ਵੈੱਬ ਡੈਸਕ - ਬਦਲਦਾ ਮੌਸਮ, ਪ੍ਰਦੂਸ਼ਣ ਅਤੇ ਸਰੀਰ 'ਚ ਪਾਣੀ ਦੀ ਕਮੀ ਅਕਸਰ ਬੁੱਲ੍ਹਾਂ ਦੀ ਕੁਦਰਤੀ ਨਮੀ ਖੋਹ ਲੈਂਦੀ ਹੈ। ਨਤੀਜੇ ਵਜੋਂ ਬੁੱਲ੍ਹ ਫਟਣ ਲੱਗਦੇ ਹਨ ਅਤੇ ਕਈ ਵਾਰ ਇਨ੍ਹਾਂ 'ਚੋਂ ਖੂਨ ਵੀ ਆਉਣ ਲੱਗਦਾ ਹੈ। ਜੇਕਰ ਤੁਸੀਂ ਮਹਿੰਗੇ ਕੈਮੀਕਲ ਵਾਲੇ ਪ੍ਰੋਡਕਟਸ ਦੀ ਵਰਤੋਂ ਕਰਕੇ ਥੱਕ ਚੁੱਕੇ ਹੋ, ਤਾਂ ਤੁਹਾਡੀ ਰਸੋਈ 'ਚ ਹੀ ਇਸ ਦਾ ਪੱਕਾ ਇਲਾਜ ਮੌਜੂਦ ਹੈ। ਸਿਹਤ ਮਾਹਿਰਾਂ ਅਨੁਸਾਰ, ਕੁਦਰਤੀ ਚੀਜ਼ਾਂ ਦੀ ਵਰਤੋਂ ਨਾਲ ਨਾ ਸਿਰਫ਼ ਬੁੱਲ੍ਹਾਂ ਦਾ ਫਟਣਾ ਬੰਦ ਹੁੰਦਾ ਹੈ, ਸਗੋਂ ਉਨ੍ਹਾਂ ਦਾ ਕਾਲਾਪਨ ਵੀ ਦੂਰ ਹੁੰਦਾ ਹੈ।
ਬੁੱਲ੍ਹਾਂ ਨੂੰ ਨਰਮ ਅਤੇ ਗੁਲਾਬੀ ਬਣਾਉਣ ਦੇ ਅਚੂਕ ਨੁਸਖੇ :-
- ਸਾਡੇ ਬਜ਼ੁਰਗਾਂ ਦਾ ਇਹ ਨੁਸਖਾ ਅੱਜ ਵੀ ਸਭ ਤੋਂ ਕਾਰਗਰ ਹੈ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਬੁੱਲ੍ਹਾਂ 'ਤੇ ਸ਼ੁੱਧ ਦੇਸੀ ਘਿਓ ਲਗਾਉਣ ਨਾਲ ਬੁੱਲ੍ਹ ਰਾਤੋ-ਰਾਤ ਨਰਮ ਹੋ ਜਾਂਦੇ ਹਨ।
- ਨਾਰੀਅਲ ਤੇਲ 'ਚ ਮੌਜੂਦ ਫੈਟੀ ਐਸਿਡ ਬੁੱਲ੍ਹਾਂ ਦੀ ਡੂੰਘੀ ਨਮੀ ਨੂੰ ਬਰਕਰਾਰ ਰੱਖਦੇ ਹਨ। ਇਸ ਨੂੰ ਦਿਨ 'ਚ 2-3 ਵਾਰ ਲਗਾਇਆ ਜਾ ਸਕਦਾ ਹੈ।
- ਸ਼ਹਿਦ ਇਕ ਕੁਦਰਤੀ ਐਂਟੀ-ਸੈਪਟਿਕ ਹੈ। ਬੁੱਲ੍ਹਾਂ 'ਤੇ ਸ਼ਹਿਦ ਦੀ ਇਕ ਪਰਤ ਲਗਾ ਕੇ ਉਸ ਉੱਪਰ ਵੈਸਲੀਨ ਲਗਾਓ। 15 ਮਿੰਟ ਬਾਅਦ ਇਸ ਨੂੰ ਗਿੱਲੇ ਕੱਪੜੇ ਨਾਲ ਸਾਫ਼ ਕਰ ਲਓ।
- ਜੇਕਰ ਬੁੱਲ੍ਹਾਂ 'ਚ ਜਲਨ ਹੋ ਰਹੀ ਹੈ, ਤਾਂ ਤਾਜ਼ਾ ਐਲੋਵੇਰਾ ਜੈੱਲ ਲਗਾਉਣ ਨਾਲ ਤੁਰੰਤ ਠੰਢਕ ਮਿਲਦੀ ਹੈ ਅਤੇ ਫਟੇ ਹੋਏ ਬੁੱਲ੍ਹ ਜਲਦੀ ਠੀਕ ਹੁੰਦੇ ਹਨ।
- ਬੁੱਲ੍ਹਾਂ ਦਾ ਗੁਲਾਬੀ ਰੰਗ ਵਾਪਸ ਪਾਉਣ ਲਈ ਗੁਲਾਬ ਦੀਆਂ ਪੱਤੀਆਂ ਨੂੰ ਦੁੱਧ 'ਚ ਪੀਸ ਕੇ ਪੇਸਟ ਬਣਾਓ ਅਤੇ ਇਸ ਨੂੰ 10 ਮਿੰਟ ਲਈ ਬੁੱਲ੍ਹਾਂ 'ਤੇ ਲਗਾਓ।
Beauty Tips : ਮੇਕਅਪ ਤੋਂ ਬਿਨਾਂ ਵੀ ਦਿਖੋਗੇ ਖੂਬਸੂਰਤ ਬਸ ਅਪਣਾ ਲਓ ਇਹ ਟਿਪਸ
NEXT STORY 
