ਦੁਬਈ- ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.)-13 ਸੈਸ਼ਨ ਦਾ 6ਵਾਂ ਮੁਕਾਬਲਾ ਦੁਬਈ 'ਚ ਕਿੰਗਜ਼ ਇਲੈਵਨ ਪੰਜਾਬ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਬੈਂਗਲੁਰੂ ਨੇ ਟਾਸ ਜਿੱਤ ਕੇ ਪੰਜਾਬ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਸੱਦਾ ਦਿੱਤਾ। ਕਿੰਗਜ਼ ਇਲੈਵਨ ਪੰਜਾਬ ਨੇ ਇਸ ਮੈਚ ਦੇ ਲਈ ਪਲੇਇੰਗ ਇਲੈਵਨ 'ਚ 2 ਬਦਲਾਅ ਕੀਤੇ, ਕ੍ਰਿਸ ਜਾਰਡਨ ਅਤੇ ਕ੍ਰਿਸ਼ਣੱਪਾ ਗੌਤਮ ਦੀ ਜਗ੍ਹਾ ਜੇਮਸ ਨੀਸ਼ਮ ਅਤੇ ਮੁਰੂਗਨ ਅਸ਼ਵਿਨ ਨੂੰ ਟੀਮ 'ਚ ਮੌਕਾ ਮਿਲਿਆ ਹੈ। ਇਕ ਬਾਰ ਫਿਰ ਪਲੇਇੰਗ ਇਲੈਵਨ ਤੋਂ ਕ੍ਰਿਸ ਗੇਲ ਦਾ ਨਾਂ ਗਾਇਬ ਹੈ। ਕਪਤਾਨ ਕੇ. ਐੱਲ. ਰਾਹੁਲ ਨੇ ਟਾਸ ਤੋਂ ਬਾਅਦ ਦੱਸਿਆ ਕਿ ਗੇਲ ਕਿਉਂ ਪਲੇਇੰਗ ਇਲੈਵਨ ਦਾ ਹਿੱਸਾ ਨਹੀਂ ਹਨ।
ਕਿੰਗਜ਼ ਇਲੈਵਨ ਪੰਜਾਬ ਨੂੰ ਇਸ ਸੀਜ਼ਨ ਦੇ ਪਹਿਲੇ ਮੈਚ 'ਚ ਦਿੱਲੀ ਕੈਪੀਟਲਸ ਵਿਰੁੱਧ ਸੁਪਰ ਓਵਰ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਰਾਹੁਲ ਨੇ ਟਾਸ ਹਾਰਨ ਤੋਂ ਬਾਅਦ ਕਿਹਾ ਸੀ ਕਿ ਸਾਡੇ ਲਈ ਬਹੁਤ ਕੁਝ ਪਾਜ਼ੇਟਿਵ ਰਿਹਾ ਸੀ ਅਤੇ ਉਹ ਸਾਡਾ ਪਹਿਲਾ ਮੈਚ ਸੀ। ਜਾਰਡਨ ਅਤੇ ਗੌਤਮ ਨਹੀਂ ਖੇਡ ਰਹੇ ਹਨ, ਮੁਰੂਗਨ ਅਸ਼ਵਿਨ ਅਤੇ ਨੀਸ਼ਮ ਟੀਮ 'ਚ ਆਏ ਹਨ। ਕ੍ਰਿਸ ਗੇਲ ਠੀਕ ਸਮੇਂ 'ਤੇ ਟੀਮ 'ਚ ਆਉਂਣਗੇ, ਉਸਦੇ ਬਾਰੇ 'ਚ ਚਿੰਤਾ ਨਾ ਕਰੋ। ਘਰ 'ਚ ਬੈਠਣਾ ਬਹੁਤ ਮੁਸ਼ਕਿਲ ਸੀ, ਤਾਂ ਅਸੀਂ ਖੁਸ਼ਕਿਸਮਤ ਹਾਂ ਕਿ ਸਾਨੂੰ ਖੇਡਣ ਦਾ ਮੌਕਾ ਮਿਲਿਆ ਹੈ। ਗੇਲ ਪਹਿਲੇ ਮੈਚ 'ਚ ਵੀ ਨਹੀਂ ਖੇਡੇ ਹਨ, ਅਜਿਹੇ 'ਚ ਕੁਝ ਲੋਕਾਂ ਨੂੰ ਉਮੀਦ ਸੀ ਕਿ ਉਹ ਇਸ ਮੈਚ 'ਚ ਜ਼ਰੂਰ ਖੇਡਣਗੇ।
IPL ਅੱਗੇ ਵਧਣ ਨਾਲ ਧੋਨੀ ਦਾ ਪ੍ਰਦਰਸ਼ਨ ਵੀ ਬਿਹਤਰ ਹੋਵੇਗਾ: ਫਲੇਮਿੰਗ
NEXT STORY 
