ਨਵੀਂ ਦਿੱਲੀ— ਕਾਂਗਰਸ ਦੇ ਉੱਪ ਪ੍ਰਧਾਨ ਰਾਹੁਲ ਗਾਂਧੀ ਨੇ ਮੰਗਲਵਾਰ ਨੂੰ ਭਾਜਪਾ ਦੀ ਅਗਵਾਈ ਵਾਲੀ ਕੇਂਦਰ ਸਰਕਾਰ ਤੋਂ ਸਵਾਲ ਕੀਤਾ ਕਿ ਤਿੰਨ ਸਾਲ ਸੱਤਾ 'ਚ ਰਹਿਣ ਤੋਂ ਬਾਅਦ ਇਸ ਸਮੇਂ ਉਸ ਕੋਲ ਦਿਖਾਉਣ ਲਈ ਸਿਰਫ 'ਟੁੱਟੇ ਹੋਏ ਵਾਅਦੇ' ਅਤੇ 'ਨਿਕੰਮਾਪਨ' ਹੀ ਹੈ, ਅਜਿਹੇ 'ਚ ਆਖਰ ਉਹ ਕਿਸ ਗੱਲ ਦਾ ਜਸ਼ਨ ਮਨਾ ਰਹੀ ਹੈ? ਦੇਸ਼ 'ਚ ਕਿਸਾਨਾਂ ਦੀਆਂ ਖੁਦਕੁਸ਼ੀਆਂ ਅਤੇ ਬੇਰੋਜ਼ੀਗਾਰੀ ਵੱਲ ਇਸ਼ਾਰਾ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਬੀਤੇ ਤਿੰਨ ਸਾਲ ਸਰਕਾਰ ਨੂੰ ਮਿਲੇ ਜਨਾਦੇਸ਼ ਨਾਲ 'ਵਿਸ਼ਵਾਸਘਾਤ' ਹਨ। ਰਾਹੁਲ ਨੇ ਟਵੀਟ ਕੀਤਾ,''ਨੌਜਵਾਨ ਨੌਕਰੀਆਂ ਲਈ ਜੂਝ ਰਹੇ ਹਨ, ਕਿਸਾਨ ਖੁਦਕੁਸ਼ੀ ਕਰ ਰਹੇ ਹਨ ਅਤੇ ਫੌਜੀ ਸਰਹੱਦ 'ਤੇ ਮਰ ਰਹੇ ਹਨ। ਸਰਕਾਰ ਆਖਰ ਕਿਸ ਚੀਜ਼ ਦਾ ਜਸ਼ਨ ਮਨਾ ਰਹੀ ਹੈ?'' ਇਕ ਹੋਰ ਟਵੀਟ 'ਚ ਰਾਹੁਲ ਨੇ ਕਿਹਾ,''ਟੁੱਟੇ ਵਾਅਦਿਆਂ, ਨਿਕੰਮਾਪਨ ਅਤੇ ਜਨਾਦੇਸ਼ ਨਾਲ ਵਿਸ਼ਵਾਸਘਾਤ ਦੇ ਤਿੰਨ ਸਾਲ।'' ਭਾਜਪਾ ਕੇਂਦਰ 'ਚ ਆਪਣੀ ਸੱਤਾ ਦੇ ਤਿੰਨ ਸਾਲ ਪੂਰੇ ਹੋਣ ਮੌਕੇ ਦੇਸ਼ ਭਰ 'ਚ 'ਮੋਦੀ ਫੇਸਟ' ਦਾ ਆਯੋਜਨ ਕਰ ਰਹੀ ਹੈ।
ਹਾਲਾਂਕਿ ਇੱਥੇ ਮੋਦੀ ਦਾ ਅਰਥ ਪ੍ਰਧਾਨ ਮੰਤਰੀ ਦੇ ਨਾਂ ਨਹੀਂ ਸਗੋਂ 'ਮੇਕਿੰਗ ਆਫ ਡੈਵਲਪਿੰਗ ਇੰਡੀਆ' ਨਾਲ ਹੈ। ਇਸ ਸਮਾਰੋਹ ਦੀ ਸ਼ੁਰੂਆਤ 26 ਮਈ ਨੂੰ ਗੁਹਾਟੀ 'ਚ ਕੁਝ ਆਯੋਜਨਾਂ ਅਤੇ ਇਕ ਜਨ ਸਭਾ ਨਾਲ ਹੋਵੇਗੀ ਅਤੇ 15 ਜੂਨ ਨੂੰ ਇਸ ਦਾ ਸਮਾਪਨ ਹੋਵੇਗਾ। ਇਸ ਜਸ਼ਨ ਦਾ ਆਯੋਜਨ ਦੇਸ਼ ਭਰ 'ਚ ਕੀਤੇ ਜਾਣ ਦੀ ਯੋਜਨਾ ਹੈ ਅਤੇ ਹਰ ਜ਼ਿਲੇ 'ਚ ਘੱਟੋ-ਘੱਟ ਇਕ ਸਮਾਰੋਹ ਆਯੋਜਿਤ ਹੋਵੇਗਾ। ਰਾਹੁਲ ਇਸ ਤੋਂ ਪਹਿਲਾਂ ਵੀ ਰੋਜ਼ਗਾਰ ਬਣਾਉਣ ਦੇ ਮੁੱਦੇ 'ਤੇ ਸਰਕਾਰ 'ਤੇ ਹਮਲਾ ਬੋਲ ਚੁਕੇ ਹਨ। ਉਨ੍ਹਾਂ ਨੇ ਕਿਹਾ ਸੀ ਕਿ ਸਰਕਾਰ ਇਕ ਸਾਲ 'ਚ ਇਕ ਕਰੋੜ ਰੋਜ਼ਗਾਰ ਬਣਾਉਣ ਦੇ ਆਪਣੇ ਚੋਣਾਵੀ ਵਾਅਦੇ ਨੂੰ ਪੂਰਾ ਕਰਨ 'ਚ ਅਸਫਲ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਸੀ ਕਿ ਸਰਕਾਰ 'ਚ ਦੂਰਦ੍ਰਿਸ਼ਟੀ ਦੀ ਕਮੀ ਕਾਰਨ ਨੌਜਵਾਨ ਦੁਖੀ ਹੋਏ ਹਨ।
ਦਰਦਨਾਕ ਹਾਦਸਾ: ਇਕ ਹੀ ਪਰਿਵਾਰ ਦੇ 9 ਲੋਕਾਂ ਦੀ ਮੌਤ, ਪਿਤਾ ਦੀ ਛਾਤੀ ਨਾਲ ਇਸ ਤਰ੍ਹਾਂ ਚਿਪਕੀ ਰਹਿ ਗਈ ਬੱਚੀ (ਤਸਵੀਰਾਂ)
NEXT STORY