ਨਵੀਂ ਦਿੱਲੀ- ਆਂਡਾ ਕਰੀ ਇਕ ਅਜਿਹਾ ਪਕਵਾਨ ਹੈ ਜਿਸ ਨੂੰ ਤੁਸੀਂ ਲੰਚ ਜਾਂ ਡਿਨਰ ਵਿਚ ਕਦੀ ਵੀ ਬਣਾ ਸਕਦੇ ਹੋ। ਆਂਡੇ ਵਿਚ ਪ੍ਰੋਟੀਨ ਤੋਂ ਇਲਾਵਾ ਵਿਟਾਮਿਨ ਡੀ ਵੀ ਹੁੰਦਾ ਹੈ ਇਸ ਨੂੰ ਤੁਹਾਡੇ ਪਰਿਵਾਰ ਵਾਲੇ ਬਹੁਤ ਖੁਸ਼ ਹੋ ਕੇ ਖਾਣਗੇ। ਅੱਜ ਦੀ ਰੈਸਿਪੀ ਵਿਚ ਅਸੀਂ ਤੁਹਾਨੂੰ ਆਂਡਾ ਕਰੀ ਬਣਾਉਣ ਦਾ ਤਰੀਕਾ ਦੱਸਣ ਜਾ ਰਹੇ ਹਾਂ।
ਵਰਤੋਂ ਹੋਣ ਵਾਲੀ ਸਮੱਗਰੀ
ਉਬਾਲੇ ਆਂਡੇ- 7
ਤੇਲ- 3 ਚਮਚੇ
ਹਲਦੀ- 1/2 ਚਮਚਾ
ਜੀਰਾ-1 ਚਮਚਾ
ਕਾਲੀ ਮਿਰਚ- 1 ਚਮਚਾ
ਹਰੀ ਇਲਾਇਚੀ-5
ਲੌਂਗ-4
ਸੁੱਕੀ ਲਾਲ ਮਿਰਚ-1
ਦਾਲਚੀਨੀ -1
ਗੰਢੇ- 200 ਗ੍ਰਾਮ
ਅਦਰਕ ਅਤੇ ਲਸਣ ਦਾ ਪੇਸਟ- 2 ਚਮਚੇ
ਟਮਾਟਰ ਪਿਊਰੀ- 200 ਗ੍ਰਾਮ
ਹਲਦੀ-1/4 ਚਮਚੇ
ਧਨੀਆ ਪਾਊਡਰ- 1 ਚਮਚਾ
ਲਾਲ ਮਿਰਚ-1 ਚਮਚਾ
ਲਾਲ ਮਿਰਚ ਪਾਊਡਰ- 1 ਚਮਚਾ
ਗਰਮ ਮਸਾਲਾ- 1 ਚਮਚਾ
ਗਰਮ ਪਾਣੀ- 300 ਮਿ.ਲੀ.
ਸੁਆਦ ਅਨੁਸਾਰ ਲੂਣ
ਗਾਰਨਿਸ਼ ਲਈ ਤਾਜ਼ਾ ਧਨੀਆ
ਬਣਾਉਣ ਦਾ ਤਰੀਕਾ
ਸਭ ਤੋਂ ਪਹਿਲਾਂ ਆਂਡਿਆਂ ਨੂੰ ਉਬਾਲ ਲਓ ਅਤੇ ਉਨ੍ਹਾਂ ਨੂੰ ਇਕ ਪਾਸੇ ਰੱਖ ਦਿਓ। ਮੀਡੀਅਮ ਗੈਸ 'ਤੇ ਇਕ ਪੈਨ ਰੱਖੋ। ਹੁਣ ਇਸ ਵਿਚ ਤੇਲ ਅਤੇ ਹਲਦੀ ਪਾਊਡਰ ਪਾਓ।
ਪੈਨ ਵਿਚ ਉਬਾਲੇ ਹੋਏ ਆਂਡੇ ਪਾਓ ਅਤੇ ਉਦੋਂ ਤਕ ਫਰਾਈ ਕਰੋ ਜਦੋਂ ਤੱਕ ਬਾਹਰੀ ਪਰਤ ਖਸਤਾ ਹੈ। ਹੁਣ ਇਕ ਕੜਾਹੀ ਲਓ। ਇਸ ਵਿਚ ਤੇਲ ਪਾਓ ਅਤੇ ਗਰਮ ਕਰੋ। ਤੇਲ ਵਿਚ ਜੀਰਾ, ਕਾਲੀ ਮਿਰਚ, ਲੌਂਗ, ਸੁੱਕੀ ਲਾਲ ਮਿਰਚ ਅਤੇ ਦਾਲਚੀਨੀ ਪਾਓ। ਸਾਰੇ ਮਸਾਲਿਆਂ ਨੂੰ ਪਕਾਓ ਅਤੇ ਫਿਰ ਗੰਢੇ ਪਾਓ। ਗੰਢਿਆਂ ਨੂੰ ਭੂਰੇ ਹੋਣ ਤੱਕ ਭੁੰਨੋ। ਹੁਣ ਇਸ ਵਿਚ ਅਦਰਕ-ਲਸਣ ਦਾ ਪੇਸਟ ਅਤੇ ਟਮਾਟਰ ਪਿਊਰੀ ਮਿਲਾਓ। ਇਸ ਨੂੰ ਚੰਗੀ ਤਰ੍ਹਾਂ ਭੁੰਨ ਲਓ।
ਮਸਾਲੇ ਵਿਚੋਂ ਤੇਲ ਛੱਡਣ 'ਤੇ ਹਲਦੀ, ਧਨੀਆ ਪਾਊਡਰ, ਲਾਲ ਮਿਰਚ ਪਾਊਡਰ, ਗਰਮ ਮਸਾਲਾ ਪਾਓ। ਸਭ ਨੂੰ ਰਲਾਓ ਅਤੇ ਫਿਰ ਗਰਮ ਪਾਣੀ ਸ਼ਾਮਲ ਪਾਓ।
ਸਾਰੀਆਂ ਚੀਜ਼ਾਂ ਨੂੰ ਉਦੋਂ ਤਕ ਪਕਾਓ ਜਦੋਂ ਤਕ ਇਕ ਸੰਘਣੀ ਗ੍ਰੈਵੀ ਨਾ ਬਣ ਜਾਵੇ। ਹੁਣ ਇਸ ਵਿਚ ਤਲੇ ਹੋਏ ਆਂਡੇ ਪਾਓ। ਹੁਣ ਆਂਡਿਆਂ ਦੀ ਕਰੀ ਨੂੰ ਕੱਟੇ ਹੋਏ ਧਨੀਏ ਨਾਲ ਗਾਰਨਿਸ਼ ਕਰੋ। ਤੁਹਾਡੇ ਖਾਣ ਲਈ ਗਰਮਾ-ਗਰਮ ਆਂਡਾ ਕਰੀ ਬਣ ਕੇ ਤਿਆਰ ਹੈ। ਤੁਸੀਂ ਮੱਖਣ ਦੀ ਰੋਟੀ ਨਾਲ ਸਰਵ ਕਰ ਸਕਦੇ ਹੋ।
ਘਰ ’ਚ ਆਸਾਨੀ ਨਾਲ ਬਣਾਓ Vegetable Biryani
NEXT STORY 
