ਨਿਊਯਾਰਕ (ਭਾਸ਼ਾ)— ਨਿਊਜਰਸੀ ਕਾਊਂਟੀ ਦੇ ਇਕ ਸੀਨੀਅਰ ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀ ਨੇ ਅਮਰੀਕਾ ਦੇ ਪਹਿਲੇ ਸਿੱਖ ਅਟਾਰਨੀ ਜਨਰਲ ਗੁਰਬੀਰ ਗ੍ਰੇਵਾਲ ਦੀ ਪੱਗ ਨੂੰ ਲੈ ਕੇ ਕੀਤੀ ਨਸਲੀ ਟਿੱਪਣੀ ਕਰਨ 'ਤੇ ਹੋਏ ਹੰਗਾਮੇ ਦੇ ਬਾਅਦ ਅਸਤੀਫਾ ਦੇ ਦਿੱਤਾ ਹੈ। ਬਰਜਨ ਕਾਊਂਟੀ ਸ਼ੈਰਿਫ ਮਾਈਕਲ ਸੌਡੀਨੋ ਦੇ 16 ਜਨਵਰੀ ਦੇ ਬਿਆਨ ਨੂੰ ਲੈ ਕੇ ਕਈ ਆਡੀਓ ਕਲਿਪ ਪਾਏ ਜਾਣ ਦੇ ਬਾਅਦ ਹੰਗਾਮਾ ਹੋਇਆ। ਸੌਡੀਨੋ ਅਤੇ ਚਾਰ ਅੰਡਰਸ਼ੈਰਿਫ ਨੇ ਸ਼ੁੱਕਰਵਾਰ ਨੂੰ ਅਸਤੀਫਾ ਦਿੱਤਾ। ਇਹ ਅਸਤੀਫਾ ਰੇਡੀਓ ਸਟੇਸ਼ਨ ਡਬਲਊ.ਐੱਨ.ਵਾਈ. ਸੀ. ਵੱਲੋਂ ਰਿਕਾਡਿੰਗ ਨੂੰ ਜਾਰੀ ਕਰਨ ਦੇ ਇਕ ਦਿਨ ਬਾਅਦ ਆਇਆ।
ਸੌਡੀਨੋ ਨੇ ਗਵਰਨਰ ਮਰਫੀ ਵੱਲੋਂ ਸਿਆਸੀ ਦਬਾਅ ਦੇ ਬਾਅਦ ਅਸਤੀਫਾ ਦੇ ਦਿੱਤਾ। ਡੈਮੋਕ੍ਰੇਟ ਸੌਡੀਨੋ ਦਾ ਇਹ ਤੀਜਾ ਕਾਰਜਕਾਲ ਸੀ। ਆਡੀਓ ਵਿਚ ਸੌਡੀਨੋ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਮਰਫੀ ਨੇ 'ਪੱਗ' ਕਾਰਨ ਗ੍ਰੇਵਾਲ ਨੂੰ ਨਿਯੁਕਤ ਕੀਤਾ। ਸੌਡੀਨੋ ਨੇ ਮਰਫੀ ਵੱਲੋਂ ਗ੍ਰੇਵਾਲ ਦੀ ਚੋਣ ਕੀਤੇ ਜਾਣ 'ਤੇ ਕਿਹਾ,''ਉਨ੍ਹਾਂ ਨੇ ਬਰਜਨ ਕਾਊਂਟੀ ਦੇ ਕਾਰਨ ਅਜਿਹਾ ਨਹੀਂ ਕੀਤਾ ਸਗੋਂ ਪੱਗ ਕਾਰਨ ਅਜਿਹਾ ਕੀਤਾ।'' ਗ੍ਰੇਵਾਲ ਉਸ ਸਮੇਂ ਬਰਜਨ ਕਾਊਂਟੀ ਦੇ ਵਕੀਲ ਸਨ।
ਗ੍ਰੇਵਾਲ ਨੇ ਅਸਤੀਫੇ ਨੂੰ ਬਰਜਨ ਕਾਊਂਟੀ ਦੇ ਸ਼ੈਰਿਫ ਦੇ ਦਫਤਰ ਅਤੇ ਵੱਖ-ਵੱਖ ਭਾਈਚਾਰੇ ਜਿਨ੍ਹਾਂ ਦੀ ਉਹ ਸੇਵਾ ਕਰਦਾ ਹੈ, ਉਨ੍ਹਾਂ ਵਿਚ ਸੰਬੰਧਾਂ ਵਿਚ ਸੁਧਾਰ ਲਈ ਇਸ ਨੂੰ ਪਹਿਲਾ ਕਦਮ ਦੱਸਿਆ। ਉਨ੍ਹਾਂ ਨੇ ਕਿਹਾ,''ਪਰ ਸਾਡਾ ਕੰਮ ਇੱਥੇ ਨਹੀਂ ਰੁਕਦਾ। ਇਹ ਤੱਥ ਕਿ ਇਕ ਸੀਨੀਅਰ ਅਧਿਕਾਰੀ ਅਫਰੀਕੀ ਅਮਰੀਕੀ ਭਾਈਚਾਰੇ ਦੇ ਬਾਰੇ ਵਿਚ ਨਸਲੀ ਟਿੱਪਣੀ ਕਰ ਸਕਦਾ ਹੈ ਅਤੇ ਕਮਰੇ ਵਿਚ ਕੋਈ ਵੀ ਉਸ ਨੂੰ ਚੁਣੌਤੀ ਨਹੀਂ ਦੇਵੇਗਾ ਜਾਂ ਉਸ ਨੂੰ ਠੀਕ ਨਹੀਂ ਕਰੇਗਾ, ਇਹ ਗੰਭੀਰ ਚਿੰਤਾ ਪੈਦਾ ਕਰਦਾ ਹੈ।'' ਇਸ ਟਿੱਪਣੀ ਨੂੰ ਲੈ ਕੇ ਪੂਰੇ ਰਾਜ ਤੋਂ ਨਿੰਦਾ ਹੋਈ ਸੀ ਪਰ ਸੌਡੀਨੋ ਨੇ ਸ਼ੁਰੂਆਤ ਵਿਚ ਸਿਰਫ ਮੁਆਫੀ ਮੰਗੀ ਸੀ ਅਤੇ ਆਪਣਾ ਅਹੁਦਾ ਛੱਡਣ ਦਾ ਕੋਈ ਜ਼ਿਕਰ ਨਹੀਂ ਕੀਤਾ ਸੀ।
ਜਾਣੋ ਕੌਣ ਹਨ ਗੁਰਬੀਰ ਗ੍ਰੇਵਾਲ
ਗੁਰਬੀਰ ਗ੍ਰੇਵਾਲ ਦਾ ਜਨਮ 23 ਜੂਨ 1973 ਨੂੰ ਹੋਇਆ। ਉਹ ਨਿਊ ਜਰਸੀ ਦੇ 61ਵੇਂ ਪਹਿਲੇ ਸਿੱਖ ਅਟਾਰਨੀ ਜਨਰਲ ਹਨ। ਇਸ ਅਹੁਦੇ 'ਤੇ ਉਨ੍ਹਾਂ ਦੀ ਨਿਯੁਕਤੀ 16 ਜਨਵਰੀ 2018 ਨੂੰ ਨਿਊ ਜਰਸੀ ਦੇ ਗਵਰਨਰ ਫਿਲ ਮਰਫੀ ਵੱਲੋਂ ਕੀਤੀ ਗਈ। ਉਹ ਸੰਯੁਕਤ ਰਾਜ ਅਮਰੀਕਾ ਦੇ ਇਤਿਹਾਸ ਵਿਚ ਪਹਿਲੇ ਸਿੱਖ ਅਮਰੀਕੀ ਅਟਾਰਨੀ ਜਨਰਲ ਹਨ।
ਮੁੰਬਈ ਅੱਤਵਾਦੀ ਹਮਲੇ 'ਤੇ ਬਿਆਨ ਦੇਣ ਨੂੰ ਲੈ ਕੇ 'ਸ਼ਰੀਫ' ਨੂੰ ਸੰਮਨ ਜਾਰੀ
NEXT STORY 
