ਲੁਧਿਆਣਾ(ਮਹੇਸ਼)-5 ਸਾਲ ਦੇ ਮਾਸੂਮ ਨਾਲ ਅਸ਼ਲੀਲ ਹਰਕਤਾਂ ਕਰਨ ਦੇ ਦੋਸ਼ ਵਿਚ ਥਾਣਾ ਸਦਰ ਦੀ ਪੁਲਸ ਨੇ ਪੀੜਤ ਦੀ ਮਾਤਾ ਦੀ ਤਹਿਰੀਰ 'ਤੇ ਪੋਸਕੋ ਐਕਟ ਤਹਿਤ ਕੇਸ ਦਰਜ ਕਰ ਕੇ ਲੜਕੀ ਦੇ ਚਾਚਾ ਸੁਹਰੇ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਫੜੇ ਗਏ ਦੋਸ਼ੀ ਦੀ ਪਛਾਣ 30 ਸਾਲਾ ਸੰਦੀਪ ਸਿੰਘ ਦੇ ਰੂਪ ਵਿਚ ਹੋਈ ਹੈ। ਦੋਸ਼ੀ ਨੂੰ ਕੱਲ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ, ਜੋ ਕਿ ਪਿੰਡ ਖੇੜੀ ਦਾ ਰਹਿਣ ਵਾਲਾ ਹੈ। ਸ਼ਿਕਾਇਤ ਕਰਤਾ ਨੇ ਦੱਸਿਆ ਕਿ ਵੀਰਵਾਰ ਨੂੰ ਲਗਭਗ 2.45 ਵਜੇ ਦੁੱਗਰੀ ਤੋਂ ਸਿਲਾਈ ਸਿਖਲਾਈ ਲੈ ਕੇ ਘਰ ਮੁੜੀ ਤਾਂ ਦੇਖਿਆ ਕਿ ਜਾਂਦੇ ਸਮੇਂ ਦਰਵਾਜ਼ੇ 'ਤੇ ਲਾਕ ਲਾ ਕੇ ਗਈ ਸੀ ਉਹ ਬਾਹਰ ਤੋਂ ਖੁੱਲ੍ਹਾ ਸੀ ਅਤੇ ਅੰਦਰੋਂ ਕੁੰਡੀ ਲੱਗੀ ਹੋਈ ਸੀ। ਜਦ ਉਸ ਨੇ ਦਰਵਾਜ਼ੇ ਦੀ ਝੀਤ ਤੋਂ ਅੰਦਰ ਦੇਖਿਆ ਤਾਂ ਉਸ ਦੇ ਪੈਰਾਂ ਹੇਠੋਂ ਜ਼ਮੀਨ ਨਿਕਲ ਗਈ। ਉਸ ਦੇ ਚਾਚਾ ਸਹੁਰੇ ਨੇ ਉਸ ਦੇ ਬੇਟੇ ਦੇ ਕੱਪੜੇ ਉਤਾਰੇ ਹੋਏ ਸਨ ਅਤੇ ਉਸ ਦੇ ਨਾਲ ਅਸ਼ਲੀਲ ਹਰਕਤਾਂ ਕਰ ਰਿਹਾ ਸੀ। ਦੋਸ਼ੀ ਦੀ ਨਜ਼ਰ ਜਦ ਉਸ 'ਤੇ ਪਈ ਤਾਂ ਉਹ ਉਸ ਨੂੰ ਧੱਕਾ ਦੇ ਕੇ ਮੌਕੇ 'ਤੇ ਫਰਾਰ ਹੋ ਗਿਆ। ਜਿਸ ਦੇ ਬਾਅਦ ਪੁਲਸ ਨੇ ਗ੍ਰਿਫਤਾਰ ਕਰ ਲਿਆ। ਪੀੜਤਾ ਨੇ ਦੱਸਿਆ ਕਿ ਘਟਨਾ ਦੇ ਸਮੇਂ ਉਸ ਦਾ ਪਤੀ ਕੰਮ 'ਤੇ ਗਿਆ ਸੀ। ਉਸ ਦੇ 2 ਬੇਟੇ ਹਨ। ਛੋਟਾ ਲਗਭਗ 2 ਸਾਲ ਦਾ ਹੈ। ਉਹ ਜਾਂਦੇ ਸਮੇਂ ਘਰ ਦੀ ਚਾਬੀ ਬਾਹਰ ਹੀ ਰੱਖ ਜਾਂਦੀ ਸੀ। ਏ. ਐੱਸ. ਆਈ. ਪ੍ਰਿਤਪਾਲ ਨੇ ਦੱਸਿਆ ਕਿ ਦੋਸ਼ੀ ਕੁਆਰਾ ਹੈ।
4 ਸਾਲਾ ਮਾਸੂਮ ਨੂੰ ਫਾਰਚੂਨਰ ਨੇ ਕੁਚਲਿਆ, ਮੌਤ
NEXT STORY 
