ਵੈੱਬ ਡੈਸਕ- ਲੌਕੀ ਸਿਰਫ਼ ਹੈਲਦੀ ਹੀ ਨਹੀਂ ਸਗੋਂ ਸੁਆਦ 'ਚ ਵੀ ਕਮਾਲ ਦੀ ਹੁੰਦੀ ਹੈ। ਇਸ ਨੂੰ ਇਸ ਵਾਰ ਕੁਝ ਵੱਖ ਅੰਦਾਜ 'ਚ ਟ੍ਰਾਈ ਕਰੋ ਲੌਕੀ ਕ੍ਰਿਸਪੀ ਸਟਿਕ। ਬਾਹਰੋਂ ਕ੍ਰਿਸਪੀ ਅਤੇ ਅੰਦਰੋਂ ਸਾਫਟ, ਇਹ ਸਟਿਕਸ ਬੱਚਿਆਂ ਅਤੇ ਵੱਡਿਆਂ ਦੋਵਾਂ ਲਈ ਪਰਫੈਕਟ ਸਨੈਕ ਹਨ। ਹਲਕੇ ਮਸਾਲਿਆਂ ਅਤੇ ਤਿੱਲ ਨਾਲ ਤਲੀ ਹੋਈ ਇਹ ਸਟਿਕਸ ਪਾਰਟੀ, ਚਾਹ ਦੇ ਨਾਲ ਜਾਂ ਹਲਕੇ ਖਾਣੇ 'ਚ ਬਿਹਤਰੀਨ ਲੱਗਦੀ ਹੈ।
Servings - 3
ਸਮੱਗਰੀ
ਕੱਦੂਕੱਸ ਕੀਤੀ ਹੋਈ ਲੌਕੀ - 430 ਗ੍ਰਾਮ
ਲਾਲ ਮਿਰਚ ਪਾਊਡਰ - 1 ਚਮਚ
ਧਨੀਆ ਪਾਊਡਰ - 1 ਚਮਚ
ਲੂਣ - 1 ਚਮਚ
ਹਲਦੀ ਪਾਊਡਰ - 1/4 ਚਮਚ
ਬੇਸਣ - 50 ਗ੍ਰਾਮ
ਪਾਣੀ - 180 ਮਿਲੀਲੀਟਰ
ਅਦਰਕ - 1 ਚਮਚ
ਹਰੀ ਮਿਰਚ - 1 ਚਮਚ
ਲਸਣ - 1 ਚਮਚ
ਤੇਲ - 1 ਚਮਚ
ਸਰ੍ਹੋਂ ਦੇ ਬੀਜ - 1/2 ਚਮਚ
ਜੀਰਾ - 1/2 ਚਮਚ
ਮੇਥੀ ਦੇ ਬੀਜ - 1/4 ਚਮਚ
ਤਿਲ (ਚਿੱਟਾ) - 2 ਚਮਚ
ਤਲਣ ਲਈ ਤੇਲ
ਤੰਦੂਰੀ ਮੇਓਨੀਜ਼ - ਸਜਾਵਟ ਲਈ
ਵਿਧੀ
1. ਇਕ ਕਟੋਰੀ 'ਚ, ਕੱਦੂਕਸ ਕੀਤੀ ਹੋਈ ਲੌਕੀ, ਲਾਲ ਮਿਰਚ ਪਾਊਡਰ, ਧਨੀਆ ਪਾਊਡਰ, ਲੂਣ ਅਤੇ ਹਲਦੀ ਪਾਓ। ਚੰਗੀ ਤਰ੍ਹਾਂ ਮਿਲਾਓ ਅਤੇ ਇਕ ਪਾਸੇ ਰੱਖੋ।
2. ਇਕ ਵੱਖਰੀ ਕਟੋਰੀ 'ਚ, ਬੇਸਣ ਅਤੇ ਪਾਣੀ ਪਾਓ ਅਤੇ ਚੰਗੀ ਤਰ੍ਹਾਂ ਫੈਂਟੋ।
3. ਇਕ ਮੂਸਲੀ ਜਾਂ ਕੂਟਨੀ 'ਚ, ਅਦਰਕ, ਹਰੀਆਂ ਮਿਰਚਾਂ ਅਤੇ ਲਸਣ ਨੂੰ ਬਾਰੀਕ ਪੀਸ ਲਓ ਅਤੇ ਇਕ ਪਾਸੇ ਰੱਖੋ।
4. ਇਕ ਪੈਨ 'ਚ 1 ਚਮਚ ਤੇਲ ਗਰਮ ਕਰੋ। ਸਰ੍ਹੋਂ ਦੇ ਬੀਜ, ਜੀਰਾ ਅਤੇ ਮੇਥੀ ਪਾਓ ਅਤੇ 1 ਮਿੰਟ ਲਈ ਭੁੰਨੋ।
5. ਹੁਣ ਲੌਕੀ ਦਾ ਮਿਸ਼ਰਨ ਪੈਨ 'ਚ ਪਾਓ ਅਤੇ ਮੱਧਮ ਸੇਕ 'ਤੇ 3-4 ਮਿੰਟ ਪਕਾਓ, ਵਿਚ-ਵਿਚ ਚਲਾਉਂਦੇ ਰਹੇ।
6. ਹੁਣ ਬੇਸਣ ਦਾ ਘੋਲ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ। ਮਿਸ਼ਰਨ ਗਾੜ੍ਹਾ ਹੋਣ ਤੱਕ ਪਕਾਓ।
7. ਸੇਕ ਤੋਂ ਹਟਾ ਕੇ5-8 ਮਿੰਟ ਲਈ ਠੰਡਾ ਹੋਣ ਦਿਓ।
8. ਠੰਡਾ ਹੋਣ ਤੋਂ ਬਾਅਦ, ਮਿਸ਼ਰਨ ਦੀ ਥੋੜ੍ਹੀ-ਥੋੜ੍ਹੀ ਮਾਤਰਾ ਲਓ ਅਤੇ ਹੱਥ 'ਚ ਫੈਲਾਓ, ਵਿਚਕਾਰ ਇਕ ਆਈਸ ਕਰੀਮ ਸਟਿੱਕ ਰੱਖੋ ਅਤੇ ਸਟਿਕ ਦੇ ਚਾਰੇ ਪਾਸੇ ਸਟਿਕ ਦਾ ਆਕਾਰ ਦਿਓ।
9. ਸਟਿਕ ਨੂੰ ਚਿੱਟੇ ਤਿੱਲ ਨਾਲ ਚੰਗੀ ਤਰ੍ਹਾਂ ਕੋਟ ਕਰੋ।
10. ਤਲਣ ਲਈ ਇਕ ਪੈਨ 'ਚ ਤੇਲ ਗਰਮ ਕਰੋ। ਸਟਿਕਸ ਨੂੰ ਸੁਨਹਿਰੀ ਅਤੇ ਕ੍ਰਿਸਪੀ ਹੋਣ ਤੱਕ ਭੁੰਨੋ। ਕਾਗਜ਼ 'ਤੇ ਕੱਢੋ ਅਤੇ ਵਾਧੂ ਤੇਲ ਨੂੰ ਭਿੱਜਣ ਦਿਓ।
11. ਤੰਦੂਰੀ ਮੇਓਨੀਜ਼ ਨਾਲ ਸਜਾਓ।
12. ਗਰਮਾ-ਗਰਮ ਪਰੋਸੋ।
ਨੋਟ: ਅਜਿਹੀਆਂ ਹੀ ਨਵੀਆਂ-ਨਵੀਆਂ ਅਤੇ ਟੇਸਟੀ ਰੈਸਿਪੀ ਲਈ ਸਾਡੇ Yum Recipes APP ਨੂੰ ਡਾਊਨਲੋਡ ਕਰੋ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪਾਣੀ ਪੀਂਦੇ ਸਮੇਂ ਨਾ ਕਰੋ ਇਹ ਗਲਤੀਆਂ, ਸਰੀਰ ਨੂੰ ਪਹੁੰਚ ਸਕਦੈ ਨੁਕਸਾਨ
NEXT STORY 
