ਨਵੀਂ ਦਿੱਲੀ (ਏਜੰਸੀ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਸੁਰੱਖਿਆ ਬਾਰੇ ਕੈਬਨਿਟ ਕਮੇਟੀ (CCS) ਨੇ ਭਾਰਤੀ ਫੌਜ ਲਈ 7,000 ਕਰੋੜ ਰੁਪਏ ਦੀ ਲਾਗਤ ਨਾਲ 'ਐਡਵਾਂਸਡ ਟੋਏਡ ਆਰਟਿਲਰੀ ਗਨ ਸਿਸਟਮ' (ATAGS) ਖਰੀਦਣ ਲਈ ਇੱਕ ਵੱਡੇ ਸੌਦੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਅਜਿਹੀਆਂ ਹੋਵਿਟਜ਼ਰ ਤੋਪਾਂ ਦੇ ਸਵਦੇਸ਼ੀ ਨਿਰਮਾਣ ਵੱਲ ਇੱਕ ਵੱਡਾ ਕਦਮ ਹੈ। ATAGS ਪਹਿਲੀ ਸਵਦੇਸ਼ੀ ਤੌਰ 'ਤੇ ਡਿਜ਼ਾਈਨ, ਵਿਕਸਤ ਅਤੇ ਨਿਰਮਿਤ 155 mm ਤੋਪ ਪ੍ਰਣਾਲੀ ਹੈ ਅਤੇ ਇਸਦੀ ਖਰੀਦ ਨਾਲ ਭਾਰਤੀ ਫੌਜ ਦੀਆਂ ਸੰਚਾਲਨ ਸਮਰੱਥਾਵਾਂ ਵਿਚ ਵਾਧਾ ਹੋਵੇਗਾ। ਇਸ ਤੋਪ ਪ੍ਰਣਾਲੀ ਵਿੱਚ 52 ਕੈਲੀਬਰ ਲੰਬੀ ਬੈਰਲ ਹੁੰਦੀ ਹੈ, ਜੋ 45 ਕਿਲੋਮੀਟਰ ਤੱਕ ਦੀ ਰੇਂਜ ਪ੍ਰਦਾਨ ਕਰਦੀ ਹੈ।
ਸੂਤਰਾਂ ਨੇ ਦੱਸਿਆ ਕਿ CCS ਨੇ ਬੁੱਧਵਾਰ ਨੂੰ ATAGS ਖਰੀਦਣ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ। ਇਸ ਸੌਦੇ ਤਹਿਤ, ਕੁੱਲ 307 ਤੋਪਾਂ ਅਤੇ 327 ਤੋਪਾਂ ਢੋਣ ਵਾਲੇ ਵਾਹਨ ਖਰੀਦੇ ਜਾਣਗੇ। ਸੂਤਰਾਂ ਨੇ ਕਿਹਾ ਕਿ ਭਾਰਤ ਦੀਆਂ ਪੱਛਮੀ (ਪਾਕਿਸਤਾਨ) ਅਤੇ ਉੱਤਰੀ (ਚੀਨ) ਸਰਹੱਦਾਂ 'ਤੇ ਤੋਪ ਪ੍ਰਣਾਲੀ ਦੀ ਤਾਇਨਾਤੀ ਨਾਲ ਹਥਿਆਰਬੰਦ ਸੈਨਾਵਾਂ ਨੂੰ ਇੱਕ ਮਹੱਤਵਪੂਰਨ ਰਣਨੀਤਕ ਬੜਤ ਮਿਲੇਗੀ, ਜਿਸ ਨਾਲ ਕਾਰਜਸ਼ੀਲ ਤਿਆਰੀ ਅਤੇ ਫਾਇਰਪਾਵਰ ਵਿਚ ਵਾਧਾ ਯਕੀਨੀ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਇਹ ਪ੍ਰਵਾਨਗੀ ਸਵਦੇਸ਼ੀ ਰੱਖਿਆ ਨਿਰਮਾਣ ਅਤੇ ਤਕਨਾਲੋਜੀ ਤਰੱਕੀ ਵਿੱਚ ਭਾਰਤ ਦੀ ਵਧਦੀ ਤਾਕਤ ਨੂੰ ਦਰਸਾਉਂਦੀ ਹੈ।
'ਮੇਕ ਇਨ ਇੰਡੀਆ' ਪਹਿਲਕਦਮੀ ਦੇ ਸਬੂਤ ATAGS ਨੂੰ ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (DRDO) ਅਤੇ ਭਾਰਤੀ ਨਿੱਜੀ ਉਦਯੋਗ ਭਾਈਵਾਲਾਂ ਵਿਚਕਾਰ ਸਹਿਯੋਗ ਰਾਹੀਂ ਵਿਕਸਤ ਕੀਤਾ ਗਿਆ ਹੈ। ਸੂਤਰਾਂ ਨੇ ਦੱਸਿਆ ਕਿ ਇਸਦੇ 65 ਫੀਸਦੀ ਤੋਂ ਵੱਧ ਉਪਕਰਣ ਘਰੇਲੂ ਤੌਰ 'ਤੇ ਖਰੀਦੇ ਗਏ ਹਨ। ਪੁਰਾਣੀ ਹੋ ਚੁੱਕੀ 105 mm ਅਤੇ 130 mm ਤੋਪਾਂ ਦੀ ਥਾਂ ATAGS ਦੇ ਆਉਣ ਨਾਲ ਭਾਰਤੀ ਫੌਜ ਦੇ ਤੋਪਖਾਨੇ ਦੇ ਆਧੁਨਿਕੀਕਰਨ ਵਿੱਚ ਮਹੱਤਵਪੂਰਨ ਮਦਦ ਮਿਲਣ ਦੀ ਉਮੀਦ ਹੈ। ਸੂਤਰਾਂ ਨੇ ਕਿਹਾ ਕਿ ਤੋਪ ਪ੍ਰਣਾਲੀ ਦੇ ਸਵਦੇਸ਼ੀ ਉਤਪਾਦਨ ਨਾਲ ਵਿਸ਼ਵ ਰੱਖਿਆ ਨਿਰਯਾਤ ਬਾਜ਼ਾਰ ਵਿੱਚ ਭਾਰਤ ਦੀ ਸਥਿਤੀ ਮਜ਼ਬੂਤ ਹੋਣ ਦੀ ਉਮੀਦ ਹੈ, ਜਿਸ ਨਾਲ ਭਵਿੱਖ ਵਿੱਚ ਸਵਦੇਸ਼ੀ ਰੱਖਿਆ ਨਿਰਯਾਤ ਲਈ ਰਾਹ ਪੱਧਰਾ ਹੋਵੇਗਾ।
ਵਿਦੇਸ਼ਾਂ 'ਚੋਂ ਆਏ 118 ਬਿਲੀਅਨ ਡਾਲਰ 'ਚੋਂ ਸਭ ਤੋਂ ਵੱਧ ਮਹਾਰਾਸ਼ਟਰ 'ਚ, ਪੰਜਾਬ 'ਚ ਆਇਆ ਸਿਰਫ਼ 4 ਫ਼ੀਸਦੀ
NEXT STORY 
