ਸਪੋਰਟਸ ਡੈਸਕ- ਨਸਾਓ ਕਾਊਂਟੀ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ ਖੇਡੇ ਗਏ ਵਿਸ਼ਵ ਕੱਪ ਮੁਕਾਬਲੇ 'ਚ ਨਿਕੋਲਸ ਕਿਰਟੋ (49) ਅਤੇ ਸ਼੍ਰੇਅਸ ਮੋਵਾ (37) ਦੀਆਂ ਸ਼ਾਨਦਾਰ ਪਾਰੀਆਂ ਅਤੇ ਆਪਣੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਟੀ-20 ਵਿਸ਼ਵ ਕੱਪ ਦੇ 13ਵੇਂ ਮੈਚ ਵਿੱਚ ਕੈਨੇਡਾ ਨੇ ਆਇਰਲੈਂਡ ਨੂੰ 12 ਦੌੜਾਂ ਨਾਲ ਹਰਾ ਦਿੱਤਾ ਹੈ।
ਕੈਨੇਡਾ ਵੱਲੋਂ ਦਿੱਤੇ ਗਏ 138 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਆਇਰਲੈਂਡ ਦੀ ਟੀਮ 20 ਓਵਰਾਂ 'ਚ ਸੱਤ ਵਿਕਟਾਂ 'ਤੇ 125 ਦੌੜਾਂ ਹੀ ਬਣਾ ਸਕੀ ਅਤੇ 12 ਦੌੜਾਂ ਨਾਲ ਮੈਚ ਹਾਰ ਗਈ। ਟੀ-20 ਵਿਸ਼ਵ ਕੱਪ ਵਿੱਚ ਕੈਨੇਡਾ ਦੀ ਇਹ ਪਹਿਲੀ ਜਿੱਤ ਹੈ। ਜਾਰਜ ਡੌਕਰੇਲ ਅਤੇ ਮਾਰਕ ਅਡਾਇਰ ਨੇ ਆਇਰਲੈਂਡ ਨੂੰ ਮੈਚ ਵਿੱਚ ਵਾਪਸ ਲਿਆਂਦਾ ਪਰ ਜਿੱਤ ਨਹੀਂ ਸਕੇ।
ਮਾਰਕ ਅਡਾਇਰ ਨੇ 24 ਗੇਂਦਾਂ ਵਿੱਚ ਸਭ ਤੋਂ ਵੱਧ 34 ਦੌੜਾਂ ਬਣਾਈਆਂ, ਜਦੋਕਿ ਜਾਰਜ ਡੌਕਰੇਲ 23 ਗੇਂਦਾਂ ਵਿੱਚ 30 ਦੌੜਾਂ ਬਣਾ ਕੇ ਨਾਬਾਦ ਰਹੇ। ਐਂਡੀ ਬਲਬੀਰਨੀ (17), ਕਪਤਾਨ ਪਾਲ ਸਟਰਲਿੰਗ (9) ਅਤੇ ਲੋਕਰਾਨ ਟਕਰ (10) ਦੌੜਾਂ ਬਣਾ ਕੇ ਆਊਟ ਹੋ ਗਏ। ਕੈਨੇਡਾ ਲਈ ਜੇਰੇਮੀ ਗੋਰਡਨ ਅਤੇ ਡਾਇਲਨ ਹੇਲੀਗਰ ਨੇ ਦੋ-ਦੋ ਵਿਕਟਾਂ ਲਈਆਂ। ਜ਼ੁਨੈਦ ਸਿੱਦੀਕੀ ਅਤੇ ਸਾਦ ਬਿਨ ਜ਼ਫਰ ਨੇ ਇਕ-ਇਕ ਬੱਲੇਬਾਜ਼ ਨੂੰ ਆਊਟ ਕੀਤਾ।
ਇਸ ਤੋਂ ਪਹਿਲਾਂ ਕੈਨੇਡਾ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਆਇਰਲੈਂਡ ਨੂੰ ਜਿੱਤ ਲਈ 138 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਆਇਰਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਬੱਲੇਬਾਜ਼ੀ ਕਰਨ ਆਈ ਕੈਨੇਡਾ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਅਤੇ ਟੀਮ ਨੇ ਤੀਜੇ ਓਵਰ 'ਚ ਨਵਨੀਤ ਧਾਲੀਵਾਲ (6) ਦੀ ਵਿਕਟ ਗੁਆ ਦਿੱਤੀ। ਆਰੋਨ ਜਾਨਸਨ (14) ਪੰਜਵੇਂ ਓਵਰ ਵਿੱਚ ਪੈਵੇਲੀਅਨ ਪਰਤ ਗਏ। ਸੱਤਵੇਂ ਓਵਰ ਵਿੱਚ ਕ੍ਰੇਗ ਯੰਗ ਨੇ ਪਰਗਟ ਸਿੰਘ (18) ਨੂੰ ਆਪਣਾ ਸ਼ਿਕਾਰ ਬਣਾਇਆ। ਦਿਲਪ੍ਰੀਤ ਸਿੰਘ (7) ਨੌਵੇਂ ਓਵਰ ਵਿੱਚ 7 ਦੌੜਾਂ ਬਣਾ ਕੇ ਆਊਟ ਹੋ ਗਿਆ।
ਇਸ ਸਮੇਂ ਟੀਮ ਦਾ ਸਕੋਰ ਚਾਰ ਵਿਕਟਾਂ 'ਤੇ 53 ਦੌੜਾਂ ਸੀ। ਇਸ ਤੋਂ ਬਾਅਦ ਨਿਕੋਲਸ ਕ੍ਰਿਟੋ ਅਤੇ ਸ਼੍ਰੇਅਸ ਮੋਵਵਾ ਨੇ ਪਾਰੀ ਨੂੰ ਸੰਭਾਲਿਆ। ਦੋਵਾਂ ਬੱਲੇਬਾਜ਼ਾਂ ਵਿਚਾਲੇ 75 ਦੌੜਾਂ ਦੀ ਸਾਂਝੇਦਾਰੀ ਹੋਈ। ਨਿਕੋਲਸ ਕ੍ਰਿਟੋ ਨੇ 35 ਗੇਂਦਾਂ 'ਤੇ 49 ਦੌੜਾਂ ਦੀ ਪਾਰੀ ਖੇਡੀ, ਜਿਸ 'ਚ ਤਿੰਨ ਚੌਕੇ ਅਤੇ ਦੋ ਛੱਕੇ ਲੱਗੇ। ਸ਼੍ਰੇਅਸ ਮੋਵਵਾ (37) ਪਾਰੀ ਦੀ ਆਖਰੀ ਗੇਂਦ 'ਤੇ ਰਨ ਆਊਟ ਹੋ ਗਏ। ਕੈਨੇਡਾ ਨੇ 20 ਓਵਰਾਂ ਵਿੱਚ ਸੱਤ ਵਿਕਟਾਂ ’ਤੇ 137 ਦੌੜਾਂ ਬਣਾਈਆਂ। ਆਇਰਲੈਂਡ ਲਈ ਕ੍ਰੇਗ ਯੰਗ ਅਤੇ ਬੈਰੀ ਮੈਕਕਾਰਥੀ ਨੇ ਦੋ-ਦੋ ਵਿਕਟਾਂ ਲਈਆਂ। ਮਾਰਕ ਐਡੇਅਰ ਅਤੇ ਗੈਰੇਥ ਡੇਲਾਨੇ ਨੇ ਇਕ-ਇਕ ਬੱਲੇਬਾਜ਼ ਨੂੰ ਆਊਟ ਕੀਤਾ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
'ਇਹ ਕੋਈ ਜੰਗ ਨਹੀਂ ਹੈ' ਪਾਕਿਸਤਾਨ ਖਿਲਾਫ ਟੀ20 ਵਿਸ਼ਵ ਕੱਪ ਮੈਚ ਲਈ ਪੰਡਿਆ ਤਿਆਰ
NEXT STORY 
