ਵਾਰਾਨਸੀ— ਵਾਰਾਨਸੀ ਤੋਂ ਮੁੰਬਈ ਜਾ ਰਹੀ ਇੰਡੀਗੋ ਏਅਰ ਲਾਇੰਸ ਦੀ ਫਲਾਇਟ 'ਚ ਇਕ ਯਾਤਰੀ ਦੀ ਹਾਰਟ ਅਟੈਕ ਨਾਲ ਮੌਤ ਹੋ ਗਈ। ਫਲਾਇਟ ਨੂੰ ਵਾਰਾਨਸੀ ਦੇ ਬਾਬਤਪੁਰ ਏਅਰਪੋਰਟ 'ਤੇ ਰੋਕ ਦਿੱਤਾ ਗਿਆ। ਏਅਰਪੋਰਟ ਦੇ ਡਾਇਰੈਕਟਰ ਅਨਿਲ ਕੁਮਾਰ ਰਾਏ ਨੇ ਦੱਸਿਆ ਕਿ ਲਾਸ਼ ਅਤੇ ਪਰਿਵਾਰਕ ਮੈਬਰਾਂ ਨੂੰ ਉਤਾਰ ਕੇ ਫਲਾਇਟ ਨੂੰ ਫਿਰ ਤੋਂ ਰਵਾਨਾ ਕਰ ਦਿੱਤਾ ਗਿਆ ਹੈ
ਇਲਾਹਾਬਾਦ ਦੇ ਰਹਿਣ ਵਾਲੇ ਇੰਦਰਣ ਤ੍ਰਿਪਾਠੀ ਫੈਮਿਲੀ ਮੈਂਬਰ ਨਾਲ ਵਾਰਾਨਸੀ ਤੋਂ ਇੰਡੀਗੋ ਏਅਰ ਲਾਇੰਸ ਦੇ ਜਹਾਜ਼ ਤੋਂ ਮੁੰਬਈ ਜਾ ਰਹੇ ਸੀ। ਅਨਿਲ ਕੁਮਾਰ ਰਾਏ ਨੇ ਦੱਸਿਆ ਕਿ ਰਨਵੇ 'ਤੇ ਟੇਕ ਆਫ ਦੇ ਸਮੇਂ ਯਾਤਰੀ ਦੀ ਹਾਰਟ ਅਟੈਕ ਨਾਲ ਮੌਤ ਹੋ ਗਈ। ਪਰਿਵਾਰਕ ਮੈਬਰਾਂ ਦੀ ਸੂਚਨਾ 'ਤੇ ਪਾਇਲਟ ਨੇ ਏਅਰ ਟ੍ਰੈਫਿਕ ਕੰਟਰੋਲਰ ਨੂੰ ਸੂਚਨਾ ਦਿੱਤੀ, ਜਿਸ ਦੇ ਬਾਅਫ ਫਲਾਇਟ ਰੋਕ ਕੇ ਉਨ੍ਹਾਂ ਨੂੰ ਉਤਾਰਿਆ ਗਿਆ। ਹਾਦਸਾ ਇੰਡੀਗੋ ਏਅਰ ਲਾਇੰਸ ਦੀ ਫਲਾਇਟ ਨੰਬਰ 6ਈ 711 'ਚ ਹੋਇਆ ਹੈ। ਇਹ ਫਲਾਇਟ ਵਾਰਾਨਸੀ ਤੋਂ ਮੁੰਬਈ ਲਈ ਸਵੇਰੇ 10 ਵਜੇ ਉਡਾਣ ਭਰਦੀ ਹੈ। ਇੰਡੀਗੋ ਏਅਰ ਲਾਇੰਸ ਵਿਵਾਦਾਂ 'ਚ ਹੈ। ਬੁੱਧਵਾਰ ਨੂੰ ਇਕ ਯਾਤਰੀ ਨੇ ਇੰਡੀਗੋ 'ਤੇ ਇੰਡੀਅਨ ਕਰੰਸੀ ਦਾ ਅਪਮਾਨ ਕਰਨ ਦਾ ਦੋਸ਼ ਲਗਾਇਆ ਹੈ। ਇਸ ਤੋਂ ਪਹਿਲੇ ਦਿੱਲੀ ਏਅਰਪੋਰਟ 'ਤੇ ਇਕ ਯਾਤਰੀ ਨਾਲ ਕੁੱਟਮਾਰ ਨੂੰ ਲੈ ਕੇ ਇੰਡੀਗੋ ਨੂੰ ਮੁਸੀਬਤ ਝੇਲਣੀ ਪਈ ਸੀ।
ਇਕ ਹੋਰ ਧੋਖੇਬਾਜ਼ ਬਾਬਾ ਗ੍ਰਿਫਤਾਰ, ਤੰਤਰਾਂ-ਮੰਤਰਾਂ ਨਾਲ ਲੁੱਟਦਾ ਸੀ ਲੋਕਾਂ ਨੂੰ
NEXT STORY 
