ਨਵੀਂ ਦਿੱਲੀ- ਮਹਾਰਾਸ਼ਟਰ ਭਾਜਪਾ ਨੇਤਾ ਕਿਰੀਟ ਸੋਮਈਆ ਦੀ ਇਤਰਾਜ਼ਯੋਗ ਵੀਡੀਓ ਨੂੰ ਪ੍ਰਸਾਰਿਤ ਕਰਨ ਵਾਲੇ ਚੈਨਲ 'ਤੇ ਕੇਂਦਰੀ ਸੂਚਨਾ ਮੰਤਰਾਲਾ ਨੇ ਕਾਰਵਾਈ ਕੀਤੀ ਹੈ। ਰਿਪੋਰਟਾਂ ਮੁਤਾਬਕ ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲਾ ਨੇ ਸ਼ੁੱਕਰਵਾਰ ਸ਼ਾਮ ਨੂੰ ਵੀਡੀਓ ਪ੍ਰਸਾਰਿਤ ਕਰਨ ਵਾਲੇ ਮਰਾਠੀ ਚੈਨਲ ਨੂੰ 72 ਘੰਟਿਆਂ ਲਈ ਬੰਦ ਕਰ ਦਿੱਤਾ ਹੈ।
ਮਾਮਲੇ ਦੀ ਪੁਸ਼ਟੀ ਕਰਦੇ ਹੋਏ ਮਰਾਠੀ ਚੈਨਲ ‘ਲੋਕਸ਼ਾਹੀ’ ਦੇ ਮੁੱਖ ਸੰਪਾਦਕ ਕਮਲੇਸ਼ ਸੁਤਾਰ ਨੇ ਕਿਹਾ ਕਿ ਸਾਨੂੰ ਕਿਰੀਟ ਸੋਮਈਆ ਮਾਮਲੇ 'ਚ ਕੇਂਦਰੀ ਮੰਤਰਾਲਾ ਤੋਂ ਨੋਟਿਸ ਮਿਲਿਆ ਹੈ। ਨੋਟਿਸ ਵਿੱਚ ਸਾਨੂੰ ਸਾਡੇ ਚੈਨਲ ਨੂੰ ਅਗਲੇ 72 ਘੰਟਿਆਂ ਲਈ ਬੰਦ ਕਰਨ ਦੇ ਨਿਰਦੇਸ਼ ਮਿਲਿਆ ਹੈ।
ਮਾਮਲੇ 'ਚ ਜਦੋਂ ਕਿਰੀਟ ਸੋਮਈਆ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਇਹ ਵੀਡੀਓ ਇੱਕ ਨਿਊਜ਼ ਚੈਨਲ ਦੀ ਮਦਦ ਨਾਲ ਬਣਾਈ ਗਈ ਹੈ, ਜੋ ਇੱਕ ਤਰ੍ਹਾਂ ਦੀ ਸਿਆਸੀ ਬਲੈਕਮੇਲਿੰਗ ਹੈ। ਚੈਨਲ ਹੁਣ ਬੰਦ ਹੈ। ਮੈਨੂੰ ਇਨਸਾਫ਼ ਮਿਲਿਆ ਹੈ। ਦੂਜੇ ਪਾਸੇ ਵਿਰੋਧੀ ਪਾਰਟੀਆਂ ਅਤੇ ਪੱਤਰਕਾਰ ਸੰਗਠਨਾਂ ਨੇ ਕੇਂਦਰ ਦੇ ਇਸ ਕਦਮ ‘ਤੇ ਤਿੱਖੀ ਪ੍ਰਤੀਕਿਰਿਆ ਪ੍ਰਗਟਾਈ ਹੈ।
ਸੂਬਾ ਕਾਂਗਰਸ ਦੇ ਜਨਰਲ ਸਕੱਤਰ ਸਚਿਨ ਸਾਵੰਤ ਨੇ ਕਿਹਾ ਕਿ ਇਹ ਹੁਕਮ ਦਰਸਾਉਂਦਾ ਹੈ ਕਿ ਲੋਕਤੰਤਰ ਖ਼ਤਰੇ ਵਿੱਚ ਹੈ। ਭਾਰਤ ਪ੍ਰੈਸ ਫਰੀਡਮ ਇੰਡੈਕਸ ਵਿੱਚ 161ਵੇਂ ਸਥਾਨ ਉੱਤੇ ਹੈ ਅਤੇ ਬਹੁਤ ਜਲਦੀ ਅਸੀਂ ਸੂਚੀ ਵਿੱਚ ਸਭ ਤੋਂ ਹੇਠਾਂ ਆ ਜਾਵਾਂਗੇ।
ਟੀਵੀ ਜਰਨਲਿਸਟ ਐਸੋਸੀਏਸ਼ਨ ਦੇ ਪ੍ਰਧਾਨ ਵਿਨੋਦ ਜਗਦਲੇ ਨੇ ਇਸ ਕਾਰਵਾਈ ਨੂੰ ਬੇਇਨਸਾਫ਼ੀ ਕਰਾਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਘਟਨਾ ਦੀ ਜਾਂਚ ਦੀ ਲੋੜ ਹੈ। ਇਹ ਟੀਵੀ ਪੱਤਰਕਾਰੀ ਦੇ ਭਵਿੱਖ ਲਈ ਚੰਗਾ ਸੰਕੇਤ ਨਹੀਂ ਹੈ।
ਮੰਤਰਾਲੇ ਅਤੇ ਕੌਂਸਲ ਹਾਲ ਰਿਪੋਰਟਰਜ਼ ਐਸੋਸੀਏਸ਼ਨ ਨੇ ਇਸ ਹੁਕਮ ਦੀ ਨਿੰਦਾ ਕੀਤੀ ਅਤੇ ਕਿਹਾ ਕਿ ਇਹ ਬੋਲਣ ਦੀ ਆਜ਼ਾਦੀ ਨੂੰ ਕੁਚਲਣ ਦੀ ਚਾਲ ਹੈ।
ਆਮਿਰ ਖਾਨ ਨੇ ਆਫ਼ਤ ਪੀੜਤ ਹਿਮਾਚਲ ਲਈ ਮਦਦ ਵਜੋਂ ਦਿੱਤੇ 25 ਲੱਖ ਰੁਪਏ, CM ਸੁੱਖੂ ਨੇ ਕੀਤਾ ਧੰਨਵਾਦ
NEXT STORY 
