ਵੈੱਬ ਡੈਸਕ- ਅੱਜਕੱਲ ਮੁਟਿਆਰਾਂ ਵੈਸਟਰਨ ਡਰੈੱਸ ਵਿਚ ਆਪਣੇ ਸਟਾਈਲ ਅਤੇ ਫੈਸਨ ਸੈਂਸ ਲਈ ਜਾਣੀਆਂ ਜਾਂਦੀਆਂ ਹਨ। ਜੀਨਸ-ਟਾਪ ਤੋਂ ਲੈ ਕੇ ਸਕਰਟ-ਟਾਪ ਤੱਕ, ਉਨ੍ਹਾਂ ਦੀ ਵਾਰਡਰੋਬ ਵਿਚ ਹਰ ਤਰ੍ਹਾਂ ਦੇ ਸਟਾਈਲਿਸ਼ ਪਹਿਰਾਵੇ ਦੇਖਣ ਨੂੰ ਮਿਲਦੇ ਹਨ। ਸਕਰਟ ਵਿਚ ਮੁਟਿਾਰਾਂ ਲਾਂਗ, ਮੀਡੀਅਮ ਅਤੇ ਸ਼ਾਰਟ ਸਕਰਟ ਤਿੰਨਾਂ ਨੂੰ ਪਸੰਦ ਕਰਦੀਆਂ ਹਨ। ਸ਼ਾਰਟ ਸਕਰਟ ਵਿਚ ਡੈਨਿਮ ਸਕਰਟ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣੀ ਹੋਈ ਹੈ। ਡੈਨਿਮ ਸ਼ਾਰਟ ਸਕਰਟ ਨਾ ਸਿਰਫ ਆਪਣੀ ਫੈਬਰਿਕ ਅਤੇ ਡਿਜ਼ਾਈਨ ਕਾਰਨ ਲੋਕਪ੍ਰਿਯ ਹੈ ਸਗੋਂ ਇਹ ਮੁਟਿਆਰਾਂ ਨੂੰ ਇਕ ਕੰਫੀਡੈਂਟ, ਟਰੈਂਡੀ ਅਤੇ ਮਾਡਰਨ ਲੁਕ ਵੀ ਪ੍ਰਦਾਨ ਕਰਦੀ ਹੈ। ਇਹ ਸਕਰਟ ਵੱਖ-ਵੱਖ ਰੰਗਾਂ ਜਿਵੇਂ ਬਲਿਊ, ਬਲੈਕ, ਵ੍ਹਾਈਟ, ਗ੍ਰੇਅ ਆਦਿ ਵਿਚ ਮੁਹੱਈਆ ਹੁੰਦੀ ਹੈ। ਇਸਦੇ ਡਿਜ਼ਾਈਨ ਵੀ ਕਈ ਤਰ੍ਹਾਂ ਦੇ ਹੁੰਦੇ ਹਨ ਜਿਵੇਂ ਸਾਈਡ ਕੱਟ, ਮਿਡ ਕੱਟ, ਜਿਪਰ ਡਿਜ਼ਾਈਨ, ਬਟਨ ਡਿਜ਼ਾਈਨ ਆਦਿ।
ਡੈਨਿਮ ਸਕਰਟ ਦੀ ਸਭ ਤੋਂ ਵੱਡੀ ਖੂਬੀ ਇਹ ਹੈ ਕਿ ਇਸਨੂੰ ਵੱਖ-ਵੱਖ ਤਰ੍ਹਾਂ ਦੇ ਟਾਪਸ ਅਤੇ ਫੁੱਟਵੀਅਰ ਨਾਲ ਆਸਾਨੀ ਨਾਲ ਪਹਿਨਿਆ ਜਾ ਸਕਦਾ ਹੈ।ਮੁਟਿਆਰਾਂ ਡੈਨਿਮ ਸ਼ਾਰਟ ਸਕਰਟ ਨੂੰ ਵੱਖ-ਵੱਖ ਟਾਪਸ ਨਾਲ ਸਟਾਈਲ ਕਰਨਾ ਪਸੰਦ ਕਰਦੀਆਂ ਹਨ। ਟੈਂਕ ਟਾਪ, ਕ੍ਰਾਪ ਟਾਪ, ਸ਼ਰਟ ਟਾਪ, ਬੈਲੂਨ ਟਾਪ, ਟੀ-ਸ਼ਰਟ ਆਦਿ ਸਾਰਿਆਂ ਨਾਲ ਡੈਨਿਮ ਸਕਰਟ ਬੇਹੱਦ ਖੂਬਸੂਰਤ ਲੱਗਦੀ ਹੈ। ਖਾਸ ਕਰ ਕੇ ਡੈਨਿਮ ਕ੍ਰਾਪ ਟਾਪ ਨਾਲ ਡੈਨਿਮ ਸਕਰਟ ਦਾ ਸੁਮੇਲ ਮੁਟਿਆਰਾਂ ਨੂੰ ਡਬਲ ਡੈਨਿਮ ਲੁਕ ਦਿੰਦਾ ਹੈ ਜੋ ਨਾ ਸਿਰਫ ਟਰੈਂਡੀ ਹੈ ਸਗੋਂ ਬਾਲੀਵੁੱਡ ਅਭਿਨੇਤਰੀਆਂ ਅਤੇ ਮਾਡਲਾਂ ਵਿਚਾਲੇ ਵੀ ਬਹੁਤ ਲੋਕਪ੍ਰਿਯ ਹੈ। ਕੁਝ ਮੁਟਿਆਰਾਂ ਡੈਨਿਮ ਸ਼ਰਟ ਤੇ ਡੈਨਿਮ ਜੈਕੇਟ ਨੂੰ ਵੀ ਸਕਰਟ ਨਾਲ ਸਟਾਈਲ ਕਰਦੀਆਂ ਹਨ ਜੋ ਉਨ੍ਹਾਂ ਦੀ ਲੁਕ ਨੂੰ ਹੋਰ ਜ਼ਿਆਦਾ ਅਟ੍ਰੈਕਟਿਵ ਬਣਾਉਂਦਾ ਹੈ।
ਡੈਨਿਮ ਸ਼ਾਰਟ ਸਕਰਟ ਨਾਲ ਮੁਟਿਆਰਾਂ ਫੁੱਟਵੀਅਰ ਦੀ ਚੋਣ ਵਿਚ ਵੀ ਖਾਸ ਧਿਆਨ ਦਿੰਦੀਆਂ ਹਨ। ਲਾਂਗ ਬੂਟਸ, ਹਾਈ ਹੀਲਸ ਅਤੇ ਸਪੋਰਟਸ ਸ਼ੂਜ ਉਨ੍ਹਾਂ ਦੇ ਪਸੰਦੀਦਾ ਆਪਸ਼ਨਾਂ ਵਿਚ ਸ਼ਾਮਲ ਹਨ। ਇਹ ਫੁੱਟਵੀਅਰ ਨਾ ਸਿਰਫ ਉਨ੍ਹਾਂ ਦੀ ਲੁਕ ਨੂੰ ਪੂਰਾ ਕਰਦੇ ਹਨ ਸਗੋਂ ਉਨ੍ਹਾਂ ਦੀ ਪਰਸਨੈਲਿਟੀ ਵਿਚ ਚਾਰ ਚੰਦ ਲਗਾਉਂਦੇ ਹਨ। ਭਾਵੇਂ ਕੈਜੂਅਲ ਆਊਟਿੰਗ ਹੋਵੇ ਜਾਂ ਪਾਰਟੀ, ਡੈਨਿਮ ਸਕਰਟ ਨਾਲ ਇਹ ਫੁੱਟਵੀਅਰ ਹਰ ਮੌਕੇ ’ਤੇ ਫਿਟ ਬੈਠਦੇ ਹਨ। ਡੈਨਿਮ ਸ਼ਾਰਟ ਸਕਰਟ ਮੁਟਿਆਰਾਂ ਲਈ ਇਕ ਅਜਿਹਾ ਪਹਿਰਾਵਾ ਹੈ ਜੋ ਸਟਾਈਲ, ਕੰਫਰਟ ਅਤੇ ਵਰਸਟੈਲਿਟੀ ਦਾ ਪਰਫੈਕਟ ਸੁਮੇਲ ਹੈ। ਭਾਵੇਂ ਦੋਸਤਾਂ ਨਾਲ ਘੁੰਮਣਾ ਹੋਵੇ ਜਾਂ ਕਿਸੇ ਖਾਸ ਮੌਕੇ ’ਤੇ ਸਪੈਸ਼ਲ ਲੱਗਣਾ ਹੋਵੇ, ਡੈਨਿਮ ਸਕਰਟ ਹਰ ਵਾਰ ਮੁਟਿਆਰਾਂ ਨੂੰ ਸਟਾਈਲਿਸ਼ ਅਤੇ ਮਾਡਰਨ ਦਿਖਣ ਵਿਚ ਮਦਦ ਕਰਦੀ ਹੈ।
ਕੀ ਜਨਤਕ ਟਾਇਲਟ ਦਾ ਇਸਤੇਮਾਲ ਕਰਨਾ ਹੈ ਸੁਰੱਖਿਅਤ?
NEXT STORY 
