ਵੈੱਬ ਡੈਸਕ- ਮੁਟਿਆਰਾਂ ਤੇ ਔਰਤਾਂ ਅਜਿਹੀ ਡਰੈੱਸ ਪਹਿਨਣਾ ਪਸੰਦ ਕਰਦੀਆਂ ਹਨ, ਜਿਹੜੀ ਉਨ੍ਹਾਂ ਨੂੰ ਖੂਬਸੂਰਤ ਦਿਖਾਉਣ ਦੇ ਨਾਲ-ਨਾਲ ਸਟਾਈਲਿਸ਼ ਤੇ ਟ੍ਰੈਂਡੀ ਲੁੱਕ ਵੀ ਦੇਵੇ। ਇਹੀ ਕਾਰਨ ਹੈ ਕਿ ਮਾਰਕੀਟ ’ਚ ਤਰ੍ਹਾਂ-ਤਰ੍ਹਾਂ ਦੇ ਡਿਜ਼ਾਈਨ, ਕੱਟ ਤੇ ਵਰਕ ਵਾਲੀਆਂ ਡਰੈੱਸਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਨੈੱਕਲਾਈਨ ਦੀ ਗੱਲ ਕਰੀਏ ਤਾਂ ਇਸ ’ਚ ਵੀ ਮੁਟਿਆਰਾਂ ਤੇ ਔਰਤਾਂ ਨੂੰ ਕਈ ਬਦਲ ਮਿਲ ਜਾਂਦੇ ਹਨ।
ਪਿਛਲੇ ਕੁਝ ਸਮੇਂ ਤੋਂ ਹਾਲਟਰ ਨੈੱਕ ਕਾਫੀ ਟ੍ਰੈਂਡ ’ਚ ਹੈ। ਇਸ ਦੀ ਯੂਨੀਕ ਡਿਜ਼ਾਈਨ ਮੁਟਿਆਰਾਂ ਤੇ ਔਰਤਾਂ ਦੋਵਾਂ ਦੀ ਹੀ ਫੇਵਰੇਟ ਬਣ ਗਈ ਹੈ। ਇਹੋ ਕਾਰਨ ਹੈ ਕਿ ਮੁਟਿਆਰਾਂ ਨੂੰ ਹਾਲਟਰ ਨੈੱਕਲਾਈਨ ਦੇ ਇੰਡੀਅਨ ਤੋਂ ਲੈ ਕੇ ਵੈਸਟਰਨ ਵੀਅਰ ’ਚ ਦੇਖਿਆ ਜਾ ਸਕਦਾ ਹੈ। ਉੱਥੇ ਹੀ ਔਰਤਾਂ ਵੀ ਹਾਲਟਰ ਨੈੱਕ ਵਾਲੇ ਬਲਾਊਜ਼, ਚੋਲੀ ਨੂੰ ਕਾਫੀ ਪਸੰਦ ਕਰ ਰਹੀਆਂ ਹਨ ਤੇ ਤਰ੍ਹਾਂ-ਤਰ੍ਹਾਂ ਦੀ ਸਾੜ੍ਹੀ, ਲਹਿੰਗੇ ਦੇ ਨਾਲ ਸਟਾਈਲ ਕਰ ਰਹੀਆਂ ਹਨ। ਸਿਰਫ ਆਮ ਮੁਟਿਆਰਾਂ ਤੇ ਔਰਤਾਂ ਹੀ ਨਹੀਂ, ਸਗੋਂ ਬਾਲੀਵੁੱਡ ਅਭਿਨੇਤਰੀਆਂ ਤੇ ਮਾਡਲਸ ਨੂੰ ਵੀ ਇਵੈਂਟਸ ਤੇ ਰੈਂਪ ’ਚ ਹਾਲਟਰ ਨੈੱਕਲਾਈਨ ਵਾਲੀਆਂ ਡਰੈੱਸਾਂ ’ਚ ਦੇਖਿਆ ਜਾ ਸਕਦਾ ਹੈ।
ਇਸ ਦਾ ਟ੍ਰੈਂਡ ਇੰਨਾ ਵੱਧ ਗਿਆ ਹੈ ਕਿ ਹੁਣ ਸਿੰਪਲ ਸੂਟ ਤੋਂ ਲੈ ਕੇ ਪਲਾਜ਼ੋ ਸੈੱਟ, ਸ਼ਰਾਰਾ ਸੂਟ, ਕੁੜਤਾ ਸੈੱਟ ਤੇ ਸਮਰ ਕੋ-ਆਰਡ ਸੈੱਟ ’ਚ ਵੀ ਹਾਲਟਰ ਨੈੱਕ ਕਾਨਸੈਪਟ ਦੇਖਣ ਨੂੰ ਮਿਲ ਰਿਹਾ ਹੈ। ਹਾਲਟਰ ਨੈੱਕਲਾਈਨ ਦੂਜੀ ਨੈੱਕਲਾਈਨ ਤੋਂ ਥੋੜ੍ਹੀ ਵੱਖਰੀ, ਸਟਾਈਲਿਸ਼ ਤੇ ਯੂਨੀਕ ਹੁੰਦੀ ਹੈ। ਇਹ ਗਲੇ ਦੇ ਨਾਲ ਨੈੱਕਲੈੱਸ ਵਾਂਗ ਚਿਪਕੀ ਹੁੰਦੀ ਹੈ। ਇਸ ਦੀ ਫਰੰਟ ਸਾਈਡ ’ਚ ਕਈ ਵਾਰ ਬਟਨ ਡਿਟੇਲਿੰਗ ਦੇਖੀ ਜਾ ਸਕਦੀ ਹੈ। ਬੈਕ ਸਾਈਡ ’ਚ ਸਟ੍ਰੈਪਸ ਹੁੰਦੇ ਹਨ। ਕੁਝ ਨੈੱਕਲਾਈਨ ’ਚ ਨੌਟ ਡਿਜ਼ਾਈਨ ਵੀ ਹੁੰਦਾ ਹੈ, ਜਿਹੜਾ ਫਰੰਟ ਤੋਂ ਹੋ ਕੇ ਬੈਕ ਸਾਈਡ ’ਚ ਬੰਨ੍ਹਿਆ ਜਾਂਦਾ ਹੈ। ਹਾਲਟਰ ਨੈੱਕ ਦੇ ਤਰ੍ਹਾਂ-ਤਰ੍ਹਾਂ ਦੇ ਟੌਪ, ਸ਼ਰਟ, ਕੁੜਤੀ, ਬਲਾਊਜ਼ ਕਾਫੀ ਟ੍ਰੈਂਡ ’ਚ ਹਨ। ਇਸ ’ਚ ਸ਼ੋਲਡਰ ਓਪਨ ਰਹਿੰਦੇ ਹਨ ਜੋ ਮਾਡਰਨ ਲੁੱਕ ਦਿੰਦੇ ਹਨ। ਹੇਅਰਸਟਾਈਲ ’ਚ ਮੁਟਿਆਰਾਂ ਜੂੜਾ, ਹਾਈ ਪੋਨੀਟੇਲ ਜਾਂ ਮੇਸੀ ਬਨ ਜ਼ਿਆਦਾ ਪਸੰਦ ਕਰ ਰਹੀਆਂ ਹਨ।
ਓਪਨ ਹੇਅਰ ’ਚ ਨੈੱਕਲਾਈਨ ਦਾ ਡਿਜ਼ਾਈਨ ਚੰਗੀ ਤਰ੍ਹਾਂ ਹਾਈਲਾਈਟ ਨਹੀਂ ਹੋ ਪਾਉਂਦਾ। ਐਕਸੈਸਰੀਜ਼ ’ਚ ਇਸ ਦੇ ਨਾਲ ਕਲੱਚ ਤੇ ਵਾਚ ਸਟਾਈਲ ਕੀਤੇ ਜਾ ਰਹੇ ਹਨ। ਜਿਊਲਰੀ ’ਚ ਹੈਵੀ ਨੈੱਕਲੈੱਸ ਅਵੌਇਡ ਕੀਤੇ ਜਾਂਦੇ ਹਨ, ਕਿਉਂਕਿ ਹਾਲਟਰ ਨੈੱਕ ਖੁਦ ਸਟੇਟਮੈਂਟ ਹੁੰਦਾ ਹੈ। ਈਅਰਰਿੰਗਸ ਨਾਲ ਲੁੱਕ ਕੰਪਲੀਟ ਕੀਤਾ ਜਾਂਦਾ ਹੈ। ਫੁੱਟਵੀਅਰ ’ਚ ਡਰੈੱਸ ਦੇ ਮੁਤਾਬਕ ਹੀਲਸ, ਸੈਂਡਲ ਜਾਂ ਪੈਂਸਿਲ ਹੀਲਸ ਕੈਰੀ ਕੀਤੀਆਂ ਜਾ ਰਹੀਆਂ ਹਨ। ਜੋ ਮੁਟਿਆਰਾਂ ਗਰਮੀਆਂ ’ਚ ਐਲੀਗੈਂਟ ਤੇ ਟ੍ਰੈਂਡੀ ਲੁੱਕ ਪਾਉਣਾ ਚਾਹੁੰਦੀਆਂ ਹਨ, ਉਹ ਹਾਲਟਰ ਨੈੱਕ ਡਰੈੱਸ ਨੂੰ ਪਹਿਲ ਦੇ ਰਹੀਆਂ ਹਨ।
ਪੁਰਸ਼ਾਂ ਦੇ ਸਪਰਮ 'ਚ 6 ਸਾਲ ਜ਼ਿੰਦਾ ਰਹਿ ਸਕਦੈ Hantavirus! ਅਧਿਐਨ 'ਚ ਵੱਡਾ ਖੁਲਾਸਾ
NEXT STORY 
