ਬਰਲਿਨ, (ਭਾਸ਼ਾ) : ਵਿਸ਼ਵ ਦੀ ਸਾਬਕਾ ਨੰਬਰ ਇੱਕ ਖਿਡਾਰਨ ਵਿਕਟੋਰੀਆ ਅਜ਼ਾਰੇਂਕਾ ਨੇ ਬੁੱਧਵਾਰ ਨੂੰ ਇੱਥੇ ਕੁਆਲੀਫਾਇਰ ਜ਼ੈਨੇਪ ਸੋਨਮੇਜ਼ ਨੂੰ 6-3, 6-3 ਨਾਲ ਹਰਾ ਕੇ ਗ੍ਰਾਸ ਕੋਰਟ ਬਰਲਿਨ ਟੈਨਿਸ ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ਵਿੱਚ ਥਾਂ ਪੱਕੀ ਕਰ ਲਈ ਹੈ। ਹੁਣ ਵਿਸ਼ਵ ਦੀ 19ਵੇਂ ਨੰਬਰ ਦੀ ਖਿਡਾਰਨ ਅਜ਼ਾਰੇਂਕਾ ਨੇ ਪੰਜ ਵਾਰ ਆਪਣੀ ਵਿਰੋਧੀ ਖਿਡਾਰਨ ਦੀ ਸਰਵਿਸ ਤੋੜੀ ਅਤੇ ਪੰਜ ਬਰੇਕ ਪੁਆਇੰਟ ਬਚਾਉਣ ਵਿੱਚ ਸਫ਼ਲ ਰਹੀ। ਇਹ ਪਹਿਲਾ ਮੌਕਾ ਸੀ ਜਦੋਂ ਅਜ਼ਾਰੇਂਕਾ ਤੁਰਕੀਏ ਦੇ 22 ਸਾਲਾ ਸੋਨਮੇਜ਼ ਵਿਰੁੱਧ ਖੇਡ ਰਹੀ ਸੀ। ਸੋਨਮੇਜ਼ ਨੇ ਸੋਮਵਾਰ ਨੂੰ ਅਰੇਂਜ਼ਾ ਰਸ ਦੇ ਖਿਲਾਫ ਆਪਣੇ ਕਰੀਅਰ ਦੀ ਪਹਿਲੀ ਟੂਰ-ਪੱਧਰ ਦੀ ਜਿੱਤ ਦਰਜ ਕੀਤੀ। ਬੇਲਾਰੂਸ ਦੀ ਰਹਿਣ ਵਾਲੀ ਅਜ਼ਾਰੇਂਕਾ 2021 ਵਿੱਚ ਬਰਲਿਨ ਵਿੱਚ ਸੈਮੀਫਾਈਨਲ ਵਿੱਚ ਪਹੁੰਚੀ ਸੀ। ਦੋ ਵਾਰ ਦੀ ਗਰੈਂਡ ਸਲੈਮ ਚੈਂਪੀਅਨ ਅਜ਼ਾਰੇਂਕਾ ਨੇ ਕਦੇ ਵੀ ਗ੍ਰਾਸ ਕੋਰਟ 'ਤੇ ਖਿਤਾਬ ਨਹੀਂ ਜਿੱਤਿਆ ਹੈ।
ਮਾਰਸ਼ ਇਕ ਕਪਤਾਨ ਹੀ ਨਹੀਂ, ਇਕ ਆਗੂ ਵੀ ਹੈ : ਸਟੋਇਨਿਸ
NEXT STORY 
