ਨਵੀਂ ਦਿੱਲੀ— ਹਰ ਕਿਸੇ ਨੂੰ ਨਵੀਂ-ਨਵੀਂ ਥਾਂਵਾ ਦੇਖਣ ਦਾ ਬਹੁਤ ਸ਼ੌਕ ਹੁੰਦਾ ਹੈ। ਜੇਕਰ ਤੁਸੀਂ ਵੀ ਅਜਿਹੀ ਹੀ ਕਿਸੇ ਨਵੀਂ ਚੀਜ਼ ਦੀ ਤਲਾਸ਼ ਕਰ ਰਹੇ ਹੋ ਤਾਂ ਨੀਦਰਲੈਂਡ ਦਾ ਗਿਐਥਰੂਨ ਪਿੰਡ ਤੁਹਾਡੇ ਲਈ ਪਰਫੈਕਟ ਆਪਸ਼ਨ ਹੈ। ਇਸ ਪਿੰਡ ਦੀ ਖਾਸੀਅਮਤ ਇਹ ਹੈ ਕਿ ਇੱਥੇ ਆਉਣ-ਜਾਉਣ ਲਈ ਸੜਕਾਂ ਨਹੀਂ ਹਨ। ਇਕ ਵਾਰ ਇਸ ਪਿੰਡ ਦੀ ਸੈਰ ਕਰਨ ਦੇ ਬਾਅਦ ਤੁਸੀਂ ਹਰ ਵੀਕੇਂਡ 'ਚ ਇੱਥੇ ਆਉਣਾ ਚਾਹੋਗੇ।
ਇਸ ਪਿੰਡ 'ਚ ਨਹੀਂ ਹਨ ਸੜਕਾਂ
ਨੀਦਰਲੈਂਡ ਦੇ ਗਿਐਥਰੂਨ ਪਿੰਡ 'ਚ ਆਉਣ-ਜਾਣ ਲਈ ਸੜਕਾਂ ਨਹੀਂ ਹਨ ਸਗੋਂ ਲੋਕ ਕਿਸ਼ਤੀ ਦੇ ਜ਼ਰੀਏ ਪਿੰਡ ਤਕ ਪਹੁੰਚਦੇ ਹਨ। ਇਹ ਖੂਬਸੂਰਤ ਪਿੰਡ ਚਾਰੇ ਪਾਸਿਆਂ ਤੋਂ ਪਾਣੀ ਨਾਲ ਘਿਰਿਆ ਹੋਇਆ ਹੈ। ਦੱਖਣ ਦਾ ਵੇਨਿਸ ਜਾਂ ਨੀਦਰਲੈਂਡ ਦਾ ਵੇਨਿਸ ਦੇ ਨਾਂ ਨਾਲ ਮਸ਼ਹੂਰ ਇਸ ਪਿੰਡ 'ਚ ਯਾਤਰੀਆਂ ਦੀ ਭੀੜ ਲੱਗੀ ਰਹਿੰਦੀ ਹੈ। ਇੱਥੇ ਕਿਸ਼ਤੀ 'ਤੇ ਬੈਠ ਕੇ ਪੂਰਾ ਪਿੰਡ ਘੁੰਮਣਾ ਕਿਸੇ ਰੋਮਾਂਚ ਤੋਂ ਘੱਟ ਨਹੀਂ ਲੱਗਦਾ।
ਇੱਥੇ ਨਹੀਂ ਹੈ ਕੋਈ ਬਾਈਕ ਜਾਂ ਗੱਡੀ
ਇਸ ਦੇਸ਼ ਨੂੰ ਪ੍ਰਦੂਸ਼ਣ ਫ੍ਰੀ ਪਿੰਡ 'ਚੋਂ ਵੀ ਇਕ ਮੰਨਿਆ ਜਾਂਦਾ ਹੈ ਕਿਉਂਕਿ ਇੱਥੇ ਇਕ ਵੀ ਗੱਡੀ ਜਾਂ ਬਾਈਕ ਨਹੀਂ ਹੈ। ਜੇਕਰ ਇੱਥੇ ਕਿਸੇ ਨੂੰ ਕਿਤੇ ਜਾਣਾ ਹੁੰਦਾ ਹੈ ਤਾਂ ਉਹ ਕਿਸ਼ਤੀ ਦਾ ਹੀ ਸਹਾਰਾ ਲੈਂਦਾ ਹੈ।
ਇਲੈਕਟ੍ਰਿਕ ਮੋਟਰ ਕਿਸ਼ਤੀ ਦੀ ਸੁਵਿਧਾ
ਭਾਂਵੇ ਹੀ ਇੱਥੇ ਬਾਈਕ ਜਾਂ ਗੱਡੀ ਨਾ ਹੋਵੇ ਪਰ ਕਿਤੇ ਜਲਦੀ ਜਾਣ ਲਈ ਇੱਥੇ ਇਲੈਕਟ੍ਰੋਨਿਕ ਮੋਟਰ ਦੀ ਸੁਵਿਧਾ ਮੌਜੂਦ ਹੈ। ਇੰਨਾ ਹੀ ਨਹੀਂ ਇਸ ਨਾਲ ਜ਼ਿਆਦਾ ਸ਼ੋਰ ਵੀ ਨਹੀਂ ਹੁੰਦਾ, ਜਿਸ ਨਾਲ ਲੋਕਾਂ ਨੂੰ ਵੀ ਕੋਈ ਸ਼ਿਕਾਇਤ ਨਹੀਂ ਹੁੰਦੀ। ਤੁਹਾਨੂੰ ਸਿਰਫ ਬਤਖਾਂ ਅਤੇ ਚਿੜਿਆਂ ਦੀ ਹੀ ਆਵਾਜ਼ ਸੁਣਾਈ ਦੇਵੇਗੀ।
ਖੂਬਸੂਰਤ ਪੁਲ
ਇੱਥੇ ਨਹਿਰਾਂ ਦੇ ਉੱਪਰ 176 ਛੋਟੇ-ਛੋਟੇ ਲੱਕੜ ਦੇ ਪੁਲ ਬਣਾਏ ਗਏ ਹਨ ਜੋ ਕਿ ਪਿੰਡ ਦੀ ਸਾਦਗੀ ਅਤੇ ਖੂਬਸੂਰਤੀ ਨੂੰ ਹੋਰ ਵੀ ਵਧਾ ਦਿੰਦੇ ਹਨ। ਪੁਲ ਦੇ ਨਾਲ-ਨਾਲ ਇੱਥੇ ਦੇਖਣ ਲਈ ਕਈ ਇਤਿਹਾਸਿਕ ਇਮਾਰਤਾਂ ਵੀ ਹਨ। ਇਸ ਤੋਂ ਇਲਾਵਾ ਤੁਸੀਂ ਇੱਥੇ ਟੇਸਟੀ-ਟੇਸਟੀ ਖਾਣੇ ਦਾ ਮਜ਼ਾ ਵੀ ਲੈ ਸਕਦੇ ਹੋ।
ਸਰਦੀਆਂ 'ਚ ਕਰ ਸਕਦੇ ਹੋ ਸਕੇਟਿੰਗ
ਸਰਦੀਆਂ 'ਚ ਇੱਥੋਂ ਦੀਆਂ ਨਦੀਆਂ ਬਰਫ ਨਾਲ ਢੱਕ ਜਾਂਦੀਆਂ ਹਨ ਜਿਸ 'ਚ ਤੁਸੀਂ ਸਕੇਟਿੰਗ ਦਾ ਮਜ਼ਾ ਵੀ ਲੈ ਸਕਦੇ ਹੋ। ਵਿੰਟਰ ਸੀਜ਼ਨ ਘੁੰਮਣ ਲਈ ਤੁਸੀਂ ਇਸ ਨੂੰ ਆਪਣੀ ਟ੍ਰੈਵਲ ਲਿਸਟ 'ਚ ਸ਼ਾਮਲ ਕਰ ਸਕਦੇ ਹੋ।
ਇਨ੍ਹਾਂ ਤਰੀਕਿਆਂ ਨਾਲ ਘਰ ਦੀਆਂ ਦੀਵਾਰਾਂ ਨੂੰ ਦਿਓ ਡਿਫਰੈਂਟ ਲੁੱਕ
NEXT STORY 
