ਨਵੀਂ ਦਿੱਲੀ, (ਏ.ਐੱਨ.ਆਈ.)— ਭਾਰਤ ਦੀ ਏਅਰ ਫਾਇਰ ਪਾਵਰ ਨੂੰ ਵਧਾਉਣ ਵਾਲੇ ਰਾਫੇਲ ਲੜਾਕੂ ਜਹਾਜ਼ ਇਸ ਸਾਲ ਜੁਲਾਈ ਦੇ ਆਖਿਰ ਤਕ ਫਰਾਂਸ ਤੋਂ ਭਾਰਤ ਪਹੁੰਚਣੇ ਸ਼ੁਰੂ ਹੋ ਜਾਣਗੇ। ਪਹਿਲਾਂ ਇਨ੍ਹਾਂ ਲੜਾਕੂ ਜਹਾਜ਼ਾਂ ਦੀ ਡਿਲਿਵਰੀ ਮਈ ਦੇ ਆਖਿਰ 'ਚ ਹੋਣ ਵਾਲੀ ਸੀ, ਪਰ ਕੋਰੋਨਾ ਵਾਇਰਸ ਕਾਰਨ ਭਾਰਤ ਅਤੇ ਫਰਾਂਸ 'ਚ ਪੈਦਾ ਹਾਲਾਤਾਂ ਕਾਰਨ ਇਸ ਨੂੰ ਦੋ ਮਹੀਨੇ ਲਈ ਮੁਲਤਵੀ ਕਰ ਦਿੱਤਾ ਗਿਆ। ਇਸ ਜਹਾਜ਼ ਨਾਲ ਹਵਾ ਦੀ ਸਮੱਰਥਾ ਦੇ ਮਾਮਲੇ 'ਚ ਭਾਰਤ ਨੂੰ ਪਾਕਿਸਤਾਨ ਅਤੇ ਚੀਨ ਦੋਨਾਂ 'ਤੇ ਬੜ੍ਹਤ ਮਿਲ ਜਾਵੇਗੀ। ਜਹਾਜ਼ ਹਰਿਆਣਾ ਦੇ ਅੰਬਾਲਾ ਏਅਰਬੇਸ 'ਤੇ ਉਤਰਣਗੇ। ਰਾਫੇਲ ਸਕੁਐਡਰਨ ਦੇ ਕਮਾਂਡਿੰਗ ਅਧਿਕਾਰੀ ਇਸ ਨੂੰ ਉਡਾ ਕੇ ਲਿਆਉਣਗੇ। ਟਾਪ ਸਰਕਾਰੀ ਸੂਤਰਾਂ ਨੇ ਦੱਸਿਆ ਕਿ ਕੋਰੋਨਾ ਵਾਇਰਸ ਦੇ ਕਾਰਨ ਕੁਝ ਹਫਤਿਆਂ ਦੀ ਦੇਰ ਹੋਈ ਹੈ, ਪਰ ਹੁਣ ਰਾਫੇਲ ਜਹਾਜ਼ ਜੁਲਾਈ 'ਚ ਆਉਣੇ ਸ਼ੁਰੂ ਹੋ ਜਾਣਗੇ। ਇਹ ਹਵਾਈ ਲੜਾਈ ਸਮੱਰਥਾ 'ਚ ਦੇਸ਼ ਦੀ ਫਾਈਰ ਪਾਵਰ ਨੂੰ ਵਧਾਉਣ 'ਚ ਸਾਡੀ ਮਦਦ ਕਰਨਗੇ।
ਅਜਿਹੇ ਸਮੇਂ 'ਚ ਜਦੋਂ ਚੀਨ ਅਤੇ ਪਾਕਿਸਤਾਨ ਦੋਨਾਂ ਦੇ ਨਾਲ ਸਰਹੱਦਾਂ 'ਤੇ ਤਣਾਅ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਭਾਰਤੀ ਹਵਾਈ ਫੌਜ ਨੂੰ ਜੁਲਾਈ 'ਚ ਵੱਡੀ ਤਾਕਤ ਮਿਲ ਜਾਵੇਗੀ। ਰਾਫੇਲ ਜਹਾਜ਼ ਹਵਾ ਤੋਂ ਹਵਾ 'ਚ ਮਾਰ ਕਰਨ ਵਾਲੀ ਮੀਟਿਅਰ ਮਿਜ਼ਾਈਲਾਂ 'ਚੋਂ ਇਕ ਹੈ ਅਤੇ ਦੁਸ਼ਮਣ ਦੇ ਜਹਾਜ਼ਾਂ ਨੂੰ 150 ਕਿਲੋਮੀਟਰ ਤੋਂ ਜ਼ਿਆਦਾ ਦੂਰੀ 'ਤੇ ਹੀ ਮਾਰਣ ਦੀ ਸਮੱਰਥਾ ਰੱਖਦੇ ਹਨ। ਚੀਨ ਅਤੇ ਪਾਕਿਸਤਾਨ ਦੋਵੇਂ ਹੀ ਇਨ੍ਹੀਂ ਦੂਰੀ 'ਤੇ ਮਿਜ਼ਾਈਲਾਂ ਲਾਂਚ ਨਹੀਂ ਕਰ ਸਕਦੇ ਹਨ। ਰਾਫੇਲ ਆਪਣੀਆਂ ਕਈ ਯੋਗਤਾਵਾਂ ਦੇ ਨਾਲ ਉਨ੍ਹਾਂ ਦੇ ਕਿਸੇ ਵੀ ਜਹਾਜ਼ 'ਤੇ ਆਸਾਨੀ ਨਾਲ ਹਵਾ 'ਚ ਨਿਸ਼ਾਨਾ ਲਗਾ ਸਕਦਾ ਹੈ।
ਭਾਰਤ ਨੇ 2016 'ਚ 36 ਰਾਫੇਲ ਦੇ ਲਈ ਕੀਤਾ ਸੀ ਸਮਝੌਤਾ
ਭਾਰਤ ਨੇ 2016 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪਹਿਲ 'ਤੇ 36 ਰਾਫੇਲ ਜਹਾਜ਼ਾਂ ਲਈ ਸਮਝੌਤੇ 'ਤੇ ਦਸਤਖਤ ਕੀਤੇ ਸਨ। ਪ੍ਰਧਾਨ ਮੰਤਰੀ ਦੱਖਣੀ ਏਸ਼ੀਆ ਦੇ ਅਸਮਾਨ 'ਚ ਭਾਰਤੀ ਹਵਾਈ ਫੌਜ ਦੀ ਬੜ੍ਹਤ ਨੂੰ ਬਰਕਰਾਰ ਰੱਖਣਾ ਚਾਹੁੰਦੇ ਸਨ। ਫਿਲਹਾਲ, ਪਾਕਿਸਤਾਨ ਅਤੇ ਚੀਨ ਦੋਵੇਂ ਹੀ ਦੇਸ਼ ਦੀ ਸ਼ਾਂਤੀ ਅਤੇ ਸੁਰੱਖਿਆ 'ਚ ਅੜਿੱਕਾ ਪੈਦਾ ਕਰ ਰਹੇ ਹਨ। ਦੋਵੇਂ ਹੀ ਮੋਰਚੇ 'ਤੇ ਤਣਾਅ ਹਨ। ਪਾਕਿਸਤਾਨ ਵਲੋਂ ਅੱਤਵਾਦੀਆਂ ਨੂੰ ਭਾਰਤ 'ਚ ਭੇਜਣਾ ਜਾਰੀ ਹੈ। ਅਜਿਹੇ 'ਚ ਉੜੀ ਅਤੇ ਬਾਲਾਕੋਟ ਵਰਗੇ ਕਿਸੇ ਭਾਰਤੀ ਜਵਾਬ ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਪਾਕਿਸਤਾਨ ਨੇ ਅਸਮਾਨ 'ਚ ਨਿਗਰਾਨੀ ਵੱਧਾ ਰੱਖੀ ਹੈ।
ਵਿਸ਼ਾਖਾਪਟਨਮ ਜਾਸੂਸੀ ਮਾਮਲੇ ਦਾ ਮੁੱਖ ਸਾਜ਼ਿਸ਼ਕਾਰ ਗ੍ਰਿਫਤਾਰ, ਕਈ ਵਾਰ ਜਾ ਚੁੱਕਾ ਹੈ ਪਾਕਿ
NEXT STORY