ਜੰਮੂ (ਸੰਜੀਵ)- ਰਾਸ਼ਟਰੀ ਸਵੈਮ ਸੇਵਕ ਸੰਘ (ਆਰ. ਐੱਸ. ਐੱਸ.) ਦੇ ਸਰ ਸੰਘਚਾਲਕ ਡਾ. ਮੋਹਨ ਭਾਗਵਤ ਜੰਮੂ-ਕਸ਼ਮੀਰ ਦਾ 3 ਦਿਨਾ ਦੌਰਾ ਪੂਰਾ ਕਰਨ ਤੋਂ ਬਾਅਦ ਐਤਵਾਰ ਸ਼ਾਮ ਨੂੰ ਨਾਗਪੁਰ ਲਈ ਰਵਾਨਾ ਹੋ ਗਏ। ਰਵਾਨਾ ਹੋਣ ਤੋਂ ਪਹਿਲਾਂ ਸੰਘ ਦੇ ਅਹੁਦੇਦਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਡਾ. ਭਾਗਵਤ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ’ਚ ਮੌਜੂਦਾ ਸਮਾਂ ਸੰਘ ਕਾਰਜਾਂ ਲਈ ਅਨੁਕੂਲ ਹੈ। ਅਜਿਹੇ ’ਚ ਜਿਨ੍ਹਾਂ ਇਲਾਕਿਆਂ ’ਚ ਸੰਘ ਕਾਰਜ ਕਮੇਟੀ ਹੈ ਜਾਂ ਨਹੀਂ ਹੈ, ਉੱਥੇ ਸੰਘ ਦੇ ਕਾਰਜਾਂ ਦਾ ਵਿਸਥਾਰ ਕੀਤਾ ਜਾਵੇ। ਸੰਘ ਦੇ ਸੂਤਰਾਂ ਅਨੁਸਾਰ ਡਾ. ਭਾਗਵਤ ਨੇ ਕਿਹਾ ਕਿ ਜੰਮੂ ਡਵੀਜ਼ਨ ਤੋਂ ਅੱਗੇ ਜਾ ਕੇ ਕਸ਼ਮੀਰ ਡਵੀਜ਼ਨ ’ਚ ਵੀ ਸੰਘ ਦੇ ਕਾਰਜਾਂ ’ਚ ਤੇਜ਼ੀ ਲਿਆਉਣ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਕਸ਼ਮੀਰ ’ਚ ਸੰਘ ਦੀਆਂ ਸ਼ਾਖਾਵਾਂ ਸ਼ੁਰੂ ਕਰਨ ’ਚ ਕੋਈ ਦਿੱਕਤ ਹੈ ਤਾਂ ਘੱਟੋ-ਘੱਟ ਸੰਘ ਦੇ ਹੋਰ ਸੰਗਠਨਾਂ ਦਾ ਕੰਮ ਤਾਂ ਸ਼ੁਰੂ ਕੀਤਾ ਹੀ ਜਾ ਸਕਦਾ ਹੈ।
ਜ਼ਿਕਰਯੋਗ ਹੈ ਕਿ ਕਸ਼ਮੀਰ ਡਵੀਜ਼ਨ ’ਚ ਸੰਘ ਦੀ ਕੋਈ ਰੋਜ਼ਾਨਾ ਸ਼ਾਖਾ ਨਹੀਂ ਹੈ। ਇਸ ਤੋਂ ਇਲਾਵਾ ਸਰ ਸੰਘਚਾਲਕ ਨੇ ਵਾਤਾਵਰਨ ਦੀ ਹਿਫਾਜ਼ਤ, ਸਮਾਜਿਕ ਸਦਭਾਵਨਾ, ਪਰਿਵਾਰਕ ਗਿਆਨ ਆਦਿ ’ਤੇ ਵੀ ਜ਼ੋਰ ਦਿੱਤਾ ਹੈ। ਇਸ ਤੋਂ ਇਲਾਵਾ ਕਠੂਆ ਖੇਡ ਸਟੇਡੀਅਮ ’ਚ ਆਯੋਜਿਤ ਏਕੀਕਰਣ ਪ੍ਰੋਗਰਾਮ ਨੂੰ ਸੰਬੋਧਨ ਕਰਦੇ ਹੋਏ ਭਾਗਵਤ ਨੇ ਕਿਹਾ ਕਿ ਦੇਸ਼ ਨੂੰ ਨੁਕਸਾਨ ਪਹੁੰਚਾਉਣ ਅਤੇ ਦੇਸ਼ ਤੋੜਨ ਵਾਲਿਆਂ ਨੂੰ ਸਬਕ ਸਿਖਾਉਣ ਦੀ ਲੋੜ ਹੈ। ਸੰਘ ਦੇ ਸਵੈਮ ਸੇਵਕ ਹੋਣ ਦੇ ਨਾਤੇ ਸਾਨੂੰ ਰਾਸ਼ਟਰ ਹਿੱਤ ਨੂੰ ਸਭ ਤੋਂ ਉੱਪਰ ਰੱਖ ਕੇ ਸਾਰਿਆਂ ਦੀ ਭਲਾਈ ਲਈ ਵਿਚਾਰ ਕਰਨਾ ਹੋਵੇਗਾ, ਨਿਯਮ ਤੇ ਅਨੁਸ਼ਾਸਨ ਦੀ ਪਾਲਣਾ ਜ਼ਰੂਰੀ ਹੈ। ਇਹ ਸਭ ਸਿੱਖਣ ਲਈ ਸਵੈਮ ਸੇਵਕ ਬ੍ਰਾਂਚ ’ਚ ਆਉਂਦੇ ਹਨ। ਦੁਨੀਆ ਨੂੰ ਜੋ ਚਾਹੀਦਾ ਹੈ, ਉਹ ਤਾਕਤ ਦੇਣ ਲਈ ਸਮਾਜ ਦੀ ਇੱਛਾ ਸ਼ਕਤੀ ਦਾ ਨਿਰਮਾਣ ਕਰਨ ਵਾਸਤੇ ਸੰਘ ਨੂੰ ਅਜਿਹੇ ਲੋਕ ਤਿਆਰ ਕਰਨੇ ਹਨ। ਸਮਾਜ ਅੱਗੇ ਹੋ ਕੇ ਚੱਲਣ ਲਈ ਤਿਆਰ ਹੈ। ਸਵਾਰਥ ਅਤੇ ਮਤਭੇਦ ਭੁਲਾ ਕੇ ਸਮਾਜ ਨੂੰ ਅਸੀਂ ਅੱਗੇ ਵਧਣਾ ਸਿਖਾਈਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦੇਸ਼ ਭਰ 'ਚ DRI ਦੇ ਛਾਪੇ, 34 ਕਰੋੜ ਰੁਪਏ ਦਾ ਸੋਨਾ ਜ਼ਬਤ
NEXT STORY 
