ਜੋਹਾਨਸਬਰਗ, (ਭਾਸ਼ਾ) ਇੰਗਲੈਂਡ ਦੇ ਸਾਬਕਾ ਕਪਤਾਨ ਜੋ ਰੂਟ ਬੇਟਵੇ ਐਸਏ ਟੀ-20 ਲੀਗ ਦੇ ਤੀਜੇ ਸੀਜ਼ਨ ਵਿੱਚ ਪਾਰਲ ਰਾਇਲਸ ਟੀਮ ਵਿੱਚ ਸ਼ਾਮਲ ਹੋਣਗੇ। ਇੰਗਲੈਂਡ ਲਈ ਤਿੰਨੋਂ ਫਾਰਮੈਟਾਂ ਵਿੱਚ ਕੁੱਲ 344 ਮੈਚ ਖੇਡ ਕੇ 19219 ਅੰਤਰਰਾਸ਼ਟਰੀ ਦੌੜਾਂ ਬਣਾਉਣ ਵਾਲੇ ਰੂਟ ਨੇ 2016 ਟੀ-20 ਵਿਸ਼ਵ ਕੱਪ 'ਚ ਮੁੰਬਈ ਵਿੱਚ ਦੱਖਣੀ ਅਫਰੀਕਾ ਖ਼ਿਲਾਫ਼ ਗਰੁੱਪ ਮੈਚ ਵਿੱਚ 230 ਦੌੜਾਂ ਦੇ ਰਿਕਾਰਡ ਟੀਚੇ ਦਾ ਪਿੱਛਾ ਕਰਦਿਆਂ 44 ਗੇਂਦਾਂ ਵਿੱਚ 83 ਦੌੜਾਂ ਬਣਾ ਕੇ ਇੰਗਲੈਂਡ ਨੂੰ ਜਿੱਤ ਦਿਵਾਈ। ਉਸ ਨੇ ਵੈਸਟਇੰਡੀਜ਼ ਖ਼ਿਲਾਫ਼ ਫਾਈਨਲ ਵਿੱਚ ਵੀ 36 ਗੇਂਦਾਂ ਵਿੱਚ 54 ਦੌੜਾਂ ਬਣਾਈਆਂ ਪਰ ਇੰਗਲੈਂਡ ਜਿੱਤ ਨਹੀਂ ਸਕਿਆ।
ਪਾਰਲ ਰਾਇਲਜ਼ ਦੇ ਕ੍ਰਿਕਟ ਨਿਰਦੇਸ਼ਕ ਕੁਮਾਰ ਸੰਗਾਕਾਰਾ ਨੇ ਇੱਥੇ ਜਾਰੀ ਇੱਕ ਬਿਆਨ ਵਿੱਚ ਕਿਹਾ, “ਅਸੀਂ ਜਾਣਦੇ ਹਾਂ ਕਿ ਜੋ ਰੂਟ ਇੱਕ ਮਹਾਨ ਖਿਡਾਰੀ ਹੈ। ਉਸ ਨੂੰ ਰਾਇਲਜ਼ ਟੀਮ 'ਚ ਰੱਖਣਾ ਬਹੁਤ ਵਧੀਆ ਹੋਵੇਗਾ। ਉਸ ਨੇ ਆਪਣੇ ਪ੍ਰਦਰਸ਼ਨ ਨਾਲ ਹਰ ਟੀਮ ਲਈ ਆਪਣੇ ਆਪ ਨੂੰ ਸਾਬਤ ਕੀਤਾ ਹੈ।'' ਰੂਟ ਨੇ ਆਈ.ਪੀ.ਐੱਲ. 'ਚ ਰਾਜਸਥਾਨ ਰਾਇਲਸ, ਆਸਟ੍ਰੇਲੀਆ ਦੀ ਬਿਗ ਬੈਸ਼ ਲੀਗ 'ਚ ਸਿਡਨੀ ਥੰਡਰਸ ਅਤੇ ILT20 'ਚ ਦੁਬਈ ਕੈਪੀਟਲਸ ਲਈ ਖੇਡਿਆ ਹੈ।
ਵਿਸ਼ਵ ਜੂਨੀਅਰ ਸਕੁਐਸ਼ ਟੀਮ ਚੈਂਪੀਅਨਸ਼ਿਪ : ਕੁਆਰਟਰ ਫਾਈਨਲ 'ਚ ਹਾਰੀਆਂ ਭਾਰਤੀ ਟੀਮਾਂ
NEXT STORY 
