ਇੰਟਰਨੈਸ਼ਨਲ ਡੈਸਕ : ਬ੍ਰਿਟੇਨ ਦੇ ਆਈਲ ਆਫ ਵ੍ਹਾਈਟ 'ਤੇ ਉਡਾਣ ਸਿਖਲਾਈ ਦੌਰਾਨ ਰੌਬਿਨਸਨ R44 II ਹੈਲੀਕਾਪਟਰ ਦੇ ਕ੍ਰੈਸ਼ ਹੋਣ ਤੋਂ ਬਾਅਦ 3 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਇੱਕ ਗੰਭੀਰ ਜ਼ਖਮੀ ਹੋ ਗਿਆ। ਨੌਰਥੰਬਰੀਆ ਹੈਲੀਕਾਪਟਰਸ ਦੁਆਰਾ ਸੰਚਾਲਿਤ ਇਹ ਜਹਾਜ਼ ਟੇਕਆਫ ਤੋਂ ਥੋੜ੍ਹੀ ਦੇਰ ਬਾਅਦ ਵੈਂਟਨੋਰ ਦੇ ਨੇੜੇ ਕ੍ਰੈਸ਼ ਹੋ ਗਿਆ। ਜਾਂਚਕਰਤਾ ਹੈਲੀਕਾਪਟਰ ਦੇ ਹਾਦਸਾਗ੍ਰਸਤ ਹੋਣ ਦੇ ਕਾਰਨਾਂ ਦੀ ਜਾਂਚ ਕਰ ਰਹੇ ਹਨ। ਐਮਰਜੈਂਸੀ ਸੇਵਾਵਾਂ ਨੇ ਤੁਰੰਤ ਘਟਨਾ ਸਥਾਨ ਨੂੰ ਸੁਰੱਖਿਅਤ ਕਰ ਲਿਆ।
ਇਹ ਵੀ ਪੜ੍ਹੋ : ਭਾਰਤ ਨੇ ਤਵੀ ਨਦੀ 'ਚ ਹੜ੍ਹ ਬਾਰੇ ਪਾਕਿਸਤਾਨ ਨੂੰ ਕੀਤਾ ਸੁਚੇਤ, 'ਆਪ੍ਰੇਸ਼ਨ ਸਿੰਦੂਰ' ਪਿੱਛੋਂ ਪਹਿਲੀ ਵਾਰ ਹੋਈ ਗੱਲਬਾਤ
ਸੀਨੀਅਰ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਕਿ ਸੋਮਵਾਰ ਸਵੇਰੇ ਆਇਲ ਆਫ ਵ੍ਹਾਈਟ 'ਤੇ ਉਡਾਣ ਸਿਖਲਾਈ ਦੌਰਾਨ ਰੌਬਿਨਸਨ R44 II ਹੈਲੀਕਾਪਟਰ ਦੇ ਕ੍ਰੈਸ਼ ਹੋਣ ਤੋਂ ਬਾਅਦ 3 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਇੱਕ ਗੰਭੀਰ ਜ਼ਖਮੀ ਹੈ। ਨੌਰਥੰਬਰੀਆ ਹੈਲੀਕਾਪਟਰਸ ਦੁਆਰਾ ਸੰਚਾਲਿਤ ਇਸ ਹੈਲੀਕਾਪਟਰ ਨੇ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 9:00 ਵਜੇ ਸੈਂਡਾਉਨ ਹਵਾਈ ਅੱਡੇ ਤੋਂ ਉਡਾਣ ਭਰੀ ਸੀ ਜਿਸ ਵਿੱਚ 4 ਲੋਕ ਸਵਾਰ ਸਨ। ਸਵੇਰੇ 9:30 ਵਜੇ ਤੋਂ ਠੀਕ ਪਹਿਲਾਂ ਜਹਾਜ਼ ਸ਼ੈਂਕਲਿਨ ਖੇਤਰ ਦੇ ਨੇੜੇ ਵੈਂਟਨੋਰ ਨੇੜੇ ਇੱਕ ਖੇਤ ਵਿੱਚ ਕ੍ਰੈਸ਼ ਹੋ ਗਿਆ। ਐਮਰਜੈਂਸੀ ਸੇਵਾਵਾਂ ਨੇ ਤੇਜ਼ੀ ਨਾਲ ਕਾਰਵਾਈ ਕੀਤੀ ਅਤੇ ਸੜਕਾਂ ਬੰਦ ਕਰ ਦਿੱਤੀਆਂ ਅਤੇ ਘਟਨਾ ਸਥਾਨ ਨੂੰ ਸੁਰੱਖਿਅਤ ਕਰ ਲਿਆ। ਇੱਕ ਵਿਅਕਤੀ ਨੂੰ ਗੰਭੀਰ ਹਾਲਤ ਵਿੱਚ ਯੂਨੀਵਰਸਿਟੀ ਹਸਪਤਾਲ ਸਾਊਥੈਂਪਟਨ ਲਿਜਾਇਆ ਗਿਆ। ਬਾਕੀ ਵਿਅਕਤੀਆਂ ਦੀ ਪਛਾਣ ਅਤੇ ਹਾਲਾਤ ਅਜੇ ਜਨਤਕ ਨਹੀਂ ਕੀਤੇ ਗਏ ਹਨ। ਚਸ਼ਮਦੀਦ ਗਵਾਹ ਲੀ ਗੋਲਡਸਮਿਥ ਨੇ ਆਈਲ ਆਫ ਵ੍ਹਾਈਟ ਕਾਉਂਟੀ ਪ੍ਰੈਸ ਨੂੰ ਦੱਸਿਆ ਕਿ ਉਸਨੇ ਹੈਲੀਕਾਪਟਰ ਨੂੰ ਝਾੜੀਆਂ ਵਿੱਚ ਡਿੱਗਦੇ ਹੋਏ ਦੇਖਿਆ।
ਇਹ ਵੀ ਪੜ੍ਹੋ : 1971 ਦੇ ਕਤਲੇਆਮ ਲਈ ਮੁਆਫ਼ੀ ਮੰਗੇ ਪਾਕਿਸਤਾਨ : ਬੰਗਲਾਦੇਸ਼
ਉਧਰ, ਹਵਾਈ ਤਸਵੀਰਾਂ ਵਿੱਚ G-OCLV ਮਾਡਲ ਦੇ ਜਹਾਜ਼ ਦਾ ਮਲਬਾ ਬੁਰੀ ਤਰ੍ਹਾਂ ਨੁਕਸਾਨਿਆ ਹੋਇਆ ਦਿਖਾਈ ਦੇ ਰਿਹਾ ਹੈ। ਬ੍ਰਿਟੇਨ ਦੀ ਹਵਾਈ ਦੁਰਘਟਨਾਵਾਂ ਦੀ ਜਾਂਚ ਸ਼ਾਖਾ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਇੰਸਪੈਕਟਰ ਭੇਜੇ ਹਨ। ਨੌਰਥੰਬਰੀਆ ਹੈਲੀਕਾਪਟਰਸ ਨੇ ਕਿਹਾ ਕਿ ਉਹ ਅਧਿਕਾਰੀਆਂ ਨਾਲ ਪੂਰਾ ਸਹਿਯੋਗ ਕਰ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਭਾਰਤ ਨੇ ਤਵੀ ਨਦੀ 'ਚ ਹੜ੍ਹ ਬਾਰੇ ਪਾਕਿਸਤਾਨ ਨੂੰ ਕੀਤਾ ਸੁਚੇਤ, 'ਆਪ੍ਰੇਸ਼ਨ ਸਿੰਦੂਰ' ਪਿੱਛੋਂ ਪਹਿਲੀ ਵਾਰ ਹੋਈ ਗੱਲਬਾਤ
NEXT STORY 
