ਨਵੀਂ ਦਿੱਲੀ- ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਸ਼ਨੀਵਾਰ ਨੂੰ ਘਰ ਖਰੀਦਾਰਾਂ ਨਾਲ ਧੋਖਾਧੜੀ ਦੇ ਦੋਸ਼ 'ਚ ਦਿੱਲੀ-ਐੱਨਸੀਆਰ (NCR) ਸਥਿਤ ਇਕ ਰੀਅਲ ਅਸਟੇਟ ਕੰਪਨੀ ਵਿਰੁੱਧ ਮਨੀ ਲਾਂਡਰਿੰਗ ਮਾਮਲੇ 'ਚ ਵੱਡੀ ਕਾਰਵਾਈ ਕੀਤੀ ਹੈ। ਏਜੰਸੀ ਨੇ ਹਰਿਆਣਾ ਅਤੇ ਉੱਤਰ ਪ੍ਰਦੇਸ਼ 'ਚ ਸਥਿਤ 585.46 ਕਰੋੜ ਰੁਪਏ ਦੀ ਸੈਂਕੜੇ ਏਕੜ ਜ਼ਮੀਨ ਕੁਰਕ ਕੀਤੀ ਹੈ।
ਮੁੱਖ ਵੇਰਵੇ:
ਕੰਪਨੀ ਦਾ ਨਾਮ: ਇਹ ਕਾਰਵਾਈ 'ਐਡਲ ਲੈਂਡਮਾਰਕਸ ਲਿਮਟਿਡ' (ਪਹਿਲਾਂ ਐਰਾ ਲੈਂਡਮਾਰਕਸ ਲਿਮਟਿਡ) ਅਤੇ ਇਸ ਦੇ ਪ੍ਰਮੋਟਰਾਂ ਹੇਮ ਸਿੰਘ ਭੜਾਨਾ ਅਤੇ ਸੁਮਿਤ ਭੜਾਨਾ ਵਿਰੁੱਧ ਕੀਤੀ ਗਈ ਹੈ।
ਕਿੱਥੇ-ਕਿੱਥੇ ਹੋਈ ਕੁਰਕੀ: ਈਡੀ ਨੇ ਹਰਿਆਣਾ ਦੇ ਗੁਰੂਗ੍ਰਾਮ, ਫਰੀਦਾਬਾਦ, ਪਲਵਲ, ਬਹਾਦੁਰਗੜ੍ਹ ਅਤੇ ਉੱਤਰ ਪ੍ਰਦੇਸ਼ ਦੇ ਮੇਰਠ ਤੇ ਗਾਜ਼ੀਆਬਾਦ 'ਚ ਸਥਿਤ 340 ਏਕੜ ਜ਼ਮੀਨ ਨੂੰ ਅਸਥਾਈ ਤੌਰ 'ਤੇ ਕੁਰਕ ਕੀਤਾ ਹੈ।
ਧੋਖਾਧੜੀ ਦਾ ਇਲਜ਼ਾਮ
ਕੰਪਨੀ 'ਤੇ ਹਰਿਆਣਾ ਅਤੇ ਦਿੱਲੀ ਪੁਲਸ ਵੱਲੋਂ 74 ਐਫਆਈਆਰ (FIRs) ਦਰਜ ਹਨ। ਇਲਜ਼ਾਮ ਹੈ ਕਿ ਕੰਪਨੀ ਨੇ ਘਰ ਖਰੀਦਦਾਰਾਂ ਨਾਲ ਵਾਅਦਾ ਕਰਕੇ 12-19 ਸਾਲਾਂ ਦੀ ਦੇਰੀ ਦੇ ਬਾਵਜੂਦ ਫਲੈਟ ਨਹੀਂ ਸੌਂਪੇ। ਜਦੋਂ ਗਾਹਕਾਂ ਨੇ ਪੈਸੇ ਵਾਪਸ ਮੰਗੇ, ਤਾਂ ਕੰਪਨੀ ਵੱਲੋਂ ਦਿੱਤੇ ਗਏ ਚੈੱਕ ਵੀ ਬਾਊਂਸ ਹੋ ਗਏ। ਏਜੰਸੀ ਅਨੁਸਾਰ ਕੰਪਨੀ ਨੇ ਨਕਸ਼ਿਆਂ 'ਚ ਇਕਪਾਸੜ ਬਦਲਾਅ ਕਰਕੇ ਖਰੀਦਦਾਰਾਂ ਨੂੰ ਸਹੂਲਤਾਂ ਤੋਂ ਵਾਂਝਾ ਰੱਖਿਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਬੰਗਾਲ ਵਿੱਚ ਪਟਾਕਾ ਨਿਰਮਾਣ ਯੂਨਿਟ 'ਚ ਧਮਾਕਾ, ਚਾਰ ਜ਼ਖਮੀ
NEXT STORY 
