ਇਸਲਾਮਾਬਾਦ- ਪਾਕਿਸਤਾਨ ਭਾਵੇਂ ਚੀਨ ਨੂੰ ਆਪਣੇ ਦੇਸ਼ ਵਿੱਚ ਪ੍ਰਾਜੈਕਟ ਚਲਾਉਣ ਲਈ ਸੁਰੱਖਿਆ ਦੇਣ ਦੇ ਵੱਡੇ-ਵੱਡੇ ਵਾਅਦੇ ਕਰ ਰਿਹਾ ਹੈ ਪਰ ਜ਼ਮੀਨੀ ਹਕੀਕਤ ਵੱਖਰੀ ਹੈ। ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਦੀ ਸਰਕਾਰ ਆਪਣੇ ਮਾਈਨਿੰਗ ਉਦਯੋਗ ਨੂੰ ਸੁਰੱਖਿਆ ਪ੍ਰਦਾਨ ਕਰਨ ਦੇ ਸਮਰੱਥ ਨਹੀਂ ਹੈ। ਇਹ ਮਾਈਨਿੰਗ ਇੰਡਸਟਰੀ ਨੂੰ ਬਚਾਉਣ ਲਈ ਅੱਤਵਾਦੀ ਸੰਗਠਨਾਂ ਨੂੰ ‘ਹਫ਼ਤਾ’ ਦੇ ਰਹੀ ਹੈ। ਸਰਕਾਰ ਪਾਬੰਦੀਸ਼ੁਦਾ ਅੱਤਵਾਦੀ ਸਮੂਹ ਬਲੋਚਿਸਤਾਨ ਲਿਬਰੇਸ਼ਨ ਆਰਮੀ (ਬੀ.ਐੱਲ.ਏ.) ਨੂੰ ਨਿਯਮਿਤ ਤੌਰ 'ਤੇ ਪੈਸੇ ਦੇ ਰਹੀ ਹੈ ਤਾਂ ਜੋ ਉਹ ਮਾਈਨਿੰਗ ਕੰਪਨੀਆਂ ਦੇ ਕਰਮਚਾਰੀਆਂ 'ਤੇ ਹਮਲੇ ਨਾ ਕਰਨ।
ਦਰਅਸਲ ਬਲੋਚਿਸਤਾਨ ਸੂਬੇ ਦੇ ਹਮਾਈ, ਦੇਗਾਰੀ, ਮਾਚ, ਜ਼ਿਆਰਤ,ਚਾਮਲਾਂਗ ਅਤੇ ਅਬੇਗਮ ਵਿੱਚ ਕੋਲੇ ਦੇ ਵੱਡੇ ਭੰਡਾਰ ਹਨ। ਇੱਥੇ 21 ਕਰੋੜ ਟਨ ਕੋਲਾ ਹੋਣ ਦਾ ਅਨੁਮਾਨ ਹੈ। ਇੱਥੇ ਸਥਿਤ 60 ਕਿਲੋਮੀਟਰ ਲੰਬੀ ਚਮਲਾਂਗ ਕੋਲਾ ਖਾਣਾਂ ਵਿੱਚ ਉੱਚ ਪਰਿਵਰਤਨਸ਼ੀਲ ਸੀ ਬਿਟੂਮਿਨਸ ਤੋਂ ਲੈ ਕੇ ਉੱਚ ਪਰਿਵਰਤਨਸ਼ੀਲ ਏ ਬਿਟੂਮਿਨਸ ਤੱਕ ਕੋਲਾ ਹੁੰਦਾ ਹੈ, ਜਿਸਦਾ ਭੰਡਾਰ 60 ਲੱਖ ਟਨ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਪਿਆਰ ਦੀ ਮਿਸਾਲ : 100 ਸਾਲਾ ਟੇਰੇਂਸ ਨੇ 96 ਸਾਲਾ ਸਵੈਰਲਿਨ ਨਾਲ ਰਚਾਇਆ ਵਿਆਹ
ਸੁਰੱਖਿਆ ਬਲਾਂ ਨਾਲੋਂ ਵੱਧ ਪੈਸਾ ਸਰਕਾਰ BLA ਨੂੰ ਦੇ ਰਹੀ
ਚਾਮਲਾਂਗ ਦੀਆਂ ਖਾਣਾਂ ਤੋਂ ਹਰ ਰੋਜ਼ ਕੋਲੇ ਦੇ 200-250 ਟਰੱਕ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਭੇਜੇ ਜਾਂਦੇ ਹਨ। ਕੋਲਾ 4000-4500 ਰੁਪਏ ਪ੍ਰਤੀ ਟਨ ਦੇ ਹਿਸਾਬ ਨਾਲ ਵਿਕ ਰਿਹਾ ਹੈ। ਸੂਤਰਾਂ ਨੇ ਦੱਸਿਆ ਕਿ ਬਲੋਚਿਸਤਾਨ ਸਰਕਾਰ ਨੂੰ ਕੋਲੇ ਦੀਆਂ ਖਾਣਾਂ ਤੋਂ ਨਿਕਲਣ ਵਾਲੇ ਹਰ ਟਨ ਲਈ ਸਿਰਫ 360 ਰੁਪਏ ਮਿਲਦੇ ਹਨ। ਖਾਣਾਂ ਦੀ ਸੁਰੱਖਿਆ ਲਈ ਅਰਧ ਸੈਨਿਕ ਬਲ ਫਰੰਟੀਅਰ ਕੋਰ ਨੂੰ ਪ੍ਰਤੀ ਟਨ 240 ਰੁਪਏ ਦਿੱਤੇ ਜਾਂਦੇ ਹਨ। ਇਸ ਦੇ ਨਾਲ ਹੀ ਪਾਬੰਦੀਸ਼ੁਦਾ ਅੱਤਵਾਦੀ ਸੰਗਠਨ ਬਲੋਚਿਸਤਾਨ ਲਿਬਰੇਸ਼ਨ ਆਰਮੀ (ਬੀ.ਐੱਲ.ਏ.) ਨੂੰ ਖਾਣਾਂ ਅਤੇ ਖਣਿਜ ਲੈ ਕੇ ਜਾਣ ਵਾਲੇ ਟਰੱਕਾਂ 'ਤੇ ਹਮਲਾ ਨਾ ਕਰਨ ਲਈ ਪ੍ਰਤੀ ਟਨ 260 ਰੁਪਏ ਦਿੱਤੇ ਜਾਂਦੇ ਹਨ। ਇਹ ਰਕਮ ਬੀ.ਐਲ.ਏ ਨੂੰ ਬੈਂਕ ਖਾਤੇ ਰਾਹੀਂ ਦਿੱਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਇਕ ਹੋਰ ਪਾਬੰਦੀਸ਼ੁਦਾ ਸੰਗਠਨ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀ.ਟੀ.ਪੀ.) ਨੂੰ ਖਾਣਾਂ 'ਤੇ ਹਮਲਾ ਨਾ ਕਰਨ ਲਈ 60 ਰੁਪਏ ਹੋਰ ਦਿੱਤੇ ਜਾਂਦੇ ਹਨ। ਹਾਲਾਂਕਿ ਪਾਕਿਸਤਾਨ ਸਰਕਾਰ BLA ਅਤੇ TTP ਵਰਗੇ ਪਾਬੰਦੀਸ਼ੁਦਾ ਸਮੂਹਾਂ ਨਾਲ ਅਜਿਹੇ ਪ੍ਰਬੰਧ ਕਰਨ ਤੋਂ ਇਨਕਾਰ ਕਰਦੀ ਹੈ। ਜੋ ਹੁਣ ਬਲੋਚ ਅੱਤਵਾਦੀ ਸਮੂਹਾਂ ਨਾਲ ਗਠਜੋੜ ਕਰਕੇ ਬਲੋਚਿਸਤਾਨ ਵਿੱਚ ਫੈਲ ਗਏ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤੀ ਪਾਸਪੋਰਟ ਧਾਰਕਾਂ ਲਈ ਚੰਗੀ ਖ਼ਬਰ, ਥਾਈਲੈਂਡ ਸਰਕਾਰ ਨੇ ਕੀਤਾ ਅਹਿਮ ਐਲਾਨ
ਬਲੋਚਿਸਤਾਨ ਵਿੱਚ 3 ਹਜ਼ਾਰ ਖਾਣਾਂ, 40 ਹਜ਼ਾਰ ਲੋਕਾਂ ਨੂੰ ਮਿਲ ਰਿਹੈ ਰੁਜ਼ਗਾਰ
ਪਾਕਿਸਤਾਨ ਸਰਕਾਰ ਮਾਈਨਿੰਗ ਕੰਪਨੀਆਂ ਨੂੰ ਸੁਰੱਖਿਆ ਦੇਣ ਦੇ ਨਾਂ 'ਤੇ ਅੱਤਵਾਦੀ ਸੰਗਠਨਾਂ ਨਾਲ ਮਿਲੀਭੁਗਤ ਕਰਨ 'ਚ ਲੱਗੀ ਹੋਈ ਹੈ। ਬਲੋਚਿਸਤਾਨ ਦੀ ਆਰਥਿਕਤਾ ਵਿੱਚ ਮਾਈਨਿੰਗ ਸੈਕਟਰ ਦਾ ਵੱਡਾ ਯੋਗਦਾਨ ਹੈ। ਇੱਥੇ 3 ਹਜ਼ਾਰ ਤੋਂ ਵੱਧ ਕੋਲੇ ਦੀਆਂ ਖਾਣਾਂ ਹਨ। ਜਿੱਥੇ 40 ਹਜ਼ਾਰ ਤੋਂ ਵੱਧ ਮਜ਼ਦੂਰ ਕੰਮ ਕਰਦੇ ਹਨ। ਜ਼ਿਕਰਯੋਗ ਹੈ ਕਿ ਪਾਕਿਸਤਾਨ ਹਰ ਸਾਲ 45.06 ਲੱਖ ਟਨ ਕੋਲੇ ਦਾ ਉਤਪਾਦਨ ਕਰਦਾ ਹੈ ਅਤੇ ਦੁਨੀਆ 'ਚ 34ਵੇਂ ਸਥਾਨ 'ਤੇ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸ਼ੈਰਫ ਇਕਰਾਜ਼ ਸਿੰਘ ਊੱਭੀ ਅਤੇ ਸ਼ੈਰਫ ਗਗਨਦੀਪ ਸਿੰਘ ਸਿੱਧੂ ਦਾ 'ਗੁਰਦੁਆਰਾ ਨਾਨਕ ਪ੍ਰਕਾਸ਼' ਫਰਿਜਨੋ ਵੱਲੋਂ ਸਨਮਾਨ
NEXT STORY 
