ਨਵੀਂ ਦਿੱਲੀ— ਮੋਦੀ ਮੰਤਰੀ ਮੰਡਲ ਦੇ ਤੀਜੇ ਵਿਸਥਾਰ 'ਚ ਯੂ. ਪੀ. ਦੇ 2 ਸੰਸਦਾਂ ਨੂੰ ਜਗ੍ਹਾਂ ਮਿਲੀ ਹੈ। ਬਾਗਪਤ ਦੇ ਸੰਸਦ ਅਤੇ ਸਾਬਕਾ ਮੁੰਬਈ ਪੁਲਸ ਕਮੀਸ਼ਨਰ ਸੱਤਿਆਪਾਲ ਸਿੰਘ ਅਤੇ ਰਾਜ ਸਭਾ ਸੰਸਦ ਸ਼ਿਵ ਪ੍ਰਤਾਪ ਸ਼ੁੱਕਲਾ ਨੂੰ ਮੰਤਰੀ ਮੰਡਲ 'ਚ ਸ਼ਾਮਲ ਕੀਤਾ ਗਿਆ ਹੈ।
ਦੱਸਣਾ ਚਾਹੁੰਦੇ ਹਾਂ ਕਿ ਸ਼ਿਵ ਪ੍ਰਤਾਪ ਅਤੇ ਸੱਤਿਆਪਾਲ ਸਿੰਘ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਦੇ ਕਰੀਬੀ ਮੰਨੇ ਜਾਂਦੇ ਹਨ। ਜਿਸ ਕਰਕੇ ਇਹ ਵੀ ਕਿਹਾ ਜਾਂਦਾ ਹੈ ਕਿ ਮੋਦੀ ਦੀ ਨਵੀਂ ਮੰਤਰੀ ਮੰਡਲ 'ਚ ਯੂ. ਪੀ. ਤੋਂ ਰਾਜਨਾਥ ਦੇ ਕਰੀਬੀਆਂ ਨੂੰ ਪਹਿਲ ਦਿੱਤੀ ਗਈ ਹੈ।
ਕਲਰਾਜ ਮਿਸ਼ਰਾ ਦੇ ਅਸਤੀਫੇ ਤੋਂ ਬਾਅਦ ਰਾਜਨਾਥ ਸੰਸਦ ਸ਼ਿਵਪ੍ਰਤਾਪ ਸ਼ੁੱਕਲਾ ਨੂੰ ਕੈਬਿਨਟ 'ਚ ਜਗ੍ਹਾ ਦਿੱਤੀ ਗਈ ਹੈ। ਸ਼ਿਵਪ੍ਰਤਾਪ ਸ਼ੁੱਕਲਾ ਕਰਕੇ ਭਾਜਪਾ ਪੂਰਵਾਂਚਲ 'ਚ ਬ੍ਰਾਹਮਣ ਵੋਟਾਂ ਨੂੰ ਬਰਕਰਾਰ ਰੱਖਣ ਲਈ ਕੋਸ਼ਿਸ਼ ਕੀਤੀ ਹੈ। ਦੂਜੀ ਸਾਈਡ ਸਤਪਾਲ ਸਿੰਘ ਨੂੰ ਸ਼ਾਮਲ ਕਰਕੇ ਖੇਤਰੀ ਵੋਟਾਂ ਨੂੰ ਪੂਰੀ ਤਰ੍ਹਾਂ ਮਜ਼ਬੂਤੀ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।
ਜ਼ਿਕਰਯੋਗ ਹੈ ਕਿ ਕੈਬਿਨਟ ਵਿਸਥਾਰ ਦੇ 3 ਦਿਨ ਪਹਿਲਾਂ ਹੀ ਸਰਕਾਰ ਨੂੰ ਮੰਤਰੀਆਂ ਦੇ ਅਸਤੀਫੇ ਸ਼ੁਰੂ ਹੋ ਗਏ ਹਨ। ਜਿਨ੍ਹਾਂ 'ਚ ਯੂ. ਪੀ. ਤੋਂ ਕੈਬਿਨਟ ਮੰਤਰੀ ਕਲਰਾਜ ਮਿਸ਼ਰਾ ਨੇ ਅੱਜ ਆਪਣਾ ਅਸਤੀਫਾ ਦੇ ਦਿੱਤਾ ਹੈ। ਸ਼ੁੱਕਲਾ ਗ੍ਰਾਮੀਣ ਵਿਕਾਸ ਲਈ ਸੰਸਦ ਦੀ ਸਥਾਈ ਸਮਿਤੀ ਦੇ ਮੈਂਬਰ ਹਨ। ਉਹ ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਦੀ ਮੈਂਬਰਸ਼ਿਪ ਲਈ ਲਗਾਤਾਰ 4 ਵਾਰ 1989, 1991, 1993, ਅਤੇ 1996 'ਚ ਚੁਣੇ ਜਾ ਚੁੱਕੇ ਹਨ।
ਇਸ ਨਾਲ ਹੀ ਲੋਕਸਭਾ ਚੌਣਾਂ 'ਚ ਰਾਸ਼ਟਰੀ ਲੋਕ ਦਲ ਦੇ ਮੁਖੀ ਅਜੀਤ ਸਿੰਘ ਦੇ ਖਿਲਾਫ ਬਾਗਵਤ ਲੋਕ ਸਭਾ ਸੀਟ ਤੋਂ 2 ਲੱਖ ਤੋਂ ਵਧ ਮਤਾ ਤੋਂ ਜਿੱਤ ਕੇ ਰਿਕਾਰਡ ਬਣਾਉਣ ਵਾਲੇ ਆਈ. ਪੀ. ਐੈੱਸ. ਅਧਿਕਾਰੀ ਸੱਤਿਆਪਾਲ ਸਿੰਘ ਨੂੰ ਮੋਦੀ ਕੈਬਿਨਟ 'ਚ ਸ਼ਾਮਲ ਕੀਤਾ ਗਿਆ ਹੈ। ਮਹਾਰਾਸ਼ਟਰ ਕੈਡਰ ਦੇ ਸਾਲ 1980 ਬੈਚ ਦੇ ਆਈ. ਪੀ. ਐੈੱਸ. ਅਧਿਕਾਰੀ ਸੱਤਿਆਪਾਲ ਸਿੰਘ 2012 ਤੋਂ 2014 ਤੱਕ ਮੁੰਬਈ ਦੇ ਪੁਲਸ ਕਮੀਸ਼ਨਰ ਰਹੇ ਹਨ।
ਸਿਰ ਕੁਚਲ ਕੇ ਪਤਨੀ ਨੂੰ ਮਾਰਿਆ, ਫਿਰ ਗੁਮਸ਼ੁੱਦਗੀ ਦੀ ਕਹਾਣੀ ਬਣਾ ਕੇ ਖੁਦ ਲੱਭਣ ਨਿਕਲਿਆ
NEXT STORY 
