ਨਵੀਂ ਦਿੱਲੀ : ਭਾਰਤੀ ਫੌਜ ਨੇ ਆਪਣੀ ਵਰਦੀ ਦੇ ਨਿਯਮਾਂ ਵਿਚ ਵੱਡੀ ਤਬਦੀਲੀ ਕਰਦਿਆਂ ਗੁਲਾਮੀ ਦੇ ਦੌਰ ਦੀਆਂ ਬਾਕੀ ਰਹਿ ਗਈਆਂ ਨਿਸ਼ਾਨੀਆਂ ਨੂੰ ਪੂਰੀ ਤਰ੍ਹਾਂ ਹਟਾਉਣ ਦਾ ਫੈਸਲਾ ਕੀਤਾ ਹੈ। ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਜਾਰੀ ਕੀਤੀ ਗਈ 185 ਪੰਨਿਆਂ ਦੀ ਪੁਸਤਕ 'ਆਰਮੀ ਯੂਨੀਫਾਰਮਜ਼ 2026' ਵਿੱਚ ਨਵੇਂ ਨਿਯਮਾਂ ਦਾ ਵੇਰਵਾ ਦਿੱਤਾ ਗਿਆ ਹੈ, ਜੋ ਭਾਰਤੀ ਮੌਸਮ ਦੀਆਂ ਸਥਿਤੀਆਂ ਅਤੇ ਆਧੁਨਿਕ ਭਾਰਤੀ ਲੋੜਾਂ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤੇ ਗਏ ਹਨ।
ਨਵੇਂ ਨਿਯਮਾਂ ਅਨੁਸਾਰ, ਫੌਜੀ ਅਧਿਕਾਰੀਆਂ ਨੂੰ ਹੁਣ ਸਿਵਲ ਰਸਮੀ ਸਮਾਗਮਾਂ ਲਈ ਫੁੱਲ ਸਲੀਵ ਸ਼ਰਟ ਦੇ ਨਾਲ 'ਬੰਡੀ' (ਹਾਫ ਜੈਕਟ) ਪਹਿਨਣ ਦਾ ਵਾਧੂ ਵਿਕਲਪ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, ਸਰਦੀਆਂ ਦੀ ਵਰਦੀ ਵਿਚ ਵੀ ਵੱਡਾ ਬਦਲਾਅ ਕੀਤਾ ਗਿਆ ਹੈ। ਮੌਜੂਦਾ ਜਰਸੀ ਦੀ ਥਾਂ ਹੁਣ ਇੱਕ 'ਬੈਟਲ ਜੈਕਟ' ਲਿਆਂਦੀ ਗਈ ਹੈ, ਜਿਸ ਨੂੰ ਜੂਨ 2029 ਤੱਕ ਪੂਰੀ ਤਰ੍ਹਾਂ ਲਾਗੂ ਕਰ ਦਿੱਤਾ ਜਾਵੇਗਾ। ਇਸ ਜੈਕਟ ਦੀ ਖਾਸ ਗੱਲ ਇਹ ਹੈ ਕਿ ਮੌਸਮ ਦੇ ਹਿਸਾਬ ਨਾਲ ਇਸ ਦੀਆਂ ਤੈਹਾਂ ਨੂੰ ਵਧਾਇਆ ਜਾਂ ਘਟਾਇਆ ਜਾ ਸਕਦਾ ਹੈ।
ਫੌਜ ਨੇ 'ਰਾਇਲ' ਵਰਗੇ ਪੁਰਾਣੇ ਸ਼ਬਦਾਂ ਦੀ ਵਰਤੋਂ ਬੰਦ ਕਰ ਦਿੱਤੀ ਹੈ। ਪਰੇਡ ਦੌਰਾਨ ਨਿਰੀਖਣ ਅਧਿਕਾਰੀਆਂ ਲਈ ਤਲਵਾਰਾਂ ਚੁੱਕਣ ਦੀ ਲਾਜ਼ਮੀ ਸ਼ਰਤ ਨੂੰ ਵੀ ਖ਼ਤਮ ਕਰ ਦਿੱਤਾ ਗਿਆ ਹੈ। ਹੁਣ ਤਲਵਾਰਾਂ ਕੇਵਲ ਗਣਤੰਤਰ ਦਿਵਸ, ਸੁਤੰਤਰਤਾ ਦਿਵਸ ਅਤੇ ਆਰਮੀ ਡੇਅ ਵਰਗੇ ਵਿਸ਼ੇਸ਼ ਸਮਾਗਮਾਂ ਦੌਰਾਨ ਹੀ ਚੁੱਕੀਆਂ ਜਾ ਸਕਣਗੀਆਂ। ਇਸ ਤੋਂ ਇਲਾਵਾ, ਫੌਜ ਨੇ ਕਈ ਇਮਾਰਤਾਂ ਅਤੇ ਸੜਕਾਂ ਦੇ ਨਾਂ ਵੀ ਬਦਲੇ ਹਨ, ਜਿਵੇਂ ਕਿ ਕੋਲਕਾਤਾ ਦੇ 'ਫੋਰਟ ਵਿਲੀਅਮ' ਦਾ ਨਾਂ ਹੁਣ 'ਵਿਜੇ ਦੁਰਗ' ਕਰ ਦਿੱਤਾ ਗਿਆ ਹੈ।
ਨਵੀਂ ਗਾਈਡਲਾਈਨ ਮੁਤਾਬਕ ਵਰਦੀ ਵਿੱਚ ਰਹਿੰਦਿਆਂ ਅਜੀਬੋ-ਗਰੀਬ ਹੇਅਰ ਸਟਾਈਲ, ਗੈਰ-ਕਾਨੂੰਨੀ ਦਾੜ੍ਹੀ, ਟੈਟੂ, ਬਾਡੀ ਪੀਅਰਸਿੰਗ ਅਤੇ ਮੇਕਅੱਪ 'ਤੇ ਸਖ਼ਤ ਪਾਬੰਦੀ ਲਗਾਈ ਗਈ ਹੈ। ਵਰਦੀ ਪਹਿਨ ਕੇ ਰਾਜਨੀਤਿਕ ਜਾਂ ਧਾਰਮਿਕ ਇਕੱਠਾਂ, ਵਿਆਹਾਂ ਅਤੇ ਨਿੱਜੀ ਪਾਰਟੀਆਂ ਵਿੱਚ ਜਾਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਇੱਥੋਂ ਤੱਕ ਕਿ ਨਿੱਜੀ ਹੈਸੀਅਤ ਵਿੱਚ ਹੋਟਲਾਂ, ਰੈਸਟੋਰੈਂਟਾਂ ਜਾਂ ਜਨਤਕ ਟ੍ਰਾਂਸਪੋਰਟ ਵਿੱਚ ਸਫ਼ਰ ਕਰਦੇ ਸਮੇਂ ਵੀ ਵਰਦੀ ਨਹੀਂ ਪਹਿਨੀ ਜਾ ਸਕੇਗੀ। ਕੰਟੈਕਟ ਲੈਂਸ ਦੀ ਵਰਤੋਂ ਲਈ ਵੀ ਨਿਯਮ ਬਣਾਏ ਗਏ ਹਨ, ਜਿਸ ਤਹਿਤ ਲੈਂਸ ਦਾ ਰੰਗ ਕੁਦਰਤੀ ਹੋਣਾ ਲਾਜ਼ਮੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਛੋਟੀ ਗਲਤੀ ’ਤੇ ਹੁਣ ਨਹੀਂ ਹੋਵੇਗੀ ਜੇਲ ਜਾਂ ਜੁਰਮਾਨਾ ! ਸਰਕਾਰ ਨੇ ਸ਼ੁਰੂ ਕੀਤੀ ‘ਸੁਧਾਰ ਨੋਟਿਸ’ ਵਿਵਸਥਾ
NEXT STORY 
