ਕੋਲਕਾਤਾ- ਏਅਰਬੱਸ ਬੇਲੁਗਾ ਦਾ ਕੋਲਕਾਤਾ 'ਚ ਉਤਰਨਾ ਇਕ ਦੁਰਲੱਭ ਘਟਨਾ ਹੈ, ਕਿਉਂਕਿ ਇਹ ਜਹਾਜ਼ ਆਮ ਤੌਰ 'ਤੇ ਕੁਝ ਹਵਾਈ ਅੱਡਿਆਂ 'ਤੇ ਹੀ ਵੇਖਿਆ ਜਾਂਦਾ ਹੈ। ਕੋਲਕਾਤਾ ਹਵਾਈ ਅੱਡੇ 'ਤੇ ਪਹਿਲੀ ਵਾਰ ਸਭ ਤੋਂ ਵੱਡੇ ਏਅਰਬਸ ਬੇਲੁਗਾ ਸੀਰੀਜ਼ ਦੇ ਜਹਾਜ਼ 'ਬੇਲੁਗਾ ਐਕਸਐੱਲ' ਨੂੰ ਉਤਾਰਿਆ ਗਿਆ। 'Beluga XL' 'Beluga ST' ਦਾ ਅਪਗ੍ਰੇਡ ਕੀਤਾ ਅਤੇ ਵੱਡਾ ਸੰਸਕਰਣ ਹੈ। ਏਅਰਪੋਰਟ ਅਥਾਰਟੀ ਆਫ ਇੰਡੀਆ ਦੇ ਬੁਲਾਰੇ ਨੇ ਬੁੱਧਵਾਰ ਨੂੰ ਇਕ ਬਿਆਨ 'ਚ ਕਿਹਾ ਕਿ ਪਹਿਲਾਂ 'ਸੀਟੀ' ਸੀਰੀਜ਼ ਦੇ ਜਹਾਜ਼ਾਂ ਨੂੰ ਕੋਲਕਾਤਾ ਦੇ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਉਤਾਰਿਆ ਗਿਆ ਸੀ ਪਰ ਮੰਗਲਵਾਰ ਰਾਤ ਨੂੰ ਪਹਿਲੀ ਵਾਰ 'ਐਕਸਐੱਲ' ਸੀਰੀਜ਼ ਦੇ ਜਹਾਜ਼ਾਂ ਨੂੰ ਕੋਲਕਾਤਾ 'ਤੇ ਉਤਾਰਿਆ ਗਿਆ। ਕੋਲਕਾਤਾ ਹਵਾਈ ਅੱਡੇ 'ਤੇ ਜਹਾਜ਼ ਉਤਾਰੇ ਗਏ। ਜਹਾਜ਼ ਮੰਗਲਵਾਰ ਰਾਤ 10.43 ਵਜੇ ਕੋਲਕਾਤਾ ਹਵਾਈ ਅੱਡੇ 'ਤੇ ਉਤਰਿਆ। ਇਹ ਬਹਿਰੀਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਇੱਥੇ ਪਹੁੰਚਿਆ। ਬੁਲਾਰੇ ਨੇ ਦੱਸਿਆ ਕਿ ਉਨ੍ਹਾਂ ਦਾ ਜਲ ਤੋਪਾਂ ਨਾਲ ਸਵਾਗਤ ਕੀਤਾ ਗਿਆ।
ਦੱਸ ਦੇਈਏ ਕਿ ਏਅਰਬਸ ਬੇਲੁਗਾ ਇਕ ਵਿਸ਼ੇਸ਼ ਪ੍ਰਕਾਰ ਦਾ ਕਾਰਗੋ ਜਹਾਜ਼ ਹੈ, ਜਿਸ ਨੂੰ ਵੱਡੇ ਅਤੇ ਭਾਰੀ ਯੰਤਰਾਂ ਨੂੰ ਇਕ ਥਾਂ ਤੋਂ ਦੂਜੀ ਥਾਂ ਤੱਕ ਲੈ ਕੇ ਜਾਣ ਲਈ ਡਿਜ਼ਾਈਨ ਕੀਤਾ ਗਿਆ ਹੈ। ਇਸ ਜਹਾਜ਼ ਦਾ ਆਕਾਰ 'ਬੇਲੁਗਾ ਵ੍ਹੇਲ' ਵਾਂਗ ਹੁੰਦਾ ਹੈ, ਜੋ ਇਸ ਨੂੰ ਹੋਰ ਜਹਾਜ਼ਾਂ ਤੋਂ ਵੱਧ ਅਤੇ ਖ਼ਾਸ ਬਣਾਉਂਦਾ ਹੈ। ਇਸ ਦਾ ਮੁੱਖ ਉਦੇਸ਼ ਹਵਾਈ ਮਾਰਗ ਜ਼ਰੀਏ ਵੱਡੇ ਆਕਾਰ ਦੀ ਸਮੱਗਰੀ ਜਿਵੇਂ ਹਵਾਈ ਜਹਾਜ਼ ਦੇ ਖੰਭ, ਹੈਲੀਕਾਪਟਰ, ਰਾਕੇਟ ਅਤੇ ਉਦਯੋਗਿਕ ਯੰਤਰਾਂ ਨੂੰ ਲੈ ਕੇ ਜਾਣਾ ਹੈ।
ਏਅਰਬੱਸ ਬੇਲੁਗਾ ਦੀਆਂ ਖ਼ਾਸੀਅਤਾਂ
ਵੱਡੀ ਕਾਰਗੋ ਸਪੇਸ: ਬੇਲੁਗਾ ਦੇ ਕਾਰਗੋ ਹੋਲਡ 'ਚ ਵਿਸ਼ਾਲ ਅਤੇ ਅਜੀਬ ਆਕਾਰ ਦੇ ਭਾਰੀ ਉਪਕਰਣ ਸ਼ਾਮਲ ਹੋ ਸਕਦੇ ਹਨ।
ਵਿਲੱਖਣ ਡਿਜ਼ਾਈਨ: ਇਸ ਦਾ ਵਿਲੱਖਣ ਬੇਲੁਗਾ ਵ੍ਹੇਲ ਵਰਗਾ ਡਿਜ਼ਾਈਨ ਇਸ ਨੂੰ ਪਛਾਣਨ ਯੋਗ ਬਣਾਉਂਦਾ ਹੈ।
ਲੰਬੀ ਉਡਾਣ ਦੀ ਸਮਰੱਥਾ: ਇਹ ਜਹਾਜ਼ ਲੰਬੀ ਦੂਰੀ 'ਤੇ ਭਾਰੀ ਬੋਝ ਚੁੱਕਣ ਦੇ ਸਮਰੱਥ ਹੈ।
ਉੱਪਰੀ ਦਰਵਾਜ਼ਾ: ਬੇਲੁਗਾ 'ਚ ਇਸ ਦੇ ਆਕਾਰ ਅਤੇ ਡਿਜ਼ਾਈਨ ਦੇ ਕਾਰਨ ਸਮਾਨ ਨੂੰ ਲੋਡ ਕਰਨ ਅਤੇ ਉਤਾਰਨ ਲਈ ਇਕ ਵਿਸ਼ਾਲ ਓਵਰਡੋਰ ਹੈ।
ਚੋਣਾਂ ਤੋਂ ਪਹਿਲਾਂ PM ਮੋਦੀ ਨੇ ਮਹਾਰਾਸ਼ਟਰ ਨੂੰ ਦਿੱਤੀ 7600 ਕਰੋੜ ਦੀ ਸੌਂਗਾਤ
NEXT STORY 
