ਵਾਸ਼ਿੰਗਟਨ (ਏਜੰਸੀ)- ਅਮਰੀਕਾ ਦੇ ਜਾਰਜੀਆ ਵਿੱਚ ਇੱਕ ਸੁਵਿਧਾ ਸਟੋਰ ਵਿੱਚ ਪਾਰਟ-ਟਾਈਮ ਕੰਮ ਕਰਨ ਵਾਲੇ ਇੱਕ ਭਾਰਤੀ ਵਿਦਿਆਰਥੀ ਨੂੰ ਇੱਕ ਬੇਘਰ ਵਿਅਕਤੀ ਨੇ ਬੇਰਹਿਮੀ ਨਾਲ ਹਥੌੜੇ ਨਾਲ ਕੁੱਟ-ਕੁੱਟ ਕੇ ਮਾਰ ਦਿੱਤਾ, ਜਿਸਦੀ ਉਹ ਅਤੇ ਹੋਰ ਕਰਮਚਾਰੀ ਪਿਛਲੇ ਕੁਝ ਦਿਨਾਂ ਤੋਂ ਮਦਦ ਕਰ ਰਹੇ ਸਨ। ਮੀਡੀਆ ਰਿਪੋਰਟਾਂ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਨੌਜਵਾਨ ਵਿਦਿਆਰਥੀ, ਜੋ ਕਿ ਆਪਣੀ ਬੀ.ਟੈਕ ਪੂਰੀ ਕਰਨ ਤੋਂ ਬਾਅਦ 2 ਸਾਲ ਪਹਿਲਾਂ ਅਮਰੀਕਾ ਗਿਆ ਸੀ, ਨੇ ਹਾਲ ਹੀ ਵਿੱਚ ਬਿਜ਼ਨਸ ਐਡਮਿਨਿਸਟ੍ਰੇਸ਼ਨ ਵਿੱਚ ਮਾਸਟਰ ਦੀ ਡਿਗਰੀ ਹਾਸਲ ਕੀਤੀ ਸੀ। ਸੈਣੀ ਹਰਿਆਣਾ ਦਾ ਰਹਿਣ ਵਾਲਾ ਸੀ। ਉਸ ਦੇ ਮਾਤਾ-ਪਿਤਾ, ਗੁਰਜੀਤ ਸਿੰਘ ਅਤੇ ਲਲਿਤਾ ਸੈਣੀ ਸਦਮੇ ਵਿਚ ਹਨ ਅਤੇ ਵਰਤਮਾਨ ਵਿੱਚ ਇਸ ਦੁਖਦਾਈ ਘਟਨਾ ਬਾਰੇ ਗੱਲ ਕਰਨ ਵਿੱਚ ਅਸਮਰੱਥ ਹਨ।
ਇਹ ਵੀ ਪੜ੍ਹੋ: ਗੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ ਰੋਕਣ ਲਈ ਟੈਕਸਾਸ ਨੂੰ ਮਿਲਿਆ 25 ਸੂਬਿਆਂ ਦਾ ਸਮਰਥਨ, ਬਾਈਡੇਨ ਸਰਕਾਰ ਨਾਲ ਵਧਿਆ ਵਿਵਾਦ
ਸਥਾਨਕ ਚੈਨਲ WSB-TV ਨੇ ਐਤਵਾਰ ਨੂੰ ਦੱਸਿਆ ਕਿ ਜਿਸ ਘਟਨਾ ਵਿੱਚ 25 ਸਾਲਾ ਵਿਵੇਕ ਸੈਣੀ ਦੀ ਮੌਤ ਹੋਈ, ਉਹ 18 ਜਨਵਰੀ ਨੂੰ ਵਾਪਰੀ ਸੀ। ਚਸ਼ਮਦੀਦਾਂ ਦਾ ਕਹਿਣਾ ਹੈ ਕਿ ਵਿਵੇਕ 'ਤੇ 18 ਜਨਵਰੀ ਦੇਰ ਰਾਤ ਲਿਥੋਨੀਆ ਦੇ ਸਨੈਪਫਿੰਗਰ ਅਤੇ ਕਲੀਵਲੈਂਡ ਰੋਡ ਸਥਿਤ ਸ਼ੈਵਰਨ ਫੂਡ ਮਾਰਟ ਵਿਖੇ ਇੱਕ ਬੇਘਰ ਵਿਅਕਤੀ ਨੇ ਹਥੌੜੇ ਨਾਲ ਹਮਲਾ ਕੀਤਾ ਸੀ। WSB-TV ਦੀ ਰਿਪੋਰਟ ਮੁਤਾਬਕ ਫੂਡ ਮਾਰਟ ਦੇ ਵਰਕਰਾਂ ਨੇ ਕਿਹਾ ਕਿ 14 ਜਨਵਰੀ ਦੀ ਸ਼ਾਮ ਤੋਂ ਉਨ੍ਹਾਂ ਨੇ ਇੱਕ ਬੇਘਰ ਵਿਅਕਤੀ, ਜਿਸ ਦੀ ਪੁਲਸ ਨੇ 53 ਸਾਲਾ ਜੂਲੀਅਨ ਫਾਕਨਰ ਵਜੋਂ ਪਛਾਣ ਕੀਤੀ ਹੈ, ਨੂੰ ਆਪਣੇ ਸਟੋਰ ਦੇ ਅੰਦਰ ਅਤੇ ਬਾਹਰ ਆਉਣ ਦੀ ਇਜਾਜ਼ਤ ਦਿੱਤੀ ਸੀ, ਜਿਸ ਨੇ ਉਨ੍ਹਾਂ ਕੋਲੋਂ ਚਿਪਸ ਅਤੇ ਕੋਕ ਮੰਗੀ ਸੀ। ਸ਼ੈਵਰਨ ਦੇ ਇੱਕ ਕਰਮਚਾਰੀ ਨੇ ਕਿਹਾ ਕਿ ਅਸੀਂ ਉਸਨੂੰ ਪਾਣੀ ਸਮੇਤ ਸਭ ਕੁਝ ਦਿੱਤਾ। ਉਨ੍ਹਾਂ ਅੱਗੇ ਕਿਹਾ ਕਿ ਉਨ੍ਹਾਂ ਨੇ ਆਦਮੀ ਦੀ ਮਦਦ ਕਰਨ ਲਈ ਲਗਭਗ 2 ਦਿਨ ਬਿਤਾਏ।
ਇਹ ਵੀ ਪੜ੍ਹੋ: ਪਾਕਿਸਤਾਨ: ਨਵਾਜ਼ ਸ਼ਰੀਫ਼ ਦੀ ਟੋਪੀ ਨੇ ਖੜ੍ਹਾ ਕੀਤਾ ਨਵਾਂ ਵਿਵਾਦ, ਹਰ ਪਾਸੇ ਹੋ ਰਹੀ ਆਲੋਚਨਾ, ਜਾਣੋ ਵਜ੍ਹਾ
ਕਰਮਚਾਰੀ ਨੇ ਕਿਹਾ, "ਉਸ ਨੇ ਪੁੱਛਿਆ ਕਿ ਕੀ ਮੈਨੂੰ ਇੱਕ ਕੰਬਲ ਮਿਲ ਸਕਦਾ ਹੈ, ਮੈਂ ਕਿਹਾ ਕਿ ਸਾਡੇ ਕੋਲ ਕੰਬਲ ਨਹੀਂ ਹਨ। ਇਸ ਲਈ ਮੈਂ ਉਸਨੂੰ ਇੱਕ ਜੈਕਟ ਦੇ ਦਿੱਤੀ। ਉਹ ਅੰਦਰ-ਬਾਹਰ ਘੁੰਮ ਰਿਹਾ ਸੀ ਅਤੇ ਸਿਗਰੇਟ, ਪਾਣੀ ਅਤੇ ਹਰ ਚੀਜ਼ ਮੰਗ ਰਿਹਾ ਸੀ। ਉਹ ਹਰ ਸਮੇਂ ਇੱਥੇ ਬੈਠਾ ਰਹਿੰਦਾ ਸੀ ਅਤੇ ਅਸੀਂ ਉਸਨੂੰ ਕਦੇ ਬਾਹਰ ਨਿਕਲਣ ਲਈ ਨਹੀਂ ਕਿਹਾ ਕਿਉਂਕਿ ਸਾਨੂੰ ਪਤਾ ਸੀ ਕਿ ਠੰਡ ਹੈ ਪਰ 16 ਜਨਵਰੀ ਦੀ ਰਾਤ ਨੂੰ ਸੈਣੀ ਨੇ ਫਾਕਨਰ ਨੂੰ ਇੱਥੋਂ ਚਲੇ ਜਾਣ ਲਈ ਕਿਹਾ, ਨਹੀਂ ਤਾਂ ਉਹ ਪੁਲਸ ਵਾਲਿਆਂ ਨੂੰ ਬੁਲਾਉਣ ਜਾ ਰਿਹਾ ਸੀ, ਫਾਕਨਰ 2 ਦਿਨਾਂ ਤੋਂ ਉੱਥੇ ਸੀ।" ਪੁਲਸ ਨੇ ਦੱਸਿਆ ਕਿ ਜਦੋਂ ਸੈਣੀ ਘਰ ਜਾਣ ਲਈ ਨਿਕਲਿਆ ਤਾਂ ਫਾਕਨਰ ਨੇ ਉਸ 'ਤੇ ਹਥੌੜੇ ਨਾਲ ਹਮਲਾ ਕਰ ਦਿੱਤਾ।
ਇਹ ਵੀ ਪੜ੍ਹੋ: ਜਨਮ ਲੈਂਦੇ ਹੀ ਵਿਛੜ ਗਈਆਂ ਸਨ ਇਹ ਜੁੜਵਾ ਭੈਣਾਂ, 19 ਸਾਲਾਂ ਬਾਅਦ ਇੰਝ ਹੋਈ ਮੁਲਾਕਾਤ
ਕਰਮਚਾਰੀ ਨੇ ਅੱਗੇ ਕਿਹਾ, "ਉਸਨੇ ਸੈਣੀ 'ਤੇ ਪਿੱਛੋਂ ਹਥੌੜਾ ਮਾਰਿਆ ਅਤੇ ਫਿਰ ਉਹ ਚਿਹਰੇ ਅਤੇ ਸਿਰ 'ਤੇ ਲਗਭਗ 50 ਵਾਰ ਕੀਤੇ।" ਇਹ ਭਿਆਨਕ ਘਟਨਾ ਕੈਮਰੇ 'ਚ ਕੈਦ ਹੋ ਗਈ। ਘਟਨਾ ਦੀ ਰਿਪੋਰਟ ਦੇ ਅਨੁਸਾਰ, ਜਦੋਂ ਅਧਿਕਾਰੀ ਪਹੁੰਚੇ ਤਾਂ ਫਾਕਨਰ ਉਦੋਂ ਵੀ ਹਥੌੜਾ ਫੜ ਕੇ ਪੀੜਤ ਦੇ ਕੋਲ ਖੜ੍ਹਾ ਸੀ। ਪੁਲਸ ਨੇ ਉਸਨੂੰ ਹਥੌੜਾ ਸੁੱਟਣ ਲਈ ਜ਼ੁਬਾਨੀ ਹੁਕਮ ਦਿੱਤਾ। ਕਰਮਚਾਰੀ ਨੇ ਕਿਹਾ ਮੈਂ ਨਹੀਂ ਦੱਸ ਸਕਦਾ ਕਿ ਮੈਂ ਕੀ ਮਹਿਸੂਸ ਕਰ ਰਿਹਾ ਹਾਂ। ਅਸੀਂ ਹਮੇਸ਼ਾ ਮਦਦਗਾਰ ਬਣਨ ਦੀ ਕੋਸ਼ਿਸ਼ ਕਰ ਰਹੇ ਸੀ ਅਤੇ ਸਾਨੂੰ ਕਦੇ ਉਮੀਦ ਨਹੀਂ ਸੀ ਕਿ ਇਸ ਤਰ੍ਹਾਂ ਦੀ ਚੀਜ਼ ਹੋਵੇਗੀ। ਪੁਲਸ ਨੇ ਕਿਹਾ ਕਿ ਫਾਕਨਰ ਬੇਰਹਿਮੀ ਨਾਲ ਕਤਲ ਅਤੇ ਸਰਕਾਰੀ ਜਾਇਦਾਦ ਵਿੱਚ ਦਖ਼ਲ ਦੇਣ ਦੇ ਦੋਸ਼ ਵਿੱਚ ਜੇਲ੍ਹ ਵਿੱਚ ਹੈ।
ਇਹ ਵੀ ਪੜ੍ਹੋ: 'ਜੈ ਸੀਆ ਰਾਮ' ਦਾ ਨਾਅਰਾ ਲਗਾ ਅਧਿਆਪਕ ਦੇ ਲਾਇਆ ਪੈਰੀਂ ਹੱਥ, ਬ੍ਰਿਟੇਨ 'ਚ ਵਿਦਿਆਰਥੀ ਨੇ ਛੂਹਿਆ ਸਭ ਦਾ ਦਿਲ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਗੁਰਦੁਆਰਾ ਗੁਰੂ ਕਾ ਬਾਗ਼ ਦੀ ਜ਼ਮੀਨ ਵੇਚਣ ਦੇ ਮਾਮਲੇ ਦੀ ਜਾਂਚ ਕਰਵਾਉਣ ਲਈ ਜੀ.ਕੇ. ਨੇ ਜੱਥੇਦਾਰ ਅਕਾਲ ਤਖ਼ਤ ਨੂੰ ਲਿਖਿਆ ਪੱਤਰ
NEXT STORY 
