ਅਯੁੱਧਿਆ - ਅਯੁੱਧਿਆ ਦੇ ਰਾਮ ਮੰਦਰ ਵਿੱਚ ਰਾਮਲੱਲਾ ਦੀ ਮੂਰਤੀ ਦੀ ਪ੍ਰਾਣ ਪ੍ਰਤਿਸ਼ਠਾ ਬੜੇ ਉਤਸਾਹ ਨਾਲ 22 ਜਨਵਰੀ ਨੂੰ ਕੀਤੀ ਗਈ। ਇਸ ਦੌਰਾਨ ਪੂਰੇ ਦੇਸ਼ ਵਿੱਚ ਤਿਉਹਾਰ ਦਾ ਮਾਹੌਲ ਸੀ। ਹਰ ਮੰਦਰ ਅਤੇ ਹਰ ਘਰ ਵਿੱਚ ਰਾਮ ਦੇ ਨਾਮ ਦੇ ਦੀਵੇ ਜਗਾਏ ਗਏ ਅਤੇ ਦੀਵਾਲੀ ਮਨਾਈ ਗਈ। ਮੈਸੂਰ ਦੇ ਪ੍ਰਸਿੱਧ ਮੂਰਤੀਕਾਰ ਅਰੁਣ ਯੋਗੀਰਾਜ ਦੁਆਰਾ ਕ੍ਰਿਸ਼ਨਸ਼ੀਲਾ 'ਤੇ ਬਣਾਈ ਗਈ ਮੂਰਤੀ ਨੂੰ ਮੰਦਰ ਦੇ ਗਰਭ ਗ੍ਰਹਿ ਵਿੱਚ ਸਥਾਪਿਤ ਕੀਤੀ ਗਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਗਰਭ ਗ੍ਰਹਿ ਵਿੱਚ ਰਾਮਲੱਲਾ ਦੀ ਮੂਰਤੀ ਸਥਾਪਤ ਕਰਨ ਲਈ ਤਿੰਨ ਮੂਰਤੀਆਂ ਬਣਾਈਆਂ ਗਈਆਂ ਸਨ। ਸ਼ਾਸਤਰਾਂ ਵਿੱਚ ਵਰਣਨ ਕੀਤਾ ਗਿਆ ਹੈ ਕਿ ਨੀਲਾਂਬੁਜਮ ਸ਼ਿਆਮਮ ਕੋਮਲੰਗਮ... ਇਸੇ ਲਈ ਸ਼ਿਆਮਲ ਰੰਗ ਦੀ ਸ਼੍ਰੀ ਰਾਮ ਦੀ ਮੂਰਤੀ ਨੂੰ ਗਰਭ ਗ੍ਰਹਿ ਵਿੱਚ ਸਥਾਨ ਦਿੱਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਉੱਤਰੀ ਭਾਰਤ ਵਿੱਚ, ਜ਼ਿਆਦਾਤਰ ਮੂਰਤੀਆਂ ਸਫੈਦ ਸੰਗਮਰਮਰ ਜਾਂ ਅਸ਼ਟਧਾਤੂ ਦੀਆਂ ਬਣੀਆਂ ਹੁੰਦੀਆਂ ਹਨ, ਪਰ ਦੱਖਣੀ ਭਾਰਤ ਵਿੱਚ ਮੂਰਤੀਆਂ ਕਾਲੇ ਰੰਗ ਦੀਆਂ ਹੁੰਦੀਆਂ ਹਨ।
ਇਹ ਵੀ ਪੜ੍ਹੋ - ਦਰਭੰਗਾ-ਦਿੱਲੀ ਫਲਾਈਟ ਨੂੰ ਮਿਲੀ ਬੰਬ ਨਾਲ ਉਡਾਉਣ ਦੀ ਧਮਕੀ, IGI ਏਅਰਪੋਰਟ 'ਤੇ ਐਮਰਜੈਂਸੀ ਦਾ ਐਲਾਨ
ਮੂਰਤੀਕਾਰ ਸੱਤਿਆ ਨਰਾਇਣ ਪਾਂਡੇ ਨੇ ਬਣਾਈ ਦੂਜੀ ਮੂਰਤੀ
ਤੁਹਾਨੂੰ ਦੱਸ ਦੇਈਏ ਕਿ ਰਾਮਲੱਲਾ ਦੀ ਦੂਜੀ ਮੂਰਤੀ ਦੀ ਤਸਵੀਰ ਵੀ ਸਾਹਮਣੇ ਆਈ ਹੈ। ਇਸ ਮੂਰਤੀ ਨੂੰ ਪਹਿਲੀ ਮੰਜ਼ਿਲ 'ਤੇ ਸਥਾਪਿਤ ਕੀਤਾ ਜਾ ਸਕਦਾ ਹੈ। ਇਹ ਮੂਰਤੀ ਸੱਤਿਆ ਨਰਾਇਣ ਪਾਂਡੇ ਨੇ ਬਣਾਈ ਹੈ। ਇਹ ਉਨ੍ਹਾਂ ਤਿੰਨ ਮੂਰਤੀਆਂ ਵਿੱਚ ਸ਼ਾਮਲ ਹੈ ਜੋ ਗਰਭ ਗ੍ਰਹਿ ਵਿੱਚ ਸਥਾਪਿਤ ਕਰਨ ਲਈ ਉੱਕਰੀਆਂ ਗਈਆਂ ਸਨ ਪਰ ਕਰਨਾਟਕ ਦੇ ਮੂਰਤੀਕਾਰ ਅਰੁਣ ਯੋਗੀਰਾਜ ਦੀ ਮੂਰਤੀ ਨੂੰ ਪਾਵਨ ਅਸਥਾਨ ਲਈ ਚੁਣੇ ਜਾਣ ਤੋਂ ਬਾਅਦ, ਹੁਣ ਬਾਕੀ ਦੀਆਂ ਦੋ ਮੂਰਤੀਆਂ ਨੂੰ ਮੰਦਰ ਦੇ ਹੋਰ ਸਥਾਨਾਂ 'ਤੇ ਸਥਾਪਿਤ ਕੀਤਾ ਜਾਵੇਗਾ।
ਦੂਜੀ ਮੂਰਤੀ ਦੀ ਤਸਵੀਰ ਵਿਚ ਦੇਖਿਆ ਜਾ ਰਿਹਾ ਹੈ ਕਿ ਇਹ ਚਿੱਟੇ ਰੰਗ ਦੀ ਹੈ। ਇਸ ਵਿੱਚ ਹਨੂੰਮਾਨ ਜੀ ਵੀ ਭਗਵਾਨ ਰਾਮ ਦੇ ਚਰਨਾਂ ਵਿੱਚ ਬਿਰਾਜਮਾਨ ਹਨ, ਜਦਕਿ ਚਾਰੇ ਪਾਸੇ ਭਗਵਾਨ ਵਿਸ਼ਨੂੰ ਦੇ ਅਵਤਾਰ ਬਣਾਏ ਗਏ ਹਨ। ਇਸ ਵਿੱਚ ਭਗਵਾਨ ਵਿਸ਼ਨੂੰ ਦੇ 10 ਅਵਤਾਰਾਂ - 1- ਮਤਸਯ, 2- ਕੁਰਮ, 3- ਵਰਾਹ, 4- ਨਰਸਿੰਘ, 5- ਵਾਮਨ, 6- ਪਰਸ਼ੂਰਾਮ, 7- ਰਾਮ, 8- ਕ੍ਰਿਸ਼ਨ, 9- ਬੁੱਧ ਅਤੇ 10- ਕਲਕੀ ਅਵਤਾਰ ਬਣਾਏ ਗਏ ਸਨ।
ਗਣੇਸ਼ ਭੱਟ ਨੇ ਬਣਾਈ ਤੀਜੀ ਮੂਰਤੀ
ਇਸ ਦੇ ਨਾਲ ਹੀ ਤੀਜੀ ਮੂਰਤੀ ਨੂੰ ਕਰਨਾਟਕ ਦੇ ਗਣੇਸ਼ ਭੱਟ ਨੇ ਬਣਾਈ ਹੈ। ਹਾਲਾਂਕਿ ਇਸ ਮੂਰਤੀ ਨੂੰ ਰਾਮ ਮੰਦਰ ਦੇ ਗਰਭ ਗ੍ਰਹਿ ਵਿੱਚ ਥਾਂ ਨਹੀਂ ਮਿਲੀ ਹੈ। 51 ਇੰਚ ਦੀ ਇਸ ਮੂਰਤੀ ਨੂੰ ਵੀ ਕ੍ਰਿਸ਼ਨਾਸ਼ਿਲਾ ਦੇ ਨਾਂ ਨਾਲ ਜਾਣੇ ਜਾਣ ਵਾਲੇ ਕਾਲੇ ਪੱਥਰ ਤੋਂ ਹੀ ਤਿਆਰ ਕੀਤਾ ਗਿਆ ਹੈ, ਜੋ ਕਰਨਾਟਕ ਦੇ ਮੈਸੂਰ ਵਿੱਚ ਹੇਗਦਾਦੇਵਨ ਕੋਟੇ ਦੀ ਉਪਜਾਊ ਭੂਮੀ ਤੋਂ ਮਿਲਦਾ ਹੈ।
ਇਹ ਵੀ ਪੜ੍ਹੋ - ਹਿਮਾਚਲ ਦੇ ਕਿੰਨੌਰ 'ਚ ਮਕਾਨ ਨੂੰ ਲੱਗੀ ਅੱਗ, ਦੋ ਮਜ਼ਦੂਰ ਜ਼ਿੰਦਾ ਸੜੇ
ਮੂਰਤੀ ਦੀ ਉਚਾਈ 51 ਇੰਚ ਹੀ ਕਿਉਂ ਰੱਖੀ ਗਈ?
ਰਾਮ ਮੰਦਿਰ ਦੇ ਗਰਭ ਗ੍ਰਹਿ ਵਿੱਚ ਸਥਾਪਿਤ ਮੂਰਤੀ ਦੀ ਉਚਾਈ ਬਹੁਤ ਸੋਚ ਸਮਝ ਕੇ 51 ਇੰਚ ਰੱਖੀ ਗਈ ਹੈ। ਭਾਰਤ ਵਿੱਚ ਆਮ ਤੌਰ 'ਤੇ 5 ਸਾਲ ਦੇ ਬੱਚੇ ਦਾ ਕੱਦ ਲਗਭਗ 51 ਇੰਚ ਹੁੰਦਾ ਹੈ। 51 ਨੂੰ ਵੀ ਸ਼ੁਭ ਸੰਖਿਆ ਮੰਨਿਆ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਗਰਭ ਗ੍ਰਹਿ ਵਿੱਚ ਸਥਾਪਿਤ ਕੀਤੀ ਜਾਣ ਵਾਲੀ ਮੂਰਤੀ ਦਾ ਆਕਾਰ ਵੀ 51 ਇੰਚ ਰੱਖਿਆ ਗਿਆ ਹੈ। ਗਰਭ ਗ੍ਰਹਿ ਵਿੱਚ ਸਥਾਪਿਤ ਮੂਰਤੀ ਸ਼ਾਲੀਗ੍ਰਾਮ ਪੱਥਰ ਦੀ ਉੱਕਰੀ ਕਰਕੇ ਬਣਾਈ ਗਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਸ਼ਾਲੀਗ੍ਰਾਮ ਇੱਕ ਕਿਸਮ ਦਾ ਜੀਵਾਸ਼ਮ ਪੱਥਰ ਹੈ ਜੋ ਆਮ ਤੌਰ 'ਤੇ ਨਦੀਆਂ ਦੇ ਤਲ ਵਿੱਚ ਪਾਇਆ ਜਾਂਦਾ ਹੈ। ਸ਼ਿਆਮ ਸ਼ਿਲਾ ਦੀ ਉਮਰ ਹਜ਼ਾਰਾਂ ਸਾਲ ਹੈ ਅਤੇ ਇਹ ਪਾਣੀ ਰੋਧਕ ਹੈ। ਇਸ ਕਾਰਨ ਚੰਦਨ-ਰੋਲੀ ਲਗਾਉਣ ਨਾਲ ਵੀ ਸਾਲਾਂ ਤੱਕ ਮੂਰਤੀ ਦੀ ਚਮਕ ਪ੍ਰਭਾਵਿਤ ਨਹੀਂ ਹੁੰਦੀ।
ਇਹ ਵੀ ਪੜ੍ਹੋ - 72 ਸਾਲਾਂ ਬਾਅਦ ਸਾਊਦੀ ਅਰਬ 'ਚ ਖੁੱਲ੍ਹੇਗਾ ਪਹਿਲਾ 'ਅਲਕੋਹਲ ਸਟੋਰ', 1952 'ਚ ਲਗਾ ਦਿੱਤੀ ਗਈ ਸੀ ਪਾਬੰਦੀ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਭੈਣ ਕਰਦੀ ਸੀ ਮੁਸਲਮਾਨ ਮੁੰਡੇ ਨੂੰ ਪਿਆਰ, ਗੁੱਸੇ 'ਚ ਆਏ ਭਰਾ ਨੇ ਭੈਣ ਤੇ ਮਾਂ ਨੂੰ ਨਦੀ 'ਚ ਸੁੱਟਿਆ, ਦੋਵਾਂ ਦੀ ਹੋਈ ਮੌਤ
NEXT STORY 
