ਖਡੂਰ ਸਾਹਿਬ (ਕੁਲਾਰ) : ਵਿਧਾਨ ਸਭਾ ਹਲਕਾ ਖਡੂਰ ਸਾਹਿਬ ਅਧੀਨ ਆਉਦੇਂ ਪਿੰਡ ਕੰਗ ਵਿਖੇ ਮੰਗਲਵਾਰ ਉਸ ਵੇਲੇ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਜਦੋਂ ਪਿੰਡ ਵਾਸੀਆਂ ਨੇ ਕਲਯੁੱਗੀ ਮਾਂ ਵਲੋਂ ਛੱਪੜ ਵਿਚ ਇਕ ਨਮ-ਜੰਮਿਆ ਬੱਚਾ ਸੁੱਟਿਆ ਹੋਇਆ ਦੇਖਿਆ। ਜਾਣਕਾਰੀ ਦਿੰਦੇ ਹੋਏ ਪੁਲਸ ਚੌਕੀ ਕੰਗ ਦੇ ਮੁਨਸ਼ੀ ਮੇਜਰ ਸਿੰਘ ਨੇ ਦੱਸਿਆ ਕਿ ਬੀਤੀ ਰਾਤ ਕਿਸੇ ਆਣਪਛਾਤੇ ਵੱਲੋਂ ਆਪਣਾ 8-9 ਮਹੀਨੇ ਦਾ ਬੱਚਾ ਜੋ ਦੇਖਣ ਵਿਚ ਲੜਕੀ ਸੀ ਨੂੰ ਛੱਪੜ ਵਿਚ ਸੁੱਟ ਦਿਤਾ ਗਿਆ। ਜਿਸ ਦੀ ਪਿੰਡ ਵਾਸੀਆਂ ਨੇ ਸਵੇਰ ਹੋਣ 'ਤੇ ਪੁਲਸ ਨੁੰ ਇਤਲਾਹ ਦਿੱਤੀ ਅਤੇ ਪੁਲਸ ਪਾਰਟੀ ਨੇ ਮੌਕੇ 'ਤੇ ਪੁੱਜ ਕੇ ਨਵ-ਜੰਮੇ ਬੱਚੇ ਨੂੰ ਬਾਹਰ ਕਢਵਾਇਆ ਅਤੇ ਸਿਵਲ ਹਸਪਤਾਲ ਤਰਨਤਾਰਨ ਵਿਖੇ ਭੇਜ ਦਿੱਤਾ।
ਇਸ ਮੌਕੇ ਘਟਨਾ ਸਥਾਨ ਉਪਰ ਪਿੰਡ ਵਾਸੀਆਂ ਦਾ ਭਾਰੀ ਜਮਾਵੜਾ ਲੱਗਿਆ ਹੋਇਆ ਸੀ ਅਤੇ ਹਰ ਦਿਲ ਭਰੂਣ ਸੁੱਟਣ ਵਾਲੀ ਮਾਂ ਨੂੰ ਲਾਹਨਤਾਂ ਪਾ ਰਿਹਾ ਸੀ। ਲੋਕਾਂ ਨੇ ਇਸ ਘਟਨਾ ਦੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਸਖਤ ਤੋਂ ਸਖਤ ਸਜ਼ਾ ਦੇਣ ਦੀ ਮੰਗ ਕੀਤੀ ਹੈ। ਫਿਲਹਾਲ ਪੁਲਸ ਵਲੋਂ ਅਗਲੇਰੀ ਕਾਰਵਾਈ ਜਾਰੀ ਹੈ।
ਸਰਕਾਰ ਵੱਲੋਂ ਚਲਾਈਆਂ ਸਕੀਮਾਂ ਦੀ ਨਜ਼ਰਸਾਨੀ ਕਰਨਗੇ ਖੁਸ਼ਹਾਲੀ ਦੇ ਰਾਖੇ: ਲੈਫ ਸ਼ੇਰਗਿੱਲ
NEXT STORY 
