ਨਵੀਂ ਦਿੱਲੀ—ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ 'ਚ ਇਕ ਅਜੀਬ ਜਿਹੀ ਘਟਨਾ ਹੋਈ ਹੈ। ਇੱਥੇ ਹੋਸਟਲ ਤੋਂ ਕਰੀਬ 250 ਵਿਦਿਆਰਥੀਆਂ ਨੂੰ ਬਾਹਰ ਕੱਢ ਦਿੱਤਾ ਗਿਆ ਹੈ। ਇਸ ਸਮੇਂ 'ਚ ਪਰੇਸ਼ਾਨ ਵਿਦਿਆਰਥੀ ਹੁਣ ਸਥਾਨਕ ਮੁਸਲਿਮ ਪਰਿਵਾਰਾਂ ਤੋਂ ਮਦਦ ਮੰਗ ਰਹੇ ਹਨ। ਖਬਰ ਦੇ ਮੁਤਾਬਕ ਇਹ ਮਾਮਲਾ ਜੈਪੁਰ ਦੇ ਸੁਰੇਸ਼ ਗਿਆਨ ਵਿਹਾਨ ਯੂਨੀਵਰਸਿਟੀ ਦਾ ਹੈ। ਇੱਥੇ ਦੇ ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਯੂਨੀਵਰਸਿਟੀ ਵੱਲੋਂ ਉਨ੍ਹਾਂ ਨੂੰ ਇਸ ਲਈ ਕੱਢਿਆ ਗਿਆ ਹੈ, ਕਿਉਂਕਿ ਉਨ੍ਹਾਂ ਦੇ ਲਈ ਕੇਂਦਰ ਸਰਕਾਰ ਵੱਲੋਂ ਦਿੱਤੀ ਜਾਣ ਵਾਲੀ ਸਕਾਲਰਸ਼ਿਪ ਯੂਨੀਵਰਸਿਟੀ ਤੋਂ ਪ੍ਰਾਪਤ ਨਹੀਂ ਹੋਈ ਹੈ। ਇਨ੍ਹਾਂ 'ਚ ਜ਼ਿਆਦਾਤਰ ਵਿਦਿਆਰਥੀ ਇਸ ਤਰ੍ਹਾਂ ਦੇ ਹਨ ਜੋ ਕਿ ਕਸ਼ਮੀਰ ਦੇ ਅੱਤਵਾਦ ਨਾਲ ਪੀੜਤ ਖੇਤਰ 'ਚ ਆਉਂਦੇ ਹਨ। ਮਈ 2016 'ਚ ਕੇਂਦਰ ਸਰਕਾਰ ਨੇ ਕੇਵਲ 100 ਵਿਦਿਆਰਥੀਆਂ ਦੀ ਹੀ ਸਕਾਲਰਸ਼ਿਪ ਦਿੱਤੀ ਸੀ। ਉੱਥੇ 320 ਵਿਦਿਆਰਥੀ ਜਿਨ੍ਹਾਂ 'ਚ 70 ਲੜਕੀਆਂ ਹਨ, ਹੁਣ ਵੀ ਆਪਣੀ ਸਕਾਲਰਸ਼ਿਪ ਦਾ ਇੰਤਜ਼ਾਰ ਕਰ ਰਹੇ ਹਨ। ਅਜੇ ਕੇਵਲ ਲੜਕੀਆਂ ਨੂੰ ਹੋਸਟਲ 'ਚ ਆਉਣ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਇਸ ਸਮੇਂ 'ਚ 1 ਅਗਸਤ ਤੋਂ ਬਾਹਰ ਦਾ ਰਸਤਾ ਦਿਖਾਏ ਜਾਣ ਦੇ ਬਾਅਦ ਇਹ ਵਿਦਿਆਰਥੀ ਆਪਣੇ ਲਈ ਦੂਜਾ ਘਰ ਲੱਭ ਰਹੇ ਹਨ ਅਤੇ ਸਰਕਾਰ ਤੋਂ ਸਕਾਲਰਸ਼ਿਪ ਰਿਲੀਜ਼ ਕਰਨ ਦੀ ਮੰਗ ਕਰ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਵਿਦਿਆਰਥੀ ਨਜੀਰ ਨੇ ਕਿਹਾ ਕਿ ਕਸ਼ਮੀਰੀ ਹੋਣ ਦੇ ਕਾਰਨ ਸਥਾਨਕ ਥਾਂਵਾਂ 'ਤੇ ਸਾਨੂੰ ਕਿਰਾਏ 'ਤੇ ਲੈਣ 'ਚ ਵੀ ਮੁਸ਼ਕਲ ਆ ਰਹੀ ਹੈ। ਇਸ ਬਾਰੇ 'ਚ ਜਦੋਂ ਯੂਨੀਵਰਸਿਟੀ ਦੇ ਉਪ ਕੁਲਪਤੀ ਧਰਮ ਬੁੱਧੀ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਕਿਹਾ ਕਿ ਮੈਂ ਇਸ ਮਾਮਲੇ 'ਚ ਗੱਲਬਾਤ ਕਰਨ ਲਈ ਐਚ.ਆਰ.ਡੀ. ਮੰਤਰਾਲੇ ਅਤੇ ਏ.ਆਈ.ਸੀ.ਟੀ.ਈ. ਗਿਆ ਸੀ, ਕਿਉਂਕਿ ਸਰਕਾਰ ਵੱਲੋਂ ਦਿੱਤੀ ਜਾਣ ਵਾਲੀ ਵਿਦਿਆਰਥੀਆਂ ਨੂੰ ਸਕਾਲਰਸ਼ਿਪ ਸਾਨੂੰ 2015 'ਚ ਨਹੀਂ ਦਿੱਤੀ ਗਈ ਹੈ।
ਪਿਤਾ ਨੂੰ ਕਰਜ਼ ਦੇ ਬੋਝ ਤੋਂ ਬਚਾਉਣ ਲਈ ਲੜਕੀ ਨੇ ਕੀਤੀ ਆਤਮ-ਹੱਤਿਆ
NEXT STORY 
