ਬੇਂਗਲੁਰੂ- 2 ਮਹੀਨੇ ਤੋਂ ਲਾਕਡਾਊਨ ਦੇ ਬਾਅਦ ਮੈਦਾਨ ’ਤੇ ਪਰਤੀ ਭਾਰਤੀ ਹਾਕੀ ਟੀਮ ਦੇ ਕਪਤਾਨ ਮਨਪ੍ਰੀਤ ਸਿੰਘ ਅਤੇ ਉਸ ਦੇ ਸਾਥੀ ਖਿਡਾਰੀ ਕੋਰੋਨਾ ਵਾਇਰਸ ਮਹਾਮਾਰੀ ਕਾਰਨ ਨਵੇਂ ਤੋਰ-ਤਰੀਕਿਆਂ ਅਨੁਸਾਰ ਖੁਦ ਨੂੰ ਢਾਲ ਰਹੇ ਹਨ, ਿਜਸ ’ਚ ਹਰ ਬ੍ਰੇਕ ਤੋਂ ਬਾਅਦ ਸੈਨੀਟਾਈਜ਼ਰ ਦਾ ਇਸਤੇਮਾਲ ਅਤੇ ਆਪਣੀ-ਆਪਣੀ ਬੋਤਲ ਤੋਂ ਹੀ ਪਾਣੀ ਸ਼ਾਮਿਲ ਹੈ। 2 ਮਹੀਨੇ ਤੋਂ ਵਧ ਸਮੇਂ ਤੱਕ ਭਾਰਤੀ ਖੇਡ ਅਧਾਰਟੀ (ਸਾਈ) ਕੇਂਦਰ ’ਤੇ ਆਪਣੇ ਹੋਟਲ ਦੇ ਕਮਰਿਆਂ ’ਚ ਰਹੇ ਪੁਰਸ਼ ਅਤੇ ਮਹਿਲਾ ਟੀਮ ਦੇ ਖਿਡਾਰੀਆਂ ਨੇ 10 ਦਿਨ ਪਹਿਲਾਂ ਆਊਟਡੋਰ ਅਭਿਆਸ ਸ਼ੁਰੂ ਕੀਤਾ। ਇਹ ਟੀਮਾਂ ਹਾਕੀ ਇੰਡੀਆ ਅਤੇ ਸਾਈ ਦੀ ਮਾਨਕ ਸੰਚਾਲਨ ਪ੍ਰਕਿਆ ਦਾ ਸਖਤੀ ਨਾਲ ਪਾਲਨ ਕਰ ਰਹੀ ਹੈ।
ਮਨਪ੍ਰੀਤ ਨੇ ਕਿਹਾ ਕਿ ਅਸੀਂ ਸਾਰਿਆਂ ਨੇ 2 ਮਹੀਨੇ ਆਪਣੇ-ਆਪਣੇ ਕਮਰਿਆਂ ’ਚ ਫਿਟਨੈੱਸ ’ਤੇ ਪੂਰੀ ਮਿਹਨਤ ਕੀਤੀ ਸੀ ਤਾਂ ਸਰੀਰ ਅਕੜਿਆ ਨਹੀਂ ਪਰ ਅਸੀਂ ਹੌਲੀ-ਹੌਲੀ ਅੱਗੇ ਵਧ ਰਹੇ ਹਾਂ। ਅਜੇ ਸਰੀਰ ’ਤੇ ਜ਼ਿਆਦਾ ਭਾਰ ਨਹੀਂ ਪਾ ਸਕਦੇ। ਉਸ ਨੇ ਕਿਹਾ ਕਿ ਅਸੀਂ ਸਮਾਜਿਕ ਦੂਰੀ ਦਾ ਪਾਲਨ ਕਰਦੇ ਹੋਏ ਛੋਟੇ-ਛੋਟੇ ਸਮੂਹਾਂ ’ਚ ਅਭਿਆਸ ਕਰ ਰਹੇ ਹਾਂ। ਪਹਿਲੇ ਸੈਸ਼ਨ ’ਚ ਸੈਨੀਟਾਈਜ਼ਰ ਦਾ ਇਸਤੇਮਾਲ ਨਹੀਂ ਕਰਦੇ ਸੀ ਅਤੇ ਇਕ ਹੀ ਬੋਤਲ ’ਚੋਂ ਪਾਣੀ ਪੀਂਦੇ ਸੀ ਪਰ ਹੁਣ ਸਭ ਕੁੱਝ ਬਦਲ ਗਿਆ ਹੈ। ਸੁਰੱਖਿਆ ਲਈ ਉਹ ਆਪਣੀ-ਆਪਣੀ ਸਟਿੱਕ ਦੀ ਗਰਿੱਪ ਵੀ ਵਾਰ-ਵਾਰ ਬਦਲ ਅਤੇ ਰੋਜ਼ ਤਾਪਮਾਨ ਦੀ ਜਾਂਚ ਕਰ ਰਹੇ ਹਾਂ।
ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਕਪਤਾਨ ਰਾਣੀ ਨੇ ਕਿਹਾ ਕਿ ਕੋਚ ਖਿਡਾਰੀਆਂ ਦੇ ਲਗਾਤਾਰ ਸੰਪਰਕ ’ਚ ਹਨ। ਉਸ ਨੇ ਕਿਹਾ ਕਿ ਪਿਛਲੇ ਹਫਤੇ ਅਭਿਆਸ ਸ਼ੁਰੂ ਹੋਣ ਦੇ ਬਾਅਦ ਕੋਚਾਂ ਨੇ ਨਿੱਜੀ ਤੌਰ ’ਤੇ ਸਾਨੂੰ ਪੁੱਛਿਆ ਕਿ ਅਸੀਂ ਸਰੀਰਕ ਅਤੇ ਮਾਨਸਿਕ ਤੌਰ ’ਤੇ ਕਿਵੇਂ ਮਹਿਸੂਸ ਕਰ ਰਹੇ ਹਾਂ। ਸਾਰੇ ਖਿਡਾਰੀਆਂ ਨੇ ਆਪਣੀਆਂ-ਆਪਣੀਆਂ ਸਮੱਸਿਆਵਾਂ ਦੱਸੀਆਂ ਅਤੇ ਕੋਚਿੰਗ ਸਟਾਫ ਨੇ ਪਰਿਵਾਰ ਬਾਰੇ ਪੁੱਛਿਆ। ਰਾਣੀ ਨੇ ਕਿਹਾ ਕਿ ਅਸੀਂ ਬੇਸਿਕ ਅਭਿਆਸ ਕਰ ਰਹੇ ਹਾਂ। ਸਰੀਰ ’ਤੇ ਅਜੇ ਜ਼ਿਆਦਾ ਬੋਝ ਨਹੀਂ ਪਾ ਰਹੇ।
ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਨਹੀਂ ਹੋਣ ਦੇਵੇਗਾ BCCI, ਸ਼ੁਰੂ ਹੋਣ ਵਾਲਾ ਹੈ IPL!
NEXT STORY