ਇੰਟਰਨੈਸ਼ਨਲ ਡੈਸਕ : ਜਦੋਂ ਇਜ਼ਰਾਈਲ ਲਗਾਤਾਰ ਹਵਾਈ ਹਮਲਿਆਂ ਨਾਲ ਈਰਾਨ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ, ਉਸੇ ਵਿਚਾਲੇ ਈਰਾਨ ਦੇ ਉੱਤਰੀ ਹਿੱਸੇ ਵਿੱਚ ਸ਼ੁੱਕਰਵਾਰ ਨੂੰ 5.1 ਤੀਬਰਤਾ ਦਾ ਭੂਚਾਲ ਦਰਜ ਕੀਤਾ ਗਿਆ। ਇਹ ਜਾਣਕਾਰੀ ਅਮਰੀਕੀ ਭੂ-ਵਿਗਿਆਨਕ ਸਰਵੇਖਣ (USGS) ਅਤੇ ਈਰਾਨ ਦੀ ਤਸਨੀਮ ਨਿਊਜ਼ ਏਜੰਸੀ ਦੋਵਾਂ ਦੁਆਰਾ ਦਿੱਤੀ ਗਈ ਹੈ।
ਭੂਚਾਲ ਦਾ ਭੂਗੌਲਿਕ ਵੇਰਵਾ
ਤੀਬਰਤਾ: 5.1 (USGS) । 5.2 (ਤਸਨੀਮ ਏਜੰਸੀ ਅਨੁਸਾਰ)।
ਡੂੰਘਾਈ: 10 ਕਿਲੋਮੀਟਰ (ਲਗਭਗ 6 ਮੀਲ)।
ਸਥਾਨ: ਸੇਮਨਾਨ ਸ਼ਹਿਰ ਤੋਂ ਲਗਭਗ 37 ਕਿਲੋਮੀਟਰ ਦੱਖਣ-ਪੱਛਮ ਵਿੱਚ।
ਪ੍ਰਭਾਵਿਤ ਖੇਤਰ: ਉੱਤਰੀ ਈਰਾਨ ਦੇ ਕਈ ਹਿੱਸਿਆਂ ਵਿੱਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।
ਇਹ ਵੀ ਪੜ੍ਹੋ : ਮਿਜ਼ਾਈਲ ਤੇ ਹਵਾਈ ਹਮਲਿਆਂ ਨਾਲ ਇਜ਼ਰਾਈਲ ਨੂੰ ਹਰ ਰੋਜ਼ 1,700 ਕਰੋੜ ਰੁਪਏ ਦਾ ਹੁੰਦੈ ਨੁਕਸਾਨ : ਰਿਪੋਰਟ
ਭੂਚਾਲ ਅਤੇ ਜੰਗ ਇਕੱਠੇ
ਇਹ ਭੂਚਾਲ ਅਜਿਹੇ ਸਮੇਂ ਆਇਆ ਹੈ, ਜਦੋਂ ਈਰਾਨ ਪਹਿਲਾਂ ਹੀ ਇਜ਼ਰਾਈਲੀ ਹਵਾਈ ਹਮਲਿਆਂ ਦੀਆਂ ਕਈ ਲਹਿਰਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਯੁੱਧ ਅਤੇ ਕੁਦਰਤੀ ਆਫ਼ਤ ਦੋਵਾਂ ਦੇ ਦੋਹਰੇ ਝਟਕੇ ਨੇ ਲੋਕਾਂ ਵਿੱਚ ਚਿੰਤਾ ਅਤੇ ਦਹਿਸ਼ਤ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ।
ਸੇਮਨਾਨ ਖੇਤਰ 'ਚ ਪਹਿਲਾਂ ਵੀ ਆਇਆ ਸੀ ਭੂਚਾਲ
ਇਹ ਖੇਤਰ ਪਹਿਲਾਂ ਵੀ 20 ਜੂਨ ਨੂੰ 5.5 ਤੀਬਰਤਾ ਦੇ ਭੂਚਾਲ ਨਾਲ ਪ੍ਰਭਾਵਿਤ ਹੋਇਆ ਸੀ।
ਸਥਾਨਕ ਏਜੰਸੀਆਂ ਅਲਰਟ 'ਤੇ
ਹਾਲਾਂਕਿ ਇਸ ਤਾਜ਼ਾ ਭੂਚਾਲ ਵਿੱਚ ਕਿਸੇ ਵੀ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੈ, ਪਰ ਰੈੱਡ ਕ੍ਰੀਸੈਂਟ ਅਤੇ ਆਫ਼ਤ ਪ੍ਰਬੰਧਨ ਏਜੰਸੀਆਂ ਸੁਚੇਤ ਹਨ ਅਤੇ ਸਥਿਤੀ ਦੀ ਨਿਗਰਾਨੀ ਕਰ ਰਹੀਆਂ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਲੰਬੇ ਇੰਤਜ਼ਾਰ ਤੋਂ ਬਾਅਦ Tesla ਭਾਰਤ 'ਚ ਲਾਂਚ ਨੂੰ ਤਿਆਰ, ਜਾਣੋ ਕਿੱਥੇ ਖੁੱਲ੍ਹੇਗਾ ਪਹਿਲਾ ਸ਼ੋਅਰੂਮ
NEXT STORY 
