ਮੁੰਬਈ- ਅੱਜਕਲ ਕ੍ਰਾਪ ਟਾਪ ਬਹੁਤ ਟਰੈਂਡ ਵਿਚ ਹਨ। ਪੱਛਮੀ ਪਹਿਰਾਵੇ ਵਿਚ ਮੁਟਿਆਰਾਂ ਜੀਨਸ ਤੋਂ ਲੈ ਕੇ ਸ਼ਾਰਟਸ, ਟ੍ਰਾਊਜ਼ਰ, ਸਕਰਟ, ਪਲਾਜ਼ੋ, ਫਲੇਅਰ ਅਤੇ ਫਾਰਮਲ ਪੈਂਟ ਨਾਲ ਕ੍ਰਾਪ ਟਾਪ ਨੂੰ ਪਹਿਨਣਾ ਪਸੰਦ ਕਰ ਰਹੀਆਂ ਹਨ। ਕ੍ਰਾਪ ਟਾਪ ਨੂੰ ਹਾਫ ਸ਼ਰਟ, ਮਿਡ੍ਰਿਫ ਟਾਪ, ਬੈਲੀ ਸ਼ਰਟ ਅਤੇ ਕੱਟਆਫ ਸ਼ਰਟ ਵੀ ਕਿਹਾ ਜਾਂਦਾ ਹੈ। ਇਹ ਇਕ ਅਜਿਹਾ ਟਾਪ ਹੁੰਦਾ ਹੈ ਜੋ ਹੋਰ ਟਾਪਾਂ ਨਾਲੋਂ ਛੋਟਾ ਹੁੰਦਾ ਹੈ ਇਸ ਲਈ ਇਸਨੂੰ ਕ੍ਰਾਪ ਟਾਪ ਕਹਿੰਦੇ ਹਨ। ਕ੍ਰਾਪ ਟਾਪ ਮੁਟਿਆਰਾਂ ਨੂੰ ਸਟਾਈਲਿਸ਼ ਅਤੇ ਅਟ੍ਰੈਕਟਿਵ ਲੁਕ ਦਿੰਦੇ ਹਨ। ਇਹ ਪਹਿਨਣ ਵਿਚ ਬਹੁਤ ਕੰਫਲਟੇਬਲ ਹੁੰਦੇ ਹਨ। ਮੁਟਿਆਰਾਂ ਇਨ੍ਹਾਂ ਨੂੰ ਦਿਨਭਰ ਆਸਾਨੀ ਨਾਲ ਪਹਿਨ ਸਕਦੀਆਂ ਹਨ।
ਇਹ ਟਾਪ ਲੂਜ਼ ਪੈਂਟ ਜਾਂ ਸਕਰਟ ਨਾਲ ਜ਼ਿਆਦਾ ਸੁੰਦਰ ਲੱਗਦੇ ਹਨ। ਕੈਜੂਅਲ ਲੁਕ ਲਈ ਮੁਟਿਆਰਾਂ ਇਸਦੇ ਉੱਪਰ ਲੂਜ਼ ਸ਼ਰਟ ਅਤੇ ਹਾਈ-ਵੈਸਟ ਜੀਨਸ ਜਾਂ ਸ਼ਾਰਟਸ ਨੂੰ ਪਹਿਨਣਾ ਪਸੰਦ ਕਰ ਰਹੀਆਂ ਹਨ। ਕ੍ਰਾਪ ਟਾਪ ਕਈ ਸਕੂਲ ਅਤੇ ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣੇ ਹੋਏ ਹਨ। ਗਰਮੀਆਂ ਵਿਚ ਮੁਟਿਆਰਾਂ ਨੂੰ ਵ੍ਹਾਈਟ ਕ੍ਰਾਪ ਟਾਪ ਜ਼ਿਆਦਾ ਪਸੰਦ ਆ ਰਹੇ ਹਨ। ਆਊਟਿੰਗ, ਸ਼ਾਪਿੰਗ, ਪਿਕਨਿਕ ਆਦਿ ’ਤੇ ਮੁਟਿਆਰਾਂ ਨੂੰ ਜੀਨਸ, ਸਕਰਟ ਅਤੇ ਸ਼ਾਰਟਸ ਨਾਲ ਤਰ੍ਹਾਂ-ਤਰ੍ਹਾਂ ਦੇ ਟਰੈਂਡੀ ਵ੍ਹਾਈਟ ਜਾਂ ਹੋਰ ਲਾਈਟ ਕਲਰਸ ਦੇ ਕ੍ਰਾਪ ਟਾਪ ਵਿਚ ਦੇਖਿਆ ਜਾ ਸਕਦਾ ਹੈ। ਇਹ ਮੁਟਿਆਰਾਂ ਨੂੰ ਗਰਮੀਆਂ ਵਿਚ ਕੂਲ ਅਤੇ ਡਿਫਰੈਂਟ ਲੁਕ ਦਿੰਦੇ ਹਨ।
ਕ੍ਰਾਪ ਟਾਪ ਕਈ ਤਰ੍ਹਾਂ ਦੇ ਹੁੰਦੇ ਹਨ। ਸਿੰਪਲ ਅਤੇ ਕਲਾਸਿਕ ਡਿਜ਼ਾਈਨ ਦੇ ਕ੍ਰਾਪ ਟਾਪ ਕਿਸੇ ਵੀ ਮੌਕੇ ’ਤੇ ਪਹਿਨੇ ਜਾ ਸਕਦੇ ਹਨ। ਵਾਈਬ੍ਰੈਂਟ ਪ੍ਰਿੰਟ ਅਤੇ ਡਿਜ਼ਾਈਨ ਦੇ ਕ੍ਰਾਪ ਟਾਪ ਮੁਟਿਆਰਾਂ ਨੂੰ ਹਰ ਮੌਕੇ ’ਤੇ ਸਪੈਸ਼ਲ ਲੁਕ ਦਿੰਦੇ ਹਨ। ਆਫ-ਸ਼ੋਲਡਰ ਡਿਜ਼ਾਈਨ ਦੇ ਕ੍ਰਾਪ ਟਾਪ ਮੋਡਿਆਂ ਨੂੰ ਹਾਈਲਾਈਟ ਕਰਦੇ ਹਨ। ਫੁੱਟ ਸਲੀਵਸ ਵਾਲੇ ਕ੍ਰਾਪ ਟਾਪ ਮੁਟਿਆਰਾਂ ਸਰਦੀ ਜਾਂ ਕੈਜੂਅਲ ਮੌਕਿਆਂ ’ਤੇ ਸਾੜ੍ਹੀ ਜਾਂ ਜੀਨਸ ਨਾਲ ਪਹਿਣਦੀਆਂ ਹਨ। ਇਹ ਉਨ੍ਹਾਂ ਨੂੰ ਕਲਾਸੀ ਲੁਕ ਦਿੰਦੇ ਹਨ। ਮੁਟਿਆਰਾਂ ਆਪਣੀ ਲੁਕ ਨੂੰ ਹੋਰ ਸਟਾਈਲਿਸ਼ ਬਣਾਉਣ ਲਈ ਕ੍ਰਾਪ ਟਾਪ ਨਾਲ ਤਰ੍ਹਾਂ-ਤਰ੍ਹਾਂ ਦੀ ਅਸੈਸਰੀਜ਼ ਜਿਵੇਂ ਵਾਚ, ਬ੍ਰੈਸਲੇਟ, ਨੈਕਲੈੱਸ, ਈਅਰਰਿੰਗ ਆਦਿ ਨੂੰ ਕੈਰੀ ਕਰ ਰਹੀਆਂ ਹਨ। ਫੁੱਟਵੀਅਰ ਵਿਚ ਮੁਟਿਆਰਾਂ ਇਨ੍ਹਾਂ ਨਾਲ ਸਨੀਕਰਸ, ਹੀਲਸ, ਲਾਂਗ ਸ਼ੂਜ ਜਾਂ ਸੈਂਡਲ ਨੂੰ ਟਰਾਈ ਕਰ ਰਹੀਆਂ ਹਨ। ਕੁਝ ਮੁਟਿਆਰਾਂ ਕ੍ਰਾਪ ਟਾਪ ਨੂੰ ਸ਼ਰੱਗ ਜਾਂ ਸ਼ਰਟ ਨਾਲ ਵੀ ਸਟਾਈਲ ਕਰਦੀਆਂ ਹਨ।
ਹੁਣ ਤੁਹਾਡੇ ਸਾਥੀ ਨੂੰ ਨਹੀਂ ਮਿਲੇਗਾ ਸ਼ਿਕਾਇਤ ਦਾ ਮੌਕਾ, ਵਰਤੋਂ ਇਹ ਨੁਸਖ਼ਾ
NEXT STORY 
