ਕੋਲਕਾਤਾ : ਪੱਛਮੀ ਬੰਗਾਲ ਵਿੱਚ ਨਿਪਾਹ ਵਾਇਰਸ (Nipah Virus) ਦਾ ਖੌਫ਼ ਵਧ ਗਿਆ ਹੈ। ਉੱਤਰੀ 24 ਪਰਗਨਾ ਜ਼ਿਲ੍ਹੇ ਦੇ ਬਾਰਾਸਾਤ ਸਥਿਤ ਇੱਕ ਹਸਪਤਾਲ ਵਿੱਚ ਵੀਰਵਾਰ ਨੂੰ ਇਸ ਵਾਇਰਸ ਨਾਲ ਸੰਕਰਮਿਤ ਇੱਕ ਨਰਸ ਦੀ ਮੌਤ ਹੋ ਗਈ। ਰਾਜ ਵਿੱਚ ਨਿਪਾਹ ਕਾਰਨ ਮੌਤ ਹੋਣ ਦਾ ਇਹ ਪਹਿਲਾ ਮਾਮਲਾ ਹੈ।
ਇੱਕ ਹੋਰ ਨਰਸ ਜ਼ੇਰੇ ਇਲਾਜ
ਹਸਪਤਾਲ ਦੇ ਸੂਤਰਾਂ ਅਨੁਸਾਰ, ਮ੍ਰਿਤਕ ਨਰਸ ਲੰਬੇ ਸਮੇਂ ਤੋਂ ਕ੍ਰਿਟੀਕਲ ਕੇਅਰ ਯੂਨਿਟ (CCU) ਵਿੱਚ ਭਰਤੀ ਸੀ ਅਤੇ ਫੇਫੜਿਆਂ ਵਿੱਚ ਮੁੜ ਇਨਫੈਕਸ਼ਨ ਹੋਣ ਕਾਰਨ ਉਸ ਦੀ ਹਾਲਤ ਵਿਗੜ ਗਈ ਸੀ। ਇਸ ਵੇਲੇ ਇੱਕ ਹੋਰ ਨਰਸ ਵੀ ਉਸੇ ਹਸਪਤਾਲ ਵਿੱਚ ਸੰਕਰਮਿਤ ਪਾਈ ਗਈ ਹੈ, ਜਿਸ ਨੂੰ ਸਖ਼ਤ ਡਾਕਟਰੀ ਨਿਗਰਾਨੀ ਹੇਠ ਰੱਖਿਆ ਗਿਆ ਹੈ। ਸਿਹਤ ਵਿਭਾਗ ਨੇ ਸੰਕਰਮਿਤ ਨਰਸਾਂ ਦੇ ਸੰਪਰਕ ਵਿੱਚ ਆਏ ਲੋਕਾਂ ਦੀ ਭਾਲ (Contact Tracing) ਸ਼ੁਰੂ ਕਰ ਦਿੱਤੀ ਹੈ, ਹਾਲਾਂਕਿ ਹੁਣ ਤੱਕ ਹੋਰ ਸਾਰੇ ਟੈਸਟ ਨੈਗੇਟਿਵ ਆਏ ਹਨ।
ਕੀ ਹਨ ਲੱਛਣ ਅਤੇ ਬਚਾਅ?
ਨਿਪਾਹ ਇੱਕ ਖ਼ਤਰਨਾਕ ਵਾਇਰਸ ਹੈ ਜੋ ਮੁੱਖ ਤੌਰ 'ਤੇ 'ਫਰੂਟ ਬੈਟ' (ਚਮਗਿੱਦੜਾਂ) ਵੱਲੋਂ ਜੂਠੇ ਕੀਤੇ ਫਲਾਂ ਰਾਹੀਂ ਫੈਲਦਾ ਹੈ। ਇਸ ਦੇ ਮੁੱਖ ਲੱਛਣਾਂ ਵਿੱਚ ਤੇਜ਼ ਬੁਖਾਰ, ਸਿਰਦਰਦ, ਉਲਟੀਆਂ ਅਤੇ ਸਾਹ ਲੈਣ ਵਿੱਚ ਤਕਲੀਫ਼ ਸ਼ਾਮਲ ਹੈ। ਗੰਭੀਰ ਸਥਿਤੀ ਵਿੱਚ ਮਰੀਜ਼ 24 ਤੋਂ 48 ਘੰਟਿਆਂ ਅੰਦਰ ਕੋਮਾ ਵਿੱਚ ਜਾ ਸਕਦਾ ਹੈ। ਮਾਹਿਰਾਂ ਅਨੁਸਾਰ ਇਸ ਦੀ ਮੌਤ ਦਰ 50 ਤੋਂ 60 ਪ੍ਰਤੀਸ਼ਤ ਤੱਕ ਹੈ ਅਤੇ ਫਿਲਹਾਲ ਇਸਦਾ ਕੋਈ ਪ੍ਰਮਾਣਿਤ ਇਲਾਜ ਜਾਂ ਵੈਕਸੀਨ ਉਪਲਬਧ ਨਹੀਂ ਹੈ।
ਮੋਦੀ ਨੇ ‘ਵਿਸ਼ਵ ਸ਼ਾਂਤੀ’ ਨੂੰ ਲੈ ਕੇ ਕੀਤੀ ਟਰੰਪ ਦੀ ਸ਼ਲਾਘਾ
NEXT STORY 
