ਆਈਜ਼ੌਲ — ਮਿਜ਼ੋਰਮ 'ਚ ਤਿੰਨ ਦਿਨ ਪਹਿਲਾਂ ਆਏ ਤੂਫਾਨ ਕਾਰਨ 2500 ਤੋਂ ਵੱਧ ਘਰਾਂ, ਸਕੂਲਾਂ ਅਤੇ ਸਰਕਾਰੀ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਹੈ, ਜਦਕਿ ਇਕ ਔਰਤ ਦੀ ਮੌਤ ਹੋ ਗਈ ਹੈ। ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਐਤਵਾਰ ਨੂੰ ਮਿਜ਼ੋਰਮ ਵਿੱਚ ਆਏ ਸ਼ਕਤੀਸ਼ਾਲੀ ਤੂਫ਼ਾਨ ਤੋਂ ਬਾਅਦ ਸੂਬੇ ਦੇ ਕਈ ਹਿੱਸਿਆਂ ਵਿੱਚ ਭਾਰੀ ਮੀਂਹ ਅਤੇ ਗੜੇਮਾਰੀ ਹੋਈ।
ਇਹ ਵੀ ਪੜ੍ਹੋ- ਭੂਚਾਲ ਦੌਰਾਨ ਵੀ ਨਾਪਾਕ ਹਰਕਤਾਂ ਤੋਂ ਨਹੀਂ ਹਟਿਆ ਚੀਨ, ਤਾਈਵਾਨ ਭੇਜੇ 30 ਲੜਾਕੂ ਜਹਾਜ਼
ਅਧਿਕਾਰੀਆਂ ਨੇ ਦੱਸਿਆ ਕਿ ਸੋਮਵਾਰ ਨੂੰ ਤੇਜ਼ ਹਵਾਵਾਂ ਕਾਰਨ ਇਕ ਦਰੱਖਤ ਉਖੜ ਕੇ 45 ਸਾਲਾ ਔਰਤ 'ਤੇ ਡਿੱਗ ਗਿਆ, ਜਿਸ ਨਾਲ ਉਸ ਦੀ ਮੌਤ ਹੋ ਗਈ। ਸੂਬੇ ਦੇ ਆਫ਼ਤ ਪ੍ਰਬੰਧਨ ਅਤੇ ਮੁੜ ਵਸੇਬਾ ਵਿਭਾਗ ਦੇ ਅਧਿਕਾਰੀਆਂ ਅਨੁਸਾਰ, ਤੂਫ਼ਾਨ ਅਤੇ ਗੜੇਮਾਰੀ ਨੇ 15 ਚਰਚਾਂ, ਪੰਜ ਜ਼ਿਲ੍ਹਿਆਂ ਦੇ 17 ਸਕੂਲਾਂ, ਚਮਫਾਈ ਅਤੇ ਸੈਥੂ ਜ਼ਿਲ੍ਹਿਆਂ ਦੇ 11 ਰਾਹਤ ਕੈਂਪਾਂ (ਜਿੱਥੇ ਮਿਆਂਮਾਰ ਦੇ ਸ਼ਰਨਾਰਥੀ ਅਤੇ ਮਨੀਪੁਰ ਤੋਂ ਵਿਸਥਾਪਿਤ ਲੋਕ ਰਹਿ ਰਹੇ ਸਨ), ਕੋਲਾਸਿਬ ਅਤੇ ਸੇਰਛਿੱਪ ਜ਼ਿਲ੍ਹਿਆਂ ਵਿੱਚ 11 ਆਂਗਣਵਾੜੀ ਕੇਂਦਰ ਅਤੇ 2500 ਤੋਂ ਵੱਧ ਘਰਾਂ ਨੂੰ ਨੁਕਸਾਨ ਪਹੁੰਚਿਆ।
ਇਹ ਵੀ ਪੜ੍ਹੋ- ਬ੍ਰਿਟੇਨ 'ਚ ਸੋਨੇ ਦੇ ਟਾਇਲਟ ਚੋਰੀ ਮਾਮਲੇ 'ਚ ਜੇਮਸ ਨੇ ਕਬੂਲਿਆ ਜੁਰਮ
ਉਨ੍ਹਾਂ ਕਿਹਾ ਕਿ ਉੱਤਰੀ ਮਿਜ਼ੋਰਮ ਦਾ ਕੋਲਾਸਿਬ ਜ਼ਿਲ੍ਹਾ ਸਭ ਤੋਂ ਵੱਧ ਪ੍ਰਭਾਵਿਤ ਹੋਇਆ ਹੈ। ਇੱਥੇ 800 ਤੋਂ ਵੱਧ ਘਰ, ਸੱਤ ਸਕੂਲ, ਛੇ ਚਰਚ, ਅੱਠ ਆਂਗਣਵਾੜੀ ਕੇਂਦਰ ਅਤੇ 11 ਸਟਾਫ਼ ਕੁਆਰਟਰ ਨੁਕਸਾਨੇ ਗਏ ਹਨ। ਆਈਜ਼ੌਲ ਜ਼ਿਲ੍ਹੇ ਵਿੱਚ 632 ਘਰਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਰਾਜ ਦੇ ਆਫ਼ਤ ਪ੍ਰਬੰਧਨ ਅਤੇ ਮੁੜ ਵਸੇਬਾ ਮੰਤਰੀ ਕੇ ਸਪਦੰਗਾ ਨੇ ਕਿਹਾ ਕਿ ਸਰਕਾਰ ਮੌਜੂਦਾ ਕਾਨੂੰਨਾਂ ਤਹਿਤ ਪ੍ਰਭਾਵਿਤ ਲੋਕਾਂ ਨੂੰ ਸਹਾਇਤਾ ਪ੍ਰਦਾਨ ਕਰੇਗੀ ਭਾਵੇਂ ਚੋਣਾਂ ਦੇ ਮੱਦੇਨਜ਼ਰ ਆਦਰਸ਼ ਚੋਣ ਜ਼ਾਬਤਾ ਲਾਗੂ ਕੀਤਾ ਜਾਵੇਗਾ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
CM ਮਾਨ ਨੇ ਤਿਹਾੜ ਜੇਲ੍ਹ ਪ੍ਰਸ਼ਾਸਨ ਨੂੰ ਲਿਖੀ ਚਿੱਠੀ, ਅਰਵਿੰਦ ਕੇਜਰੀਵਾਲ ਨੂੰ ਮਿਲਣ ਦੀ ਮੰਗੀ ਇਜਾਜ਼ਤ
NEXT STORY 
