ਜਲੰਧਰ ਹਲਕੇ ਦੇ ਵਿਧਾਇਕ, ਜਿਨ੍ਹਾਂ ਖੇਡ ਮੈਦਾਨ 'ਚ ਵੀ ਕਰਵਾਈ ਬੱਲੇ-ਬੱਲੇ

Edited By Anuradha,
Updated: 21 Jan, 2022 06:15 PM

mlas of jalandhar who also rocked in playground

ਜਲੰਧਰ : ਪੰਜਾਬ ਵਿਧਾਨ ਸਭਾ ਚੋਣਾਂ ਦਾ ਮੈਦਾਨ ਪੂਰੀ ਤਰ੍ਹਾਂ ਭੱਖ ਚੁੱਕਾ ਹੈ। ਸਿਆਸੀ ਪਾਰਟੀਆਂ ਵੱਲੋਂ ਆਪਣੇ ਉਮੀਦਵਾਰ ਐਲਾਨੇ ਜਾ ਰਹੇ ਹਨ। ਜਿਨ੍ਹਾਂ ਦੀ ਟਿਕਟ ਕੱਟੀ ਜਾ ਰਹੀ ਹੈ, ਉਹ ਬਗਾਵਤ ਕਰਕੇ ਦੂਜੀਆਂ ਪਾਰਟੀਆਂ 'ਚ ਜਾ ਰਹੇ ਹਨ। ਸਾਰੀਆਂ ਸਿਆਸੀ ਪਾਰਟੀਆਂ ਚੋਣ ਮੈਦਾਨ ਫਤਿਹ ਕਰਨ ਲਈ ਰਣਨੀਤੀ ਬਣਾ ਰਹੀਆਂ ਹਨ। ਇਨ੍ਹਾਂ ਸਿਆਸੀ ਪਾਰਟੀਆਂ 'ਚ ਕਈ ਅਜਿਹੇ ਵਿਧਾਇਕ ਵੀ ਹਨ, ਜੋ ਨੈਸ਼ਨਲ ਤੇ ਇੰਟਰਨੈਸ਼ਨਲ ਪੱਧਰ 'ਤੇ ਖੇਡਦਿਆਂ ਦੇਸ਼ ਦਾ ਨਾਂ ਰੌਸ਼ਨ ਕਰ ਚੁੱਕੇ ਹਨ, ਜਦਕਿ ਕਈ ਵਿਧਾਇਕ ਅਜਿਹੇ ਹਨ, ਜੋ ਕਾਲਜ/ਯੂਨੀਵਰਸਿਟੀ ਪੱਧਰ ਤੱਕ ਆਪਣਾ ਵਧੀਆ ਪ੍ਰਦਰਸ਼ਨ ਦਿਖਾਉਂਦੇ ਰਹੇ ਹਨ।

ਇਹ ਵੀ ਪੜ੍ਹੋ : ਟਿਕਟਾਂ ਦੀ ਵੰਡ ਨੂੰ ਲੈ ਕੇ ਬਗਾਵਤ, ਦੂਜੀ ਲਿਸਟ 'ਚ ਕਾਂਗਰਸ ਕੁਝ ਸੀਟਾਂ 'ਤੇ ਬਦਲ ਸਕਦੀ ਹੈ ਉਮੀਦਵਾਰ

ਇਨ੍ਹਾਂ 'ਚ ਸਭ ਤੋਂ ਅਹਿਮ ਜਲੰਧਰ ਦੇ ਓਲੰਪੀਅਨ ਪਰਗਟ ਸਿੰਘ ਹਨ, ਜਿਨ੍ਹਾਂ ਨੇ ਹਾਕੀ ਦੇ ਦਮ 'ਤੇ ਜਲੰਧਰ ਨੂੰ ਨਹੀਂ ਬਲਕਿ ਪੰਜਾਬ ਨੂੰ ਵੀ ਇੰਟਰਨੈਸ਼ਨਲ ਪੱਧਰ 'ਤੇ ਇਕ ਅਲੱਗ ਪਛਾਣ ਦਿਵਾਈ ਹੈ। ਉਥੇ ਹੀ ਵਿਧਾਇਕ ਬਾਵਾ ਹੈਨਰੀ ਸਵਿਮਿੰਗ ਤੇ ਕ੍ਰਿਕਟ ਅਤੇ ਸੁਸ਼ੀਲ ਰਿੰਕੂ ਬਾਕਸਿੰਗ 'ਚ ਰਾਜ ਪੱਧਰ 'ਤੇ ਖੇਡ ਚੁੱਕੇ ਹਨ। ਸਾਬਕਾ ਮੁੱਖ ਮੰਤਰੀ ਬੇਅੰਤ ਸਿੰਘ ਵੀ ਫੁੱਟਬਾਲ ਦੇ ਚੰਗੇ ਖਿਡਾਰੀ ਰਹਿ ਚੁੱਕੇ ਹਨ। ਸਪੋਰਟਸ ਸਿਟੀ ਦੇ ਨਾਂ ਨਾਲ ਜਾਣੇ ਜਾਂਦੇ ਜਲੰਧਰ 'ਚ ਕ੍ਰਿਕਟ ਤੇ ਕਈ ਹੋਰ ਖੇਡਾਂ ਦੇ ਨੈਸ਼ਨਲ ਅਤੇ ਇੰਟਰਨੈਸ਼ਨਲ ਖਿਡਾਰੀ ਹਨ। ਸਾਬਕਾ ਮੁੱਖ ਮੰਤਰੀ ਪ੍ਰਤਾਪ ਸਿੰਘ ਕੈਰੋਂ ਨੇ ਖੇਡਾਂ ਦੇ ਖੇਤਰ 'ਚ ਬਿਹਤਰੀ ਲਈ ਸਪੋਰਟਸ ਸਕੂਲ ਤੇ ਕਾਲਜ ਸ਼ੁਰੂ ਕੀਤਾ ਸੀ, ਜੋ ਹੁਣ ਆਪਣੀ ਪੁਰਾਣੀ ਪਛਾਣ ਗੁਆ ਚੁੱਕਾ ਹੈ। ਜਲੰਧਰ ਦੇ ਵਿਧਾਇਕ ਕਿਸੇ ਨਾ ਕਿਸੇ ਖੇਡ ਨਾਲ ਜੁੜੇ ਰਹੇ ਹਨ ਪਰ ਕਿਸੇ ਨੇ ਵੀ ਖੇਡਾਂ ਲਈ ਖੁੱਲ੍ਹ ਕੇ ਸਾਹਮਣੇ ਆ ਕੇ ਗ੍ਰਾਂਟ ਬਾਰੇ ਕੋਈ ਵੱਡਾ ਫੈਸਲਾ ਨਹੀਂ ਲਿਆ।

ਇਹ ਵੀ ਪੜ੍ਹੋ : ਹੜ੍ਹਾਂ ਦੌਰਾਨ ਘੱਗਰ ਦੇ ਓਵਰਫਲੋਅ ਹੋਣ ਕਾਰਨ ਲੰਮੇ ਅਰਸੇ ਤੋਂ ਸੰਤਾਪ ਭੋਗਦੇ ਆ ਰਹੇ ਹਲਕਾ ਘਨੌਰ ਦੇ ਵਾਸੀ

ਕਿਹੜੇ-ਕਿਹੜੇ ਵਿਧਾਇਕ ਸਪੋਰਟਸ 'ਚ ਲੈਂਦੇ ਰਹੇ ਹਿੱਸਾ

ਸਾਲ	ਵਿਧਾਇਕ	ਇਲਾਕਾ	ਖੇਡ
1957	ਗੁਰਵੰਤਾ ਸਿੰਘ	ਕਰਤਾਰਪੁਰ	ਕਬੱਡੀ
1957	ਜਗਤ ਨਰਾਇਣ	ਜਲੰਧਰ ਸਾਊਥ	ਫੁੱਟਬਾਲ/ਹਾਕੀ
1962	ਦਲੀਪ ਸਿੰਘ	ਸ਼ਾਹਕੋਟ	ਵਾਲੀਬਾਲ/ਕਬੱਡੀ
1967	ਗੁਰਦਿਆਲ ਸੈਣੀ	ਜਲੰਧਰ ਨਾਰਥ	ਹਾਕੀ
1969	ਦਰਬਾਰਾ ਸਿੰਘ	ਨਕੋਦਰ	ਐਥਲੀਟ
1972	ਬਲਬੀਰ ਸਿੰਘ	ਜਲੰਧਰ ਕੈਂਟ	ਹਾਕੀ/ਸਵਿਮਿੰਗ
1972	ਸੁਰਜੀਤ ਸਿੰਘ	ਅਟਵਾਲ	ਸ਼ੂਟਿੰਗ
1977	ਉਮਰਾਓ ਸਿੰਘ	ਨਕੋਦਰ	ਹਾਕੀ/ਐਥਲੀਟ
1980	ਗੁਰਦਿਆਲ ਸੈਣੀ	ਜਲੰਧਰ ਨਾਰਥ	ਹਾਕੀ
1980	ਕੁਲਵੰਤ ਸਿੰਘ	ਆਦਮਪੁਰ	ਫੁੱਟਬਾਲ/ਵਾਲੀਬਾਲ
1980	ਚੌਧਰੀ ਜਗਜੀਤ ਸਿੰਘ	ਕਰਤਾਰਪੁਰ	ਹਾਕੀ
1985	ਓਮ ਪ੍ਰਕਾਸ਼ ਦੱਤ	ਜਲੰਧਰ ਨਾਰਥ	ਹਾਕੀ
1985	ਕੁਲਦੀਪ ਸਿੰਘ	ਵਡਾਲਾ	ਹਾਕੀ/ਐਥਲੀਟ
1992	ਬੇਅੰਤ ਸਿੰਘ	ਜਲੰਧਰ ਕੈਂਟ	ਫੁੱਟਬਾਲ
1992	ਅਵਤਾਰ ਹੈਨਰੀ	ਜਲੰਧਰ ਨਾਰਥ	ਬਾਡੀ ਬਿਲਡਰ
1992	ਜੈ ਕਿਸ਼ਨ ਸੈਣੀ	ਜਲੰਧਰ ਸੈਂਟਰਲ	ਹਾਕੀ/ਫੁੱਟਬਾਲ
1992	ਸੰਤੋਖ ਸਿੰਘ ਚੌਧਰੀ	ਫਿਲੌਰ	ਕ੍ਰਿਕਟ/ਬੈਡਮਿੰਟਨ
1997	ਅਮਰਜੀਤ ਸਿੰਘ	ਨਕੋਦਰ	ਗੋਲਫ/ਹਾਕੀ
2012	ਪਰਗਟ ਸਿੰਘ	ਜਲੰਧਰ ਕੈਂਟ	ਹਾਕੀ ਓਲੰਪਿਅਨ
2012	ਪਵਨ ਟੀਨੂੰ	ਆਦਮਪੁਰ	ਕ੍ਰਿਕਟ
2017	ਸੁਸ਼ੀਲ ਰਿੰਕੂ	ਜਲੰਧਰ ਵੈਸਟ	ਬਾਕਸਿੰਗ (ਰਾਜ ਪੱਧਰੀ)
2017	ਬਾਵਾ ਹੈਨਰੀ	ਜਲੰਧਰ ਨਾਰਥ	ਕ੍ਰਿਕਟ (ਰਾਜ ਪੱਧਰੀ)
2017	ਹਰਦੇਵ ਸਿੰਘ	ਸ਼ਾਹਕੋਟ	ਫੁੱਟਬਾਲ