ਸ਼੍ਰੀਨਗਰ (ਵਾਰਤਾ)- ਕੇਂਦਰ ਸ਼ਾਸਿਤ ਪ੍ਰਦੇਸ਼ ਜੰਮੂ ਕਸ਼ਮੀਰ 'ਚ ਬੁੱਧਵਾਰ ਨੂੰ ਸਿੱਖਾਂ ਦੇ ਸ੍ਰੀ ਗੁਰੂ ਹਰਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਪੁਰਬ ਪੂਰੀ ਕਸ਼ਮੀਰ ਘਾਟੀ 'ਚ ਧਾਰਮਿਕ ਉਤਸ਼ਾਹ ਨਾਲ ਮਨਾਇਆ ਗਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਤੜਕੇ ਤੋਂ ਹੀ ਸਿੱਖ ਭਾਈਚਾਰੇ ਦੇ ਲੋਕ ਘਾਟੀ ਦੇ ਵੱਖ-ਵੱਖ ਹਿੱਸਿਆਂ 'ਚ ਸਥਿਤ ਗੁਰਦੁਆਰੇ ਪਹੁੰਚੇ ਅਤੇ ਸ੍ਰੀ ਗੁਰੂ ਹਰਗੋਬਿੰਦ ਜੀ ਮਹਾਰਾਜ ਦੇ ਦਰਸ਼ਨ ਕੀਤੇ ਅਤੇ ਉਨ੍ਹਾਂ ਨੂੰ ਪ੍ਰਣਾਮ ਕੀਤਾ। ਪ੍ਰਕਾਸ਼ ਪੁਰਬ ਦਾ ਸਭ ਤੋਂ ਸਮਾਰੋਹ ਪੁਰਾਣੇ ਸ਼੍ਰੀਨਗਰ ਦੇ ਗੁਰਦੁਆਰਾ ਚੱਟੀ ਪਾਤਸ਼ਾਹੀ 'ਚ ਆਯੋਜਿਤ ਕੀਤਾ ਗਿਆ।
ਜੰਮੂ ਕਸ਼ਮੀਰ ਦੇ ਉਪ ਰਾਜਪਾਲ ਮਨੋਜ ਸਿਨਹਾ ਨੇ ਸਿੱਖ ਸ਼ਰਧਾਲੂਆਂ ਨਾਲ 6ਵੇਂ ਪਾਤਸ਼ਾਹੀ ਰੈਨਾਵਾਰੀ 'ਚ ਵਿਸ਼ੇਸ਼ ਪ੍ਰਾਰਥਨਾ ਕੀਤੀ। ਸ਼੍ਰੀਨਗਰ ਦੇ ਮੇਅਰ ਜੁਨੈਦ ਮੱਟੂ ਵੀ ਸ਼੍ਰੀ ਸਿਨਹਾ ਨਾਲ ਗੁਰਦੁਆਰੇ ਗਏ। ਸ਼੍ਰੀ ਮੱਟੂ ਨੇ ਸੰਗਤ ਨਾਲ ਗੱਲਬਾਤ ਕੀਤੀ ਅਤੇ ਕੀਤੇ ਗਏ ਪ੍ਰਬੰਧਾਂ ਬਾਰੇ ਜਾਣਕਾਰੀ ਲਈ। ਗੁਰਦੁਆਰਾ ਪ੍ਰਬੰਧਨ ਨੇ ਵਿਵਸਥਾਵਾਂ 'ਤੇ ਸੰਤੋਸ਼ ਜਤਾਇਆ। ਉੱਤਰੀ ਕਸ਼ਮੀਰ 'ਚ ਮੁੱਖ ਸਮਾਰੋਹ ਪੁਰਾਣੇ ਬਾਰਾਮੂਲਾ ਸ਼ਹਿਰ 'ਚ ਸਥਿਤ ਗੁਰਦੁਆਰਾ ਚੱਟੀ ਪਾਤਸ਼ਾਹੀ 'ਚ ਆਯੋਜਿਤ ਕੀਤਾ ਗਿਆ। ਬਾਰਾਮੂਲਾ ਦੀ ਡਿਪਟੀ ਕਮਿਸ਼ਨਰ ਸਈਅਦ ਸੇਹਰਿਸ਼ ਅਸਗਰ ਨੇ ਸੀਨੀਅਰ ਪੁਲਸ ਸੁਪਰਡੈਂਟ ਬਾਰਾਮੂਲਾ ਆਮੋਦ ਅਸ਼ੋਕ ਨਾਗਾਪੁਰੇ ਨਾਲ ਗੁਰਦੁਆਰੇ ਦਾ ਦੌਰਾ ਕੀਤਾ ਅਤੇ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ ਮਹਾਰਾਜ ਦੇ ਪ੍ਰਕਾਸ਼ ਪੁਰਬ ਦੇ ਸ਼ੁੱਭ ਮੌਕੇ ਸਿੱਖ ਭਾਈਚਾਰੇ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ। ਦੱਖਣੀ ਕਸ਼ਮੀਰ 'ਚ ਮੁੱਖ ਸਮਾਰੋਹ ਇਤਿਹਾਸਕ ਮੱਟਨ ਅਤੇ ਬਿਜਬੇਹਰਾ ਗੁਰਦੁਆਰਿਆਂ 'ਚ ਆਯੋਜਿਤ ਕੀਤੇ ਗਏ।
ਵਿਰੋਧੀ ਪਾਰਟੀਆਂ ਨੂੰ ਇਕਜੁੱਟਤਾ ਦਾ ਪਾਠ ਪੜ੍ਹਾਉਣ ਵਾਲੇ ਨਿਤੀਸ਼ ਖੁਦ ਬਿਹਾਰ ਤਕ ਹੀ ਨਾ ਰਹਿ ਜਾਣ ਸੀਮਿਤ!
NEXT STORY 
