ਨਵੀਂ ਦਿੱਲੀ— ਅੱਜ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਜਨਮ ਦਿਨ ਹੈ। ਪ੍ਰਧਾਨ ਮੰਤਰੀ ਮੋਦੀ 69 ਸਾਲ ਦੇ ਹੋ ਗਏ ਹਨ। ਪੀ.ਐੱਮ. ਮੋਦੀ ਬਾਰੇ ਤੁਸੀਂ ਕਈ ਕਿੱਸੇ ਸੁਣੇ ਹੋਣਗੇ ਪਰ ਅਸੀਂ ਤੁਹਾਨੂੰ ਮੋਦੀ ਦੀ ਜ਼ਿੰਦਗੀ ਦੇ ਉਨ੍ਹਾਂ ਪਹਿਲੂਆਂ ਬਾਰੇ ਦੱਸ ਰਹੇ ਹਾਂ, ਜਿਨ੍ਹਾਂ ਬਾਰੇ ਤੁਸੀਂ ਨਹੀਂ ਜਾਣਦੇ ਹੋਵੋਗੇ।
ਮਗਰਮੱਛ ਕਾਰਨ ਪੈਰ 'ਤੇ ਲੱਗੇ 9 ਟਾਂਕੇ
ਨਰਿੰਦਰ ਮੋਦੀ ਜਦੋਂ ਛੋਟੇ ਸਨ ਤਾਂ ਉਹ ਆਪਣੇ ਪਿਤਾ ਨਾਲ ਚਾਹ ਦੀ ਦੁਕਾਨ 'ਤੇ ਕੰਮ ਕਰਦੇ ਸਨ। ਦੁਕਾਨ ਤੋਂ ਘਰ ਆਉਂਦੇ ਸਮੇਂ ਉਨ੍ਹਾਂ ਨੂੰ ਹਰ ਵਾਰ ਇਕ ਝੀਲ ਪਾਰ ਕਰ ਕੇ ਆਉਣਾ ਪੈਂਦਾ ਸੀ। ਇਸ ਝੀਲ 'ਚ ਮਗਰਮੱਛ ਵੀ ਰਹਿੰਦੇ ਸਨ। ਇਕ ਦਿਨ ਮੋਦੀ ਝੀਲ ਨੂੰ ਪਾਰ ਕਰ ਰਹੇ ਸਨ ਕਿ ਅਚਾਨਕ ਉਨ੍ਹਾਂ ਨੂੰ ਅਹਿਸਾਸ ਹੋਇਆ ਕਿ ਉਨ੍ਹਾਂ ਦੇ ਪੈਰ 'ਤੇ ਕੁਝ ਲੱਗ ਰਿਹਾ ਹੈ। ਇਸ ਤੋਂ ਪਹਿਲਾਂ ਕਿ ਉਹ ਕੁਝ ਸਮਝਦੇ ਉਨ੍ਹਾਂ ਨੇ ਦੇਖਿਆ ਕਿ ਉਨ੍ਹਾਂ ਦੇ ਸਾਹਮਣੇ ਤੋਂ ਇਕ ਮਗਰਮੱਛ ਲੰਘ ਰਿਹਾ ਹੈ। ਮੋਦੀ ਨੂੰ ਸਮਝਣ 'ਚ ਦੇਰ ਨਹੀਂ ਲੱਗੀ ਕਿ ਉਨ੍ਹਾਂ ਦੇ ਪੈਰ 'ਤੇ ਮਗਰਮੱਛ ਦੀ ਪੂੰਛ ਲੱਗ ਗਈ ਹੈ। ਲੋਕ ਦੱਸਦੇ ਹਨ ਕਿ ਉਨ੍ਹਾਂ ਦਿਨੀਂ ਉਸ ਝੀਲ 'ਚ 29 ਮਗਰਮੱਛ ਹੋਇਆ ਕਰਦੇ ਸਨ। ਮੋਦੀ ਉਸ ਸਮੇਂ 8ਵੀਂ ਜਮਾਤ 'ਚ ਪੜ੍ਹਦੇ ਸਨ। ਇਸ ਘਟਨਾ ਤੋਂ ਬਾਅਦ ਮੋਦੀ ਦੇ ਪੈਰ 'ਤੇ 9 ਟਾਂਕੇ ਲੱਗੇ। ਅੱਜ ਵੀ ਉਸ ਸੱਟ ਦਾ ਨਿਸ਼ਾਨ ਮੋਦੀ 'ਤੇ ਪੈਰ 'ਤੇ ਦੇਖਿਆ ਜਾ ਸਕਦਾ ਹੈ। ਹਾਲਾਂਕਿ ਜ਼ਖਮ ਭਰਨ ਤੋਂ ਬਾਅਦ ਵੀ ਮੋਦੀ ਨੇ ਉਸ ਝੀਲ 'ਚ ਤੈਰਨਾ ਬੰਦ ਨਹੀਂ ਕੀਤਾ।
ਇਸ ਕਾਰਨ ਹੋਇਆ ਮੋਦੀ ਦਾ ਬਾਲ ਵਿਆਹ
ਪੀ.ਐੱਮ. ਮੋਦੀ ਦੇ ਵਿਆਹ ਬਾਰੇ ਵੀ ਕਈ ਤਰ੍ਹਾਂ ਦੀਆਂ ਗੱਲਾਂ ਕਹੀਆਂ ਜਾਂਦੀਆਂ ਹਨ ਪਰ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਇਕ ਭਵਿੱਖਬਾਣੀ ਕਾਰਨ ਮੋਦੀ ਦਾ ਬਾਲ ਵਿਆਹ ਕਰਵਾ ਦਿੱਤਾ ਗਿਆ ਸੀ। ਮੋਦੀ ਬਾਰੇ ਬਚਪਨ 'ਚ ਇਕ ਬਾਬਾ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਇਹ ਬੱਚਾ ਇਕ ਦਿਨ ਸੰਨਿਆਸੀ ਬਣ ਜਾਵੇਗਾ ਅਤੇ ਘਰ ਤਿਆਗ ਦੇਵੇਗਾ। ਇਸ ਗੱਲ ਦਾ ਡਰ ਮੋਦੀ ਦੇ ਪਿਤਾ ਨੂੰ ਸਤਾਉਣ ਲੱਗਾ। ਫਿਰ ਕੀ ਸੀ, ਪੁਰਾਣੇ ਰੀਤੀ-ਰਿਵਾਜ਼ਾਂ ਦੇ ਆਧਾਰ 'ਤੇ ਮੋਦੀ ਦਾ ਵਿਆਹ ਕਰ ਦਿੱਤਾ ਗਿਆ ਪਰ ਮੋਦੀ ਨੇ ਜਲਦ ਹੀ ਘਰ ਛੱਡ ਦਿੱਤਾ ਅਤੇ ਵਿਵੇਕਾਨੰਦ ਤੋਂ ਪ੍ਰਭਾਵਿਤ ਹੋ ਕੇ ਕੇਦਾਰਘਾਟੀ ਦੀ ਗੁਫ਼ਾ 'ਚ ਰਹਿਣ ਚੱਲੇ ਗਏ। ਕਹਿੰਦੇ ਹਨ ਕਿ ਮੋਦੀ ਉੱਥੇ 2 ਸਾਲ ਤੱਕ ਰਹੇ ਸਨ।
ਦੋਸਤਾਂ ਨਾਲ ਫਿਲਮ ਦੇਖਣ ਦੌਰਾਨ ਹੋਇਆ ਝਗੜਾ
ਮੋਦੀ ਆਪਣੇ ਜਵਾਨੀ ਦੇ ਦਿਨਾਂ 'ਚ ਇਕ ਵਾਰ ਆਪਣੇ ਦੋਸਤਾਂ ਨਾਲ ਫਿਲਮ ਦੇਖਣ ਗਏ ਸਨ। ਜਿਨ੍ਹਾਂ ਲੋਕਾਂ ਨਾਲ ਮੋਦੀ ਗਏ ਸਨ, ਉਹ ਸਾਰੇ ਉਮਰ 'ਚ ਉਨ੍ਹਾਂ ਤੋਂ ਵੱਡੇ ਸਨ ਪਰ ਫਿਲਮ ਦਰਮਿਆਨ ਹੀ ਉਨ੍ਹਾਂ ਦੇ ਸਾਰਿਆਂ ਨਾਲ ਬਹਿਸ ਸ਼ੁਰੂ ਹੋ ਗਈ। ਮੋਦੀ ਦੋਸਤਾਂ ਨਾਲ ਉਸ ਸਮੇਂ ਦੀ ਸੁਪਰਹਿਟ ਫਿਲਮ 'ਗਾਈਡ' ਦੇਖ ਰਹੇ ਸਨ ਪਰ ਫਿਲਮ ਦੇਖਦੇ-ਦੇਖਦੇ ਮੋਦੀ ਕਿਹਾ ਕਿ ਫਿਲਮ ਲਵ ਸਟੋਰੀ ਨਹੀਂ ਹੈ ਸਗੋਂ ਇਸ ਦਾ ਮੂਲ ਵਿਸ਼ਾ ਇਹ ਹੈ ਕਿ ਹਰ ਕਿਸੇ ਨੂੰ ਆਪਣੀ ਅੰਤਰਾਤਮਾ ਦੀ ਆਵਾਜ਼ ਸੁਣਨੀ ਚਾਹੀਦੀ ਹੈ। ਦੋਸਤ ਨੇ ਮੋਦੀ ਦੀਆਂ ਗੱਲਾਂ ਦਾ ਖੂਬ ਮਜ਼ਾਕ ਉਡਾਇਆ ਅਤੇ ਉਨ੍ਹਾਂ ਦੀ ਗੱਲ ਨੂੰ ਮੰਨਣ ਤੋਂ ਇਨਕਾਰ ਕਰ ਦਿੱਤਾ। ਮੋਦੀ ਨੂੰ ਇਹ ਗੱਲ ਬਹੁਤ ਬੁਰੀ ਲੱਗੀ ਅਤੇ ਇਸ ਕਾਰਨ ਉਨ੍ਹਾਂ ਨੇ ਆਪਣੇ ਦੋਸਤਾਂ ਨਾਲ ਲੜਾਈ ਕਰ ਲਈ।
ਇਕ ਕਾਰਨ ਪਾਉਂਦੇ ਹਨ ਹਾਫ਼ ਬਾਂਹ ਵਾਲਾ ਕੁੜਤਾ
ਮੋਦੀ ਦੇ ਕੱਪੜੇ ਆਏ ਦਿਨ ਚਰਚਾ ਦਾ ਵਿਸ਼ਾ ਬਣੇ ਰਹਿੰਦੇ ਹਨ। ਇੰਨਾ ਹੀ ਨਹੀਂ ਮੋਦੀ ਜਿਸ ਤਰ੍ਹਾਂ ਦੇ ਕੁੜਤੇ ਪਾਉਂਦੇ ਹਨ, ਉਨ੍ਹਾਂ ਨੂੰ ਤਾਂ ਮੋਦੀ ਕੁੜਤੇ ਦਾ ਨਾਂ ਹੀ ਦੇ ਦਿੱਤਾ ਹੈ ਪਰ ਕੀ ਤੁਸੀਂ ਇਹ ਜਾਣਦੇ ਹੋ ਕਿ ਪੀ.ਐੱਮ. ਹਾਫ਼ ਬਾਂਹ ਦਾ ਕੁੜਤਾ ਕਿਉਂ ਪਾਉਂਦੇ ਹਨ? ਦਰਅਸਲ ਮੋਦੀ ਆਪਣੇ ਕੱਪੜੇ ਖੁਦ ਧੋਣਾ ਪਸੰਦ ਕਰਦੇ ਹਨ। ਮੋਦੀ ਨੇ ਇਕ ਵਾਰ ਦੱਸਿਆ ਸੀ,''ਆਰ.ਐੱਸ.ਐੱਸ. ਅਤੇ ਭਾਜਪਾ 'ਚ ਰਹਿੰਦੇ ਹੋਏ ਮੈਨੂੰ ਬਹੁਤ ਦੌੜ ਧੁੱਪ ਕਰਨੀ ਪੈਂਦੀ ਸੀ। ਮੈਂ ਆਪਣੇ ਕੱਪੜੇ ਖੁਦ ਹੀ ਧੋਂਦਾ ਹਾਂ, ਮੈਂ ਇਕ ਵਾਰ ਸੋਚਿਆ ਕਿ ਪੂਰੀ ਬਾਂਹ ਦਾ ਕੁੜਤਾ ਧੋਣ 'ਚ ਜ਼ਿਆਦਾ ਸਮਾਂ ਲੱਗਦਾ ਹੈ, ਇਸ ਤੋਂ ਬਾਅਦ ਮੈਂ ਕਿ ਵਾਰ ਆਪਣੇ ਇਕ ਕੁੜਤੇ ਦੀ ਬਾਂਹ ਨੂੰ ਅੱਧਾ ਕਰ ਦਿੱਤਾ।'' ਦਰਅਸਲ ਮੋਦੀ ਨੂੰ ਅਹਿਸਾਸ ਹੋਇਆ ਕਿ ਅੱਧੀ ਬਾਂਹ ਦਾ ਕੁੜਤਾ ਧੋਣ 'ਚ ਘੱਟ ਸਮਾਂ ਲੱਗਦਾ ਹੈ, ਫਿਰ ਕੀ ਸੀ ਉਸ ਦਿਨ ਤੋਂ ਮੋਦੀ ਨੇ ਅੱਧੀ ਬਾਂਹ ਦੇ ਕੁੜਤੇ ਪਾਉਣੇ ਸ਼ੁਰੂ ਕਰ ਦਿੱਤੇ।
ਮਹਾਰਾਸ਼ਟਰ ਚੋਣਾਂ ਨੂੰ ਲੈ ਕੇ ਸ਼ਰਦ ਪਵਾਰ ਐਲਾਨ, ਕਾਂਗਰਸ-NCP 125-125 ਸੀਟਾਂ 'ਤੇ ਲੜਨਗੇ ਚੋਣ
NEXT STORY 
