚ ਖੜ੍ਹੇ ਹੋ ਕੇ ਪਲਾਸਟਿਕ 'ਚ ਭਰੀ ਗੈਸ ਲੈਂਦੇ ਹਨ |
ਇਸ ਤਰ੍ਹਾਂ ਪਲਾਸਟਿਕ ਦੇ ਥੈਲਿਆਂ ਵਿੱਚ ਕੀਤੀ ਜਾ ਰਹੀ ਹੈ ਸਪਲਾਈ
ਗੈਸ ਪਾਈਪਲਾਈਨ ਨੈੱਟਵਰਕ ਨਾਲ ਜੁੜੀਆਂ ਦੁਕਾਨਾਂ ਵਿੱਚ ਕੰਪ੍ਰੈਸ਼ਰ ਦੀ ਮਦਦ ਨਾਲ 2 ਕਿਲੋ, 3 ਕਿਲੋ ਦੇ ਹਿਸਾਬ ਨਾਲ ਪਲਾਸਟਿਕ ਦੇ ਥੈਲਿਆਂ ਵਿੱਚ ਐਲ.ਪੀ.ਜੀ. ਭਰੀ ਜਾ ਰਹੀ ਹੈ। ਇਨ੍ਹਾਂ ਬੈਗਾਂ ਦੇ ਮੂੰਹ 'ਤੇ ਨੋਜ਼ਲ ਅਤੇ ਵਾਲਵ ਕੱਸ ਕੇ ਫਿੱਟ ਕੀਤੇ ਜਾਂਦੇ ਹਨ। ਪਾਕਿਸਤਾਨੀ ਮੀਡੀਆ ਦੀ ਰਿਪੋਰਟ ਮੁਤਾਬਕ 3 ਤੋਂ 4 ਕਿਲੋ ਦੇ ਗੈਸ ਬੈਗ ਨੂੰ ਭਰਨ 'ਚ ਇਕ ਘੰਟਾ ਲੱਗਦਾ ਹੈ। ਐਲਪੀਜੀ ਨਾਲ ਭਰੇ ਇਹ ਗੈਸ ਬੈਗ ਫਿਰ ਉਹਨਾਂ ਲੋਕਾਂ ਨੂੰ ਵੇਚੇ ਜਾਂਦੇ ਹਨ।
ਇਹ ਵੀ ਪੜ੍ਹੋ : ਅਡਾਨੀ ਸਮੂਹ ਦੇ ਹੱਥ ਆਇਆ NDTV ਦਾ ਕੰਟਰੋਲ, ਸੰਸਥਾਪਕ ਰਾਏ ਜੋੜੇ ਨੇ ਦਿੱਤਾ ਅਸਤੀਫਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
2023-24 'ਚ ਕੋਲਾ ਉਤਪਾਦਨ 99.7 ਕਰੋੜ ਟਨ ਰਹਿਣ ਦੀ ਸੰਭਾਵਨਾ
NEXT STORY 
