ਨਵੀਂ ਦਿੱਲੀ—ਬੀਤੇ ਸਾਲਾਂ 'ਚ ਸਿਹਤ ਬੀਮਾ ਪਾਲਿਸੀਆਂ ਦਾ ਸਫਲ ਵਿਕਾਸ ਹੋਇਆ ਹੈ ਅਤੇ ਹੁਣ ਇਹ ਗਾਹਕਾਂ ਦੇ ਕਾਫੀ ਅਨੁਕੂਲ ਬਣ ਗਈ ਹੈ। ਇਹ ਸਿਰਫ ਕਿਸੇ ਖਾਸ ਇਲਾਜ ਨਾਲ ਜੁੜੇ ਹਸਪਤਾਲ ਦੇ ਖਰਚ ਦਾ ਭਾਰ ਹੀ ਨਹੀਂ ਉਠਾਉਂਦੀ ਹੈ, ਸਗੋਂ ਇਨ੍ਹਾਂ 'ਚੋਂ ਕੁਝ ਅਜਿਹੀਆਂ ਸੁਵਿਧਾਵਾਂ ਵੀ ਹਨ ਜੋ ਹਰੇਕ ਯੋਜਨਾ ਨੂੰ ਅਨੋਖਾ ਬਣਾ ਦਿੰਦੀ ਹੈ। ਇਲਾਜ ਦੇ ਵਧਦੇ ਖਰਚ ਦੇ ਕਾਰਨ, ਹੁਣ ਇਹ ਜ਼ਰੂਰੀ ਹੋ ਗਿਆ ਹੈ ਕਿ ਤੁਹਾਨੂੰ ਬੀਮਾ ਕੰਪਨੀਆਂ ਵਲੋਂ ਪ੍ਰਦਾਨ ਕੀਤੀਆਂ ਸਹਾਇਤਾ ਸੁਵਿਧਾਵਾਂ ਦੇ ਬਾਰੇ 'ਚ ਚੰਗੀ ਤਰ੍ਹਾਂ ਪਤਾ ਹੋਵੇ। ਤਾਂ ਆਓ ਅਜਿਹੀਆਂ ਹੀ ਸੁਵਿਧਾਵਾਂ 'ਤੇ ਨਜ਼ਰ ਮਾਰਦੇ ਹਾਂ ਜੋ ਤੁਹਾਡੇ ਇਲਾਜ ਦੇ ਖਰਚ ਦੇ ਬੋਝ ਨੂੰ ਹਲਕਾ ਕਰ ਸਕਦੀਆਂ ਹਨ।
ਵਿਕਲਪਿਕ ਇਲਾਜ
ਵਿਕਲਪਿਕ ਇਲਾਜ ਪਹਿਲਾਂ ਡਾਕਟਰੀ ਕਵਰ 'ਚ ਸ਼ਾਮਲ ਨਹੀਂ ਸੀ ਪਰ ਹੁਣ ਕਈ ਬੀਮਾ ਕੰਪਨੀਆਂ ਨੇ ਆਯੁਰਵੈਦ, ਯੁਨਾਨੀ ਸਿੱਧ ਅਤੇ ਹੋਮਿਓਪੈਥਿਕ ਇਲਾਜ ਵਰਗੇ ਗੈਰ-ਐਲੋਪੈਥਿਕ ਇਲਾਜਾਂ ਦੇ ਲਈ ਵੀ ਕਵਰੇਜ਼ ਦੇਣਾ ਸ਼ੁਰੂ ਕਰ ਦਿੱਤਾ ਹੈ ਜਿਥੇ ਤੱਕ ਕੁਝ ਯੋਜਨਾਵਾਂ ਇਕ ਨਿਰਧਾਰਿਕ ਬੀਮਾ ਰਾਸ਼ੀ ਤੱਕ ਹੀ ਕਵਰੇਜ਼ ਪ੍ਰਦਾਨ ਕਰਦੀ ਹੈ, ਉਥੇ ਦੂਜੇ ਪਾਸੇ ਕੁਝ ਯੋਜਨਾਵਾਂ 'ਚ ਕਵਰੇਜ਼ 'ਤੇ ਇਕ ਉਪ-ਸੀਮਾ ਵੀ ਹੁੰਦੀ ਹੈ।
ਮੁਫਤ ਹੈਲਥ ਚੈਕਅੱਪ
ਜ਼ਿਆਦਾਤਰ ਯੋਜਨਾਵਾਂ 'ਚ ਇਹ ਸੁਵਿਧਾ ਮੌਜੂਦ ਹੈ। ਪਾਲਿਸੀਧਾਰਕ ਇਕ ਨਿਸ਼ਚਿਤ ਰਾਸ਼ੀ ਤੱਕ ਮੁਫਤ ਨਿਵਾਰਕ ਸਿਹਤ ਜਾਂਚ ਦਾ ਲਾਭ ਉਠਾ ਸਕਦੇ ਹਨ, ਇਹ ਰਾਸ਼ੀ ਬੀਮਾਕਰਤਾ ਵਲੋਂ ਉੱਚ ਨਿਰਧਾਰਿਤ ਹੁੰਦੀ ਹੈ। ਪਰ ਇਸ ਸੁਵਿਧਾ ਨੂੰ ਸਿਰਫ ਇਕ ਨਿਰੰਤਕ ਦਾਅਵਾ-ਮੁਕਤ ਸਮੇਂ ਪੂਰਾ ਕਰਨ ਦੇ ਬਾਅਦ ਹੀ ਪ੍ਰਾਪਤ ਕੀਤਾ ਜਾ ਸਕਦਾ ਹੈ, ਜੋ ਆਮ ਤੌਰ 'ਤੇ ਇਕ 'ਚੋਂ ਚਾਰ ਸਾਲ ਦੀ ਹੁੰਦੀ ਹੈ।
ਘਰੇਲੂ ਇਲਾਜ
ਕਦੇ-ਕਦੇ ਮਰੀਜ਼ ਦਾ ਇਲਾਜ ਘਰ 'ਚ ਹੀ ਕਰਨਾ ਪੈਂਦਾ ਹੈ ਕਿਉਂਕਿ ਉਹ ਹਸਪਤਾਲ ਜਾਣ ਦੀ ਹਾਲਤ 'ਚ ਨਹੀਂ ਹੁੰਦੇ ਹਨ ਜਾਂ ਹਸਪਤਾਲ 'ਚ ਬੈੱਡ ਉਪਲੱਬਧ ਨਹੀਂ ਹੁੰਦੇ ਹਨ। ਅਜਿਹੇ ਇਲਾਜਾਂ ਨੂੰ ਘਰੇਲੂ ਇਲਾਜ ਕਿਹਾ ਜਾਂਦਾ ਹੈ ਅਤੇ ਕਈ ਸਿਹਤ ਬੀਮਾ ਯੋਜਨਾਵਾਂ 'ਚ ਇਹ ਸੁਵਿਧਾ ਸ਼ਾਮਲ ਹੈ। ਕਿਸੇ ਵੀ ਪਾਲਿਸੀ ਦੇ ਨਿਯਮਾਂ ਅਤੇ ਸ਼ਰਤਾਂ ਨੂੰ ਚੰਗੀ ਤਰ੍ਹਾਂ ਪੜ੍ਹ ਕੇ ਇਹ ਸਮਝਿਆ ਜਾ ਸਕਦਾ ਹੈ ਕਿ ਇਸ ਤਰ੍ਹਾਂ ਦੇ ਇਲਾਜ ਇਕ ਨਿਰਧਾਰਿਤ ਸੀਮਾ ਤੱਕ ਕਵਰ ਕੀਤੇ ਜਾਂਦੇ ਹਨ ਜਾਂ ਪੂਰੀ ਤਰ੍ਹਾਂ ਨਾਲ।
ਨੋ ਕਲੇਮ ਬੋਨਸ
ਜੇਕਰ ਤੁਸੀਂ ਇਕ ਪਾਲਿਸੀ ਸਾਲ 'ਚ ਕੋਈ ਦਾਅਵਾ ਨਹੀਂ ਕਰਦੇ ਹੋ ਤਾਂ ਤੁਹਾਨੂੰ ਨੋ ਕਲੇਮ ਬੋਨਸ ਦੇ ਤਹਿਤ ਕੁਝ ਵਿਸ਼ੇਸ਼ ਲਾਭ ਪ੍ਰਦਾਨ ਕੀਤੇ ਜਾਂਦੇ ਹਨ। ਇਹ ਲਾਭ ਇਕ ਇਕ ਹੋਰ ਬੀਮਾ ਰਾਸ਼ੀ ਜਾਂ ਪ੍ਰੀਮੀਅਮ ਛੋਟ ਦੇ ਰੂਪ 'ਚ ਮਿਲ ਸਕਦੇ ਹਨ। ਇਹ ਬੋਨਸ ਆਮ ਤੌਰ 'ਤੇ ਸੰਚਯੀ ਹੁੰਦਾ ਹੈ ਅਤੇ ਕੋਈ ਦਾਅਵਾ ਨਾ ਹੋਣ 'ਤੇ ਹਰ ਸਾਲ ਵਧਦਾ ਰਹਿੰਦਾ ਹੈ।
ਸਿਹਤ ਲਾਭ ਦੇ ਸਮੇਂ ਦੀ ਸੁਵਿਧਾ
ਇਸ ਨੂੰ ਅਰੋਗਪ੍ਰਾਪਤੀ ਲਾਭ ਵੀ ਕਿਹਾ ਜਾਂਦਾ ਹੈ। ਇਹ ਲਾਭ ਇਕ ਪਾਲਿਸੀਧਾਰਕ ਨੂੰ ਉਸ ਸਮੇਂ ਦਿੱਤਾ ਜਾਂਦਾ ਹੈ ਜਦੋਂ ਹਸਪਤਾਲ 'ਚ ਦਾਖਲ ਰਹਿਣ ਦੇ ਸਮੇਂ ਨਿਰਧਾਰਿਤ ਦਿਨਾਂ ਦੀ ਗਿਣਤੀ ਤੋਂ ਜ਼ਿਆਦਾ ਹੋ ਜਾਂਦੀ ਹੈ, ਜੋ ਆਮ ਤੌਰ 'ਤੇ 10 ਤੋਂ 12 ਦਿਨ ਦੀ ਹੁੰਦੀ ਹੈ। ਇਹ ਸੁਵਿਧਾ ਆਮ ਤੌਰ 'ਤੇ ਲੰਬੇ ਸਮੇਂ ਤੱਕ ਹਸਪਤਾਲ 'ਚ ਭਰਤੀ ਰਹਿਣ 'ਤੇ ਅਤੇ ਇਸ ਦ੍ਰਿਸ਼ਟੀ ਨਾਲ ਇਹ ਉਪਯੋਗੀ ਵੀ ਹੈ।
ਦੈਨਿਕ ਨਕਦ ਲਾਭ
ਇਸ ਲਾਭ ਦੇ ਤਹਿਤ ਹਸਪਤਾਲ 'ਚ ਭਰਤੀ ਰਹਿਣ ਦੇ ਦੌਰਾਨ ਹਰੇਕ ਦਿਨ ਦੇ ਲਈ ਪਾਲਿਸੀਧਾਰਕਾਂ ਨੂੰ ਇਕ ਨਿਸ਼ਚਿਤ ਨਕਦ ਲਾਭ ਦਿੱਤਾ ਜਾਂਦਾ ਹੈ। ਇਸ ਦੀ ਵਰਤੋਂ ਹਸਪਤਾਲ 'ਚ ਆਪਣੇ ਠਹਿਰਣ ਦੇ ਦੌਰਾਨ ਤੁਹਾਡੇ ਵਲੋਂ ਕੀਤੇ ਜਾਣ ਵਾਲੇ ਹੋਰ ਖਰਚ, ਮਸਲਨ ਰਿਫਰੈੱਸ਼ਮੈਂਟ ਦੇ ਖਰਚ ਆਦਿ ਨੂੰ ਪੂਰਾ ਕਰਨ ਲਈ ਕੀਤਾ ਜਾ ਸਕਦਾ ਹੈ।
ਲਾਈਫ ਟਰਮ
ਇਹ ਇਕ ਮੁਕਾਬਲਾਤਨ ਨਵੀਂ ਸੁਵਿਧਾ ਹੈ ਜਿਸ ਨੂੰ ਲਗਭਗ ਸਾਰੇ ਸਿਹਤ ਬੀਮਾ ਯੋਜਨਾਵਾਂ 'ਚ ਸ਼ਾਮਲ ਕੀਤਾ ਗਿਆ ਹੈ ਜਿਸ ਨੂੰ ਲਾਈਫ ਟਰਮ ਰੈਨਿਊਏਸ਼ਨ ਨੂੰ ਜ਼ਰੂਰੀ ਬਣਾਉਣ ਦੇ ਸੰਬੰਧ 'ਚ ਆਈ.ਆਰ.ਡੀ.ਏ. ਦੇ ਨਿਯਮਾਂ 'ਚ ਕੀਤੇ ਗਏ ਸੰਸੋਧਨਾਂ ਅਨੁਸਾਰ ਸ਼ਾਮਲ ਕੀਤਾ ਗਿਆ ਹੈ। ਹੁਣ ਸਿਹਤ ਯੋਜਨਾਵਾਂ 'ਚ ਕੋਈ ਪਰਿਪੱਕਤਾ ਸਮੇਂ ਲਾਗੂ ਨਹੀਂ ਹੁੰਦੀ ਹੈ, ਜਿਵੇਂ ਕਿ ਯੋਜਨਾ ਨੂੰ ਕਦੋਂ ਤੱਕ ਨਵੀਨੀਕ੍ਰਿਤ ਕੀਤਾ ਜਾ ਸਕਦਾ ਹੈ। ਜੇਕਰ ਪ੍ਰੀਮੀਅਮ ਦਾ ਭੁਗਤਾਨ ਨਿਰਧਾਰਿਤ ਨਵੀਕਰਣ ਤਾਰੀਕ ਦੇ ਅੰਦਰ ਕੀਤਾ ਜਾਂਦਾ ਹੈ ਤਾਂ ਜੀਵਨ ਭਰ ਨਵੀਕਰਣ ਦੀ ਆਗਿਆ ਹੈ।
ਇੰਸ਼ਯੋਰਡ ਅਮਾਊਂਟ ਦੀ ਬਹਾਲੀ
ਇਹ ਸੁਵਿਧਾ ਡਬਲ ਬੀਮਾ ਰਾਸ਼ੀ ਕਵਰੇਜ਼ ਦੀ ਆਗਿਆ ਦਿੰਦੀ ਹੈ। ਜੇਕਰ ਕਿਸੇ ਵਿਸ਼ੇਸ਼ ਸਾਲ 'ਚ ਬੀਮਾ ਰਾਸ਼ੀ ਖਤਮ ਹੋ ਜਾਂਦੀ ਹੈ ਤਾਂ ਬੀਮਾ ਰਾਸ਼ੀ ਨੂੰ 100 ਫੀਸਦੀ ਤੱਕ ਬਹਾਲ ਕਰ ਦਿੱਤਾ ਜਾਂਦਾ ਹੈ। ਸਿਰਫ ਕੁਝ ਨਿਯਮਾਂ ਅਤੇ ਸ਼ਰਤਾਂ ਦੇ ਤਹਿਤ ਹੀ ਇਸ ਦੀ ਆਗਿਆ ਹੈ।
ਓ.ਪੀ.ਡੀ. ਟ੍ਰੀਟਮੈਂਟ
ਕੁਝ ਬੀਮਾ ਕੰਪਨੀਆਂ ਬਾਹਰੀ ਮਰੀਜ਼ਾਂ ਦੇ ਇਲਾਜ ਦਾ ਖਰਚ ਵੀ ਉਠਾਉਂਦੀ ਹੈ ਜਿਵੇਂ ਡਾਕਰ ਦੀ ਸਲਾਹ ਫੀਸ, ਰੋਗ ਪ੍ਰੀਖਣ, ਦਵਾਈ ਦਾ ਖਰਚ ਆਦਿ। ਇਹ ਉਸ ਤਰ੍ਹਾਂ ਦੇ ਇਲਾਜ ਕਰਵਾਉਣ ਵਾਲੇ ਮਰੀਜਾਂ ਦੇ ਲਈ ਫਾਇਦੇਮੰਦ ਹੈ ਜਿਸ ਦੇ ਲਈ ਹਸਪਤਾਲ 'ਚ ਭਰਤੀ ਹੋਣ ਦੀ ਲੋੜ ਨਹੀਂ ਪੈਂਦੀ ਹੈ। ਕਿਸੇ ਵੀ ਯੋਜਨਾ ਦੀ ਯੋਣ ਕਰਦੇ ਸਮੇਂ ਇਕ ਤੋਂ ਜ਼ਿਆਦਾ ਯੋਜਨਾਵਾਂ ਨੂੰ ਜੋੜਣ ਜਾਂ ਹਟਾਉਣ ਦੀ ਸਥਿਤੀ ਦੀ ਤੁਲਨਾ ਕਰਨ ਅਤੇ ਪ੍ਰੀਮੀਅਮ ਦੀ ਲਾਗਤ ਦੇ ਆਧਾਰ 'ਤੇ ਕੋਈ ਫੈਸਲਾ ਨਾ ਲਓ।
ਜਾਣੋ ਕਰਮਚਾਰੀ ਭਵਿੱਖ ਨਿਧੀ ਜਾਂ EPFO ਬਾਰੇ, ਘਰ ਬੈਠੇ ਕਿਵੇਂ ਚੈੱਕ ਕਰ ਸਕਦੇ ਹੋ PF ਬਕਾਇਆ
NEXT STORY 
