ਹੈਦਰਾਬਾਦ (ਵਾਰਤਾ)- ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਦੇਸ਼ ਦੀ ਸੁਰੱਖਿਆ ਸਭ ਤੋਂ ਵੱਡੀ ਤਰਜੀਹ ਹੈ ਅਤੇ ਇਸ ਦੀ ਏਕਤਾ ਅਤੇ ਅਖੰਡਤਾ ਦੀ ਰੱਖਿਆ ਲਈ ਸਾਰੇ ਯਤਨ ਕੀਤੇ ਜਾ ਰਹੇ ਹਨ। ਹਕੀਮਪੇਟ ਏਅਰਫੋਰਸ ਸਟੇਸ਼ਨ 'ਤੇ ਭਾਰਤੀ ਹਵਾਈ ਸੈਨਾ ਵੱਲੋਂ ਦੇਸ਼ ਦੀ ਸੇਵਾ ਦੇ 60 ਸਾਲ ਪੂਰੇ ਹੋਣ ਦੀ ਯਾਦ ਵਿਚ ਆਯੋਜਿਤ ਇਕ ਸੰਮੇਲਨ ਨੂੰ ਸੰਬੋਧਨ ਕਰਦੇ ਹੋਏ ਸ਼੍ਰੀ ਸਿੰਘ ਨੇ ਕਿਹਾ ਕਿ ਇਹ ਕਾਨਫਰੰਸ ਉਨ੍ਹਾਂ ਲੋਕਾਂ ਨੂੰ ਢੁਕਵੀਂ ਸ਼ਰਧਾਂਜਲੀ ਹੈ, ਜਿਨ੍ਹਾਂ ਨੇ ਆਪਣੀ ਸਖ਼ਤ ਮਿਹਨਤ ਅਤੇ ਸਮਰਪਣ ਦੇ ਨਾਲ-ਨਾਲ ਦੇਸ਼ ਦੀ ਸੇਵਾ ਕੀਤੀ। ਚੇਤਕ ਦੇ ਅਣਮੁੱਲੇ ਯੋਗਦਾਨ ਲਈ ਆਪਣਾ ਸਨਮਾਨ ਪ੍ਰਗਟ ਕਰਦੇ ਹੋਏ ਉਨ੍ਹਾਂ ਕਿਹਾ,“ਜਦੋਂ ਵੀ ਕੋਈ ਦੇਸ਼ ਸੁਰੱਖਿਆ ਲਈ ਜੰਗ ਲੜਦਾ ਹੈ, ਤਾਂ ਸਿਰਫ਼ ਹਥਿਆਰਬੰਦ ਬਲ ਹੀ ਇਸ ਵਿਚ ਹਿੱਸਾ ਨਹੀਂ ਲੈਂਦੇ ਹਨ। ਸਾਰਾ ਦੇਸ਼ ਉਸ ਜੰਗ ਨੂੰ ਲੜਦਾ ਹੈ।''
HAL ਵਰਗੀਆਂ ਸੰਸਥਾਵਾਂ ਦੇ ਵਿਗਿਆਨੀ, ਇੰਜੀਨੀਅਰ ਅਤੇ ਟੈਕਨੀਸ਼ੀਅਨ ਜੋ ਹੈਲੀਕਾਪਟਰ ਅਤੇ 'ਚੇਤਕ' ਵਰਗੇ ਹੋਰ ਪਲੇਟਫਾਰਮ ਵਿਕਸਿਤ ਕਰਦੇ ਹਨ, ਸਾਡੇ ਸੈਨਿਕਾਂ ਵਾਂਗ ਹੀ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਛੋਟੇ ਕਾਰੋਬਾਰਾਂ ਦੇ ਲੱਖਾਂ ਕਾਮੇ ਵੀ ਪੁਰਜ਼ਿਆਂ ਦੀ ਸਪਲਾਈ ਕਰਕੇ ਇਨ੍ਹਾਂ ਪ੍ਰੋਜੈਕਟਾਂ ਵਿਚ ਯੋਗਦਾਨ ਪਾਉਂਦੇ ਹਨ। ਇਹ ਸੰਮੇਲਨ ਉਨ੍ਹਾਂ ਸਾਰਿਆਂ ਦੀ ਸਖ਼ਤ ਮਿਹਨਤ ਅਤੇ ਸਮਰਪਣ ਦਾ ਜਸ਼ਨ ਮਨਾਉਂਦਾ ਹੈ। ਚੇਤਕ ਹੈਲੀਕਾਪਟਰ ਦੀ ਤੁਲਨਾ ਰਾਜਪੂਤ ਰਾਜੇ ਮਹਾਰਾਣਾ ਪ੍ਰਤਾਪ ਦੇ ਘੋੜੇ ਚੇਤਕ ਨਾਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਹ ਸਿਰਫ਼ ਇਕ ਮਸ਼ੀਨ ਹੀ ਨਹੀਂ, ਸਗੋਂ ਇਕ ਜੀਵੰਤ ਅਤੇ ਸਮਰਪਿਤ ਯੂਨਿਟ ਹੈ, ਜੋ ਪਿਛਲੇ ਛੇ ਦਹਾਕਿਆਂ ਤੋਂ ਲਗਾਤਾਰ ਦੇਸ਼ ਦੀ ਸੇਵਾ ਕਰ ਰਹੀ ਹੈ ਅਤੇ ਇਸ ਨੇ ਦੇਸ਼ ਲਈ ਇਕ ਮਿਸਾਲ ਕਾਇਮ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਹੁਣ ਤੱਕ ਤਿਆਰ ਕੀਤੇ ਗਏ 700 ਦੇ ਕਰੀਬ ਚੇਤਕ ਜੰਗ ਅਤੇ ਸ਼ਾਂਤੀ ਵਿਚ ਪੂਰੀ ਲਗਨ ਨਾਲ ਦੇਸ਼ ਦੀ ਸੇਵਾ ਕਰ ਚੁੱਕੇ ਹਨ। ਰੱਖਿਆ ਮੰਤਰੀ ਨੇ ਨਿਰਮਾਣ ਦੇ 60 ਸਾਲਾਂ ਬਾਅਦ ਵੀ ਇਕ ਪ੍ਰਮੁੱਖ ਪਲੇਟਫਾਰਮ ਬਣੇ ਰਹਿਣ ਲਈ ਚੇਤਕ ਦੀ ਸ਼ਲਾਘਾ ਕੀਤੀ।
ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ
ਆਜ਼ਮ ਖਾਨ ਨੂੰ ਝਟਕਾ! ਸ਼ੀਆ ਵਕਫ਼ ਬੋਰਡ ਨੇ ਵਕਫ਼ ਜਾਇਦਾਦਾਂ ਸ਼ਾਹੀ ਪਰਿਵਾਰ ਨੂੰ ਕੀਤੀਆਂ ਵਾਪਸ
NEXT STORY 
