ਕਦੇ ਸਿੱਧਾ ਰਾਹ ਛੱਡੀਏ ਨਾ,
ਮੰਜ਼ਿਲ ਭਾਵੇਂ ਕਿੰਨੀ ਵੀ ਦੂਰ ਹੋਵੇ,
ਕਦੇ ਆਪਣਾ ਇਮਾਨ ਵੇਚੀਏ ਨਾ,
ਜ਼ਿੰਦਗੀ ਭਾਵੇਂ ਕਿੰਨੀ ਵੀ ਮਜਬੂਰ ਹੋਵੇ..!!
ਇਹ ਜ਼ਿੰਦਗੀ ਇੱਕ ਮਿੱਠੀ ਮੌਤ ਹੈ,
ਬੁਝਦੇ ਹੋਏ ਦੀਵੇ ਦੀ ਜੋਤ ਹੈ,
ਹਰ ਸਾਹ ਨਾਲ ਅਸੀਂ ਥੋੜ੍ਹਾ-ਥੋੜ੍ਹਾ ਮਰਦੇ ਜਾਈਏ,
ਨਾ ਚਾਹ ਕੇ ਵੀ ਅਸੀਂ ਕੋੜੇ ਸੱਚ ਨੂੰ ਜਰਦੇ ਜਾਈਏ,
ਰਫਤਾ-ਰਫਤਾ ਜਿਸਮ ਸਾਡਾ ਸਾਥ ਛੱਡਦਾ ਜਾਏ,
ਸਾਹਾਂ ਵਾਲਾ ਸਾਗਰ ਪਲ-ਪਲ ਘੱਟਦਾ ਜਾਏ,
ਦੁਨੀਆਦਾਰੀ 'ਚ ਮੌਤ ਨੂੰ ਅਸੀਂ ਭੁਲਾਈ ਬੈਠੇ ਹਾਂ,
ਸ਼ਾਇਦ ਅਸੀਂ ਨਹੀ ਮਰਨਾ ਮਨ ਸਮਝਾਈ ਬੈਠੇ ਹਾਂ,
ਜ਼ਿੰਦਗੀ ਦਾ ਨਸ਼ਾ ਮੌਤ ਦੀ ਯਾਦ ਨਹੀ ਆਉਣ ਦਿੰਦਾ,
ਜਦ ਰੱਬ ਨੂੰ ਆਉਂਦੀ ਯਾਦ ਜੁੱਤੀ ਵੀ ਨਹੀ ਪਾਉਣ ਦਿੰਦਾ,
ਡਾਹਡੀ ਮੌਤ ਦਾ ਖੋਰੇ ਕਿਹੜਾ ਉਹ ਆਖਰੀ ਵੇਲਾ ਏ,
ਜਦ ਛੱਡ ਤੁਰ ਜਾਣਾ ਰੰਗਲੀ ਦੁਨੀਆ ਦਾ ਮੇਲਾ ਏ..!
ਬਿੱਟੂ ਸਦਰਪੁਰੀਆ
ਪੰਜਾਬ 'ਚ ਫਿਰ ਇਕ ਲਹਿਰ ਚੱਲ ਪਈਏ....
NEXT STORY 
