ਮਾਸਕੋ— ਹਰ ਕਿਸੇ ਨੂੰ ਆਪਣੀ ਜ਼ਿੰਦਗੀ ਨਾਲ ਪਿਆਰ ਹੁੰਦਾ ਹੈ ਪਰ ਰੂਸ ਦੇ ਚੇਚੇਨਿਆ 'ਚ ਰਹਿਣ ਵਾਲੀ ਕੋਕੂ ਇਸਤਾਮਬੁਲੋਵਾ ਦਾ ਆਪਣੀ ਜ਼ਿੰਦਗੀ ਤੋਂ ਮਨ ਭਰ ਗਿਆ ਹੈ। ਕੋਕੂ ਦੀ ਉਮਰ 129 ਸਾਲ ਹੈ। ਉਨ੍ਹਾਂ ਦੀ ਲੰਬੀ ਜ਼ਿੰਦਗੀ ਨੇ ਉਨ੍ਹਾਂ ਨੂੰ ਪ੍ਰੇਸ਼ਾਨ ਵੀ ਕਰ ਦਿੱਤਾ ਹੈ। ਕੋਕੂ ਕਹਿੰਦੀ ਹੈ ਕਿ ਉਨ੍ਹਾਂ ਨੇ ਇੰਨੇ ਲੰਬੇ ਸਮੇਂ 'ਚ ਇੰਨਾ ਕੁਝ ਦੇਖ ਲਿਆ ਹੈ ਜਿਸ ਤੋਂ ਉਹ ਪ੍ਰੇਸ਼ਾਨ ਹੋ ਚੁਕੀ ਹੈ। ਕੋਕੂ ਦੱਸਦੀ ਹੈ ਕਿ ਉਨ੍ਹਾਂ ਦੀ ਚਾਰ ਬੱਚਿਆਂ ਦੀ ਉਨ੍ਹਾਂ ਦੀ ਸਾਹਮਣੇ ਮੌਤ ਹੋਈ ਹੈ।
ਸਿਰਫ ਇਕ ਦਿਨ ਰਹਿ ਸਕੀ ਖੁਸ਼
129 ਸਾਲ ਦੀ ਕੋਕੂ ਇਸ ਲੰਬੀ ਜ਼ਿੰਦਗੀ 'ਚ ਸਿਰਫ ਇਕ ਦਿਨ ਹੀ ਖੁਸ਼ ਹੋਈ। ਉਹ ਕਹਿੰਦੀ ਹੈ ਕਿ ਉਹ ਦਿਨ ਉਦੋਂ ਸੀ ਜਦੋਂ ਅਸੀਂ ਯੁੱਧ ਦੇ ਬਾਅਦ ਆਜ਼ਾਦ ਹੋਏ ਸੀ। ਮੈਂ ਆਪਣੇ ਹੱਥਾਂ ਨਾਲ ਸਾਡਾ ਘਰ ਬਣਾਇਆ ਸੀ। ਮੇਰਾ ਪਤੀ ਬਹੁਤ ਕੰਮਚੋਰ ਸੀ ਇਸ ਲਈ ਮੈਂ ਹੀ ਘਰ ਦਾ ਕੰਮ ਕਰਦੀ ਸੀ ਪਰ ਮੈਂ ਆਪਣੇ ਨਵੇਂ ਘਰ 'ਚ ਜਾ ਕੇ ਖੁਸ਼ ਸੀ ਕੋਕੂ ਸ਼ਾਕਾਹਾਰੀ ਹੈ ਅਤੇ ਉਹ ਬੇਹੱਦ ਘੱਟ ਖਾਂਦੀ ਹੈ। ਉਹ ਜ਼ਿਆਦਾਤਰ ਦੁੱਧ ਹੀ ਪੀਂਦੀ ਹੈ। ਕੋਕੂ ਕਹਿੰਦੀ ਹੈ ਕਿ ਆਪਣੇ ਬੱਚਿਆਂ ਨੂੰ ਆਪਣੀਆਂ ਅੱਖਾਂ ਦੇ ਸਾਹਮਣੇ ਮਰਦੇ ਦੇਖ ਕਿਸ ਨੂੰ ਚੰਗਾ ਲੱਗਦਾ ਹੈ। ਕੋਕੂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਕਈ ਯੁੱਧ, ਕਈ ਮੌਤਾਂ ਅਤੇ ਬਹੁਤ ਸਾਰੇ ਵਿਨਾਸ਼ ਹੁੰਦੇ ਦੇਖੇ ਪਰ ਉਨ੍ਹਾਂ ਦੀ ਮੌਤ ਨਹੀਂ ਆਈ। ਸ਼ਾਇਦ ਮੌਤ ਉਨ੍ਹਾਂ ਦੇ ਘਰ ਦਾ ਰਸਤਾ ਭੁੱਲ ਗਈ ਹੈ।
ਨਾਤਿਨ ਰੱਖਦੀ ਹੈ ਖਿਆਲ
ਕੋਕੂ ਦੀ ਸਭ ਤੋਂ ਛੋਟੀ ਬੇਟੀ ਦੀ ਮੌਤ ਤੋਂ ਬਾਅਦ ਉਸ ਦੀ 17 ਸਾਲ ਦੀ ਨਾਤਿਨ ਮਦੀਨਾ ਉਸ ਦਾ ਧਿਆਨ ਰੱਖਦੀ ਹੈ। ਮਦੀਨਾ ਕਹਿੰਦੀ ਹੈ ਕਿ ਇਸ ਉਮਰ 'ਚ ਵੀ ਉਸ ਦੀ ਨਾਨੀ ਦੀਆਂ ਸਿਰਫ ਅੱਖਾਂ ਦੀ ਕਮਜ਼ੋਰ ਹੋਈਆਂ ਹਨ ਪਰ ਨਾਨੀ ਚਲਦੀ-ਫਿਰਦੀ ਹੈ। ਕਈ ਵਾਰ ਖਾਣਾ ਵੀ ਬਣਾਉਂਦੀ ਹੈ ਪਰ ਉਹ ਹਮੇਸ਼ਾ ਦੁਖੀ ਰਹਿੰਦੀ ਹੈ।
ਲੰਬੀ ਜ਼ਿੰਦਗੀ ਨੂੰ ਦੱਸਿਆ ਭਗਵਾਨ ਦੀ ਮਰਜ਼ੀ
ਕੋਕੂ ਨੇ ਦੱਸਿਆ ਕਿ ਮੈਨੂੰ ਲੰਬੀ ਜ਼ਿੰਦਗੀ ਦੇਣਾ ਸਿਰਫ ਭਗਵਾਨ ਦੀ ਮਰਜ਼ੀ ਹੈ। ਮੈਂ ਦੇਖਿਆ ਹੈ ਕਿ ਲੋਕ ਜ਼ਿਆਦਾ ਜਿਉਣ ਦੇ ਲਈ ਖੇਡਦੇ ਹਨ, ਚੰਗਾ ਖਾਂਦੇ ਹਨ ਪਰ ਮੈਂ ਅਜਿਹਾ ਕੁਝ ਨਹੀਂ ਕੀਤਾ। ਮੈਂ ਸਿਰਫ ਦੀ ਗਾਰਡਨ ਦੀ ਖੁਦਾਈ ਕਰਦੀ ਰਹਿੰਦੀ ਸੀ ਪਰ ਹੁਣ ਮੈਂ ਥੱਕ ਗਈ ਹਾਂ ਮੈਨੂੰ ਲੱਗਦਾ ਹੈ ਕਿ ਭਗਵਾਨ ਮੈਨੂੰ ਸਜ਼ਾ ਦੇ ਰਿਹਾ ਹੈ।
ਭਾਰਤੀ ਮੂਲ ਦੇ ਦੋ ਪਾਇਲਟ ਦੁਨੀਆ ਦੀ ਪਹਿਲੀ ਨੌਨਸਟੌਪ ਫਲਾਈਟ 'ਚ ਹੋਏ ਸ਼ਾਮਲ
NEXT STORY 
