ਨੈਸ਼ਨਲ ਡੈਸਕ : ਦਿੱਲੀ ਵਿਧਾਨ ਸਭਾ ਵਿੱਚ ਬੁੱਧਵਾਰ ਨੂੰ ਪੀਡਬਲਯੂਡੀ ਮੰਤਰੀ ਪ੍ਰਵੇਸ਼ ਸਾਹਿਬ ਸਿੰਘ ਨੇ ਇਕ ਵੱਡਾ ਖੁਲਾਸਾ ਕਰਦਿਆਂ ਦਾਅਵਾ ਕੀਤਾ ਕਿ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਸਿਰਫ਼ ਇੱਕ ਨਹੀਂ, ਸਗੋਂ ਦੋ 'ਸ਼ੀਸ਼ ਮਹਿਲ' ਤਿਆਰ ਕੀਤੇ ਹਨ। ਮੰਤਰੀ ਨੇ ਸਦਨ ਵਿੱਚ ਕਾਗਜ਼ਾਂ ਦਾ ਇੱਕ ਲੰਬਾ ਰੋਲ ਲਹਿਰਾਉਂਦੇ ਹੋਏ ਕੇਜਰੀਵਾਲ ਦੇ ਬੰਗਲੇ ਦੀ ਮੁਰੰਮਤ ਤੇ ਨਿਰਮਾਣ ਵਿੱਚ ਹੋਈਆਂ ਕਥਿਤ ਬੇਨਿਯਮੀਆਂ ਅਤੇ ਭ੍ਰਿਸ਼ਟਾਚਾਰ ਦੀ ਸੂਚੀ ਪੇਸ਼ ਕੀਤੀ।
ਦੂਜੇ ਬੰਗਲੇ 'ਤੇ ਖਰਚੇ ਗਏ 25 ਕਰੋੜ ਰੁਪਏ
ਮੰਤਰੀ ਅਨੁਸਾਰ ਕੇਜਰੀਵਾਲ ਦੀ ਮੁੱਖ ਰਿਹਾਇਸ਼ ਦੇ ਨਾਲ ਹੀ ਇੱਕ 4,000 ਵਰਗ ਗਜ਼ ਦੇ ਪਲਾਟ 'ਤੇ ਇਕ ਹੋਰ ਵੱਡੀ ਇਮਾਰਤ ਬਣਾਈ ਜਾ ਰਹੀ ਸੀ। ਉਨ੍ਹਾਂ ਦਾਅਵਾ ਕੀਤਾ ਕਿ ਇਸ 'ਤੇ ਪਹਿਲਾਂ ਹੀ 25 ਕਰੋੜ ਰੁਪਏ ਖਰਚ ਕੀਤੇ ਜਾ ਚੁੱਕੇ ਸਨ ਅਤੇ 60 ਕਰੋੜ ਰੁਪਏ ਹੋਰ ਖਰਚਣ ਦੀ ਯੋਜਨਾ ਸੀ, ਪਰ ਸਰਕਾਰ ਬਦਲਣ ਕਾਰਨ ਇਹ ਕੰਮ ਪੂਰਾ ਨਹੀਂ ਹੋ ਸਕਿਆ। ਉਨ੍ਹਾਂ ਦੋਸ਼ ਲਾਇਆ ਕਿ ਇਸ ਨਿਰਮਾਣ ਲਈ ਬਿਨਾਂ ਇਜਾਜ਼ਤ ਦੇ ਕਈ ਦਰੱਖਤ ਕੱਟੇ ਗਏ ਅਤੇ ਹੈਰੀਟੇਜ ਬੰਗਲਿਆਂ ਨੂੰ ਢਾਹ ਦਿੱਤਾ ਗਿਆ।
ਕੋਵਿਡ ਕਾਲ ਦੌਰਾਨ ਲੋਕ ਮਰ ਰਹੇ ਸਨ, ਕੇਜਰੀਵਾਲ ਬੰਗਲਾ ਬਣਾ ਰਹੇ ਸਨ
ਪ੍ਰਵੇਸ਼ ਸਾਹਿਬ ਸਿੰਘ ਨੇ ਕਿਹਾ ਕਿ ਜਦੋਂ 2020 ਵਿੱਚ ਦਿੱਲੀ ਕੋਰੋਨਾ ਮਹਾਮਾਰੀ ਨਾਲ ਜੂਝ ਰਹੀ ਸੀ, ਉਸ ਸਮੇਂ ਮੁੱਖ ਮੰਤਰੀ ਹਸਪਤਾਲ ਬਣਾਉਣ ਦੀ ਬਜਾਏ ਆਪਣੇ 'ਸ਼ੀਸ਼ ਮਹਿਲ' ਦੇ ਨਿਰਮਾਣ ਵਿੱਚ ਰੁੱਝੇ ਹੋਏ ਸਨ। ਉਨ੍ਹਾਂ ਕਿਹਾ ਕਿ ਜੇਕਰ ਬੰਗਲੇ 'ਤੇ ਖਰਚੇ ਗਏ 58 ਕਰੋੜ ਰੁਪਏ ਵੈਂਟੀਲੇਟਰਾਂ ਅਤੇ ਆਈਸੀਯੂ (ICU) ਬੈੱਡਾਂ 'ਤੇ ਖਰਚ ਕੀਤੇ ਜਾਂਦੇ, ਤਾਂ ਹਜ਼ਾਰਾਂ ਦਿੱਲੀ ਵਾਸੀਆਂ ਦੀ ਜਾਨ ਬਚਾਈ ਜਾ ਸਕਦੀ ਸੀ।
5 ਲੱਖ ਦੀ ਟਾਇਲਟ ਸੀਟ ਤੇ 1.5 ਕਰੋੜ ਦੇ ਪਰਦੇ
ਮੰਤਰੀ ਨੇ ਬੰਗਲੇ ਵਿੱਚ ਲਗਾਈਆਂ ਗਈਆਂ ਲਗਜ਼ਰੀ ਚੀਜ਼ਾਂ ਦੀ ਸੂਚੀ ਪੜ੍ਹਦਿਆਂ ਦੱਸਿਆ ਕਿ ਉੱਥੇ 1.5 ਕਰੋੜ ਰੁਪਏ ਦੇ ਪਰਦੇ, 1.5 ਕਰੋੜ ਦੇ ਝੂਮਰ, 5 ਲੱਖ ਰੁਪਏ ਦੀਆਂ ਟਾਇਲਟ ਸੀਟਾਂ, 14 ਲੱਖ ਰੁਪਏ ਦਾ ਟ੍ਰੈਡਮਿਲ, ਜੈਕੂਜ਼ੀ ਅਤੇ ਹੋਰ ਕਈ ਮਹਿੰਗੇ ਸਾਮਾਨ ਮੌਜੂਦ ਹਨ। ਕੈਗ (CAG) ਦੀ ਰਿਪੋਰਟ ਦਾ ਹਵਾਲਾ ਦਿੰਦੇ ਹੋਏ ਉਨ੍ਹਾਂ ਦੱਸਿਆ ਕਿ ਬੰਗਲੇ ਦੇ ਨਿਰਮਾਣ ਦੀ ਲਾਗਤ ਸ਼ੁਰੂਆਤੀ ਅਨੁਮਾਨ ਨਾਲੋਂ 342 ਫੀਸਦੀ ਜ਼ਿਆਦਾ ਵਧ ਗਈ ਸੀ।
ਆਮ ਆਦਮੀ ਹੋਣ ਦਾ ਦਿੱਤਾ ਸੀ ਧੋਖਾ
ਬੀਜੇਪੀ ਮੰਤਰੀ ਨੇ ਕੇਜਰੀਵਾਲ ਦੇ ਪੁਰਾਣੇ ਵਾਅਦਿਆਂ ਨੂੰ ਯਾਦ ਦਿਵਾਉਂਦਿਆਂ ਕਿਹਾ ਕਿ ਜਿਸ ਵਿਅਕਤੀ ਨੇ ਸਹੁੰ ਚੁੱਕੀ ਸੀ ਕਿ ਉਹ ਕੋਈ ਸਰਕਾਰੀ ਗੱਡੀ ਜਾਂ ਬੰਗਲਾ ਨਹੀਂ ਲਵੇਗਾ, ਉਸ ਨੇ ਸਹੁੰ ਚੁੱਕਣ ਦੇ 20 ਦਿਨਾਂ ਦੇ ਅੰਦਰ ਹੀ ਆਪਣੇ ਲਈ ਬੰਗਲਾ ਅਲਾਟ ਕਰਵਾ ਲਿਆ ਸੀ। ਉਨ੍ਹਾਂ ਕੇਜਰੀਵਾਲ ਨੂੰ 'ਦਿੱਲੀ ਦਾ ਡਾਕੂ' ਦੱਸਦਿਆਂ ਕਿਹਾ ਕਿ ਉਨ੍ਹਾਂ ਨੇ ਜਨਤਾ ਨੂੰ ਗੁਮਰਾਹ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਇਸ ਚਰਚਾ ਦੌਰਾਨ 'ਆਪ' (AAP) ਦੇ ਵਿਧਾਇਕ ਸਦਨ ਵਿੱਚ ਮੌਜੂਦ ਨਹੀਂ ਸਨ, ਕਿਉਂਕਿ ਉਨ੍ਹਾਂ ਨੇ ਬਜਟ ਸੈਸ਼ਨ ਦਾ ਬਾਈਕਾਟ ਕੀਤਾ ਹੋਇਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
LPG ਸੰਕਟ ਵਿਚਾਲੇ ਭਾਰਤ ਦੀ ਮਦਦ ਲਈ ਅੱਗੇ ਆਇਆ ਇਹ ਦੇਸ਼, 20 ਹਜ਼ਾਰ KM ਦੂਰੋਂ ਭੇਜ ਰਿਹਾ ਗੈਸ
NEXT STORY 
