ਲੰਡਨ (ਭਾਸ਼ਾ)- ਭਾਰਤ ਨੇ ਗਲਾਸਗੋ ’ਚ ਸੀ. ਓ. ਪੀ.-26 ਜਲਵਾਯੂ ਸਿਖਰ ਸੰਮੇਲਨ ਦੇ ਪਹਿਲੇ ਹਫ਼ਤੇ ਦੀ ਸਮਾਪਤੀ ’ਤੇ ਇਕ ਅਹਿਮ ਖੇਤੀਬਾੜੀ ਕਾਰਜ ਏਜੰਡੇ ’ਤੇ ਹਸਤਾਖਰ ਕੀਤੇ। ਇਸ ਏਜੰਡੇ ’ਚ ਖੇਤੀਬਾੜੀ ਨੂੰ ਜ਼ਿਆਦਾ ਸਥਾਈ ਤੇ ਘੱਟ ਪ੍ਰਦੂਸ਼ਣਕਾਰੀ ਬਣਾਉਣ ਲਈ ਨਵੀਂਆਂ ਵਚਨਬੱਧਤਾਵਾਂ ਨੂੰ ਨਿਰਧਾਰਤ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਭਾਰਤ ਇਸ ’ਤੇ ਹਸਤਾਖਰ ਕਰਨ ਵਾਲੇ 27 ਦੇਸ਼ਾਂ ’ਚ ਸ਼ਾਮਿਲ ਹੋ ਗਿਆ ਹੈ। ਦੇਸ਼ਾਂ ਨੇ ਆਪਣੀ ਖੇਤੀਬਾੜੀ ਨੀਤੀਆਂ ਨੂੰ ਬਦਲਣ ਲਈ ਨਵੀਂਆਂ ਵਚਨਬੱਧਤਾਵਾਂ ਨਿਰਧਾਰਿਤ ਕੀਤੀਆਂ।
7 ਸਾਲ ’ਚ ਸੂਰਜੀ ਊਰਜਾ ਸਮਰੱਥਾ 17 ਗੁਣਾ ਵਧੀ
ਭਾਰਤ ਨੇ ਐਤਵਾਰ ਨੂੰ ਇੱਥੇ ਸੰਯੁਕਤ ਰਾਸ਼ਟਰ ਜਲਵਾਯੂ ਸਿਖਰ ਸਮੇਲਨ ’ਚ ਕਿਹਾ ਕਿ ਪਿਛਲੇ 7 ਸਾਲ ’ਚ ਦੇਸ਼ ਦੀ ਸੂਰਜੀ ਊਰਜਾ ਸਮਰੱਥਾ 17 ਗੁਣਾ ਵਧ ਕੇ 45 ਹਜ਼ਾਰ ਮੈਗਾਵਾਟ ਹੋ ਗਈ। ਭਾਰਤ ਨੇ ਜ਼ੋਰ ਦਿੰਦਿਆਂ ਕਿਹਾ ਕਿ ਸੰਸਾਰਕ ਆਬਾਦੀ ’ਚ ਉਸ ਦਾ ਹਿੱਸਾ 17 ਫ਼ੀਸਦੀ ਹੈ। ਇਸ ਦੇ ਬਾਵਜੂਦ ਉਸ ਦਾ ਕੁੱਲ ਨਿਕਾਸੀ ’ਚ ਹਿੱਸਾ ਕੇਵਲ 4 ਫ਼ੀਸਦੀ ਹੈ।
ਅਮਰੀਕਾ ਨੇ ਭਾਰਤ-ਬ੍ਰਿਟੇਨ ਦੀ ਅਗਵਾਈ ਵਾਲੀ ਸੋਲਰ ਗਰੀਨ ਗਰਿੱਡ ਪਹਿਲ ਦਾ ਕੀਤਾ ਸਮਰਥਨ
ਅਮਰੀਕਾ ਨੇ ਬ੍ਰਿਟੇਨ ਤੇ ਭਾਰਤ ਦੀ ਅਗਵਾਈ ਵਾਲੀ ਗਰੀਨ ਗਰਿੱਡ ਪਹਿਲ ਨਾਲ ਹੱਥ ਮਿਲਾਇਆ ਹੈ, ਜਿਸ ਦੀ ਸ਼ੁਰੂਆਤ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕੀਤੀ ਸੀ। ਇਸ ਹਫ਼ਤੇ ਦੇ ਆਰੰਭ ’ਚ ਗਰੀਨ ਗਰਿੱਡ ਪਹਿਲ ਜੰਗਲ ਸੰਨ, ਜੰਗਲ ਵਲਰਡ, ਜੰਗਲ ਗਰਿੱਡ ਦੀ ਸੰਚਾਲਨ ਕਮੇਟੀ ਦੀ ਬੈਠਕ ’ਚ ਅਮਰੀਕਾ ਦੀ ਊਰਜਾ ਮੰਤਰੀ ਜੈਨੀਫਰ ਗ੍ਰਾਨਹੋਮ ਨੇ ਕਿਹਾ ਕਿ ਅਮਰੀਕਾ ਜਲਵਾਯੂ ਗੱਲਬਾਤ ’ਚ ਵਾਪਸ ਪਰਤਣ ਤੇ ਨਵੀਂ ਪਹਿਲ ਨਾਾਲ ਜੁੜਨ ’ਤੇ ਉਤਸ਼ਾਹਿਤ ਹੈ।
ਨਿਊਜਰਸੀ 'ਚ ਭਾਰਤੀ ਮੂਲ ਦੇ ਸੈਮ ਜੋਸ਼ੀ ਨੇ ਰਚਿਆ ਇਤਿਹਾਸ, ਜਿੱਤੀ ਮੇਅਰ ਦੀ ਚੋਣ
NEXT STORY 
