ਵੇਲਿੰਗਟਨ— ਨਿਊਜ਼ੀਲੈਂਡ ਦੇ ਲੈੱਗ ਸਪਿਨਰ ਟਾਡ ਐਸਟਲ ਨੇ ਸੀਮਿਤ ਓਵਰਾਂ ਦੇ ਸਵਰੂਪ 'ਤੇ ਧਿਆਨ ਦੇਣ ਦੇ ਲਈ ਫਸਟ ਕਲਾਸ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਹੈ। ਇਸ ਤਰ੍ਹਾਂ ਨਾਲ ਉਹ ਭਾਰਤ ਏ ਵਿਰੁੱਧ 30 ਜਨਵਰੀ ਤੋਂ ਸ਼ੁਰੂ ਹੋਣ ਵਾਲੀ 2 ਮੈਚਾਂ ਦੀ ਟੈਸਟ ਸੀਰੀਜ਼ ਦੇ ਲਈ ਉੁਪਲੱਬਧ ਨਹੀਂ ਹੋਣਗੇ। ਇਸ 33 ਸਾਲਾ ਖਿਡਾਰੀ ਨੇ 2012 'ਚ ਟੈਸਟ ਕ੍ਰਿਕਟ 'ਚ ਡੈਬਿਊ ਕੀਤਾ ਸੀ। ਉਸ ਨੇ ਕੇਵਲ ਪੰਜ ਟੈਸਟ ਮੈਚ ਖੇਡੇ, ਜਿਸ 'ਚ 52.57 ਦੀ ਔਸਤ ਨਾਲ 7 ਵਿਕਟਾਂ ਹਾਸਲ ਕੀਤੀਆਂ ਜਦਕਿ 19.60 ਦੀ ਔਸਤ ਨਾਲ 98 ਦੌੜਾਂ ਬਣਾਈਆਂ।
ਐਸਟਲ ਹਾਲਾਂਕਿ ਕੈਂਟਰਬਰੀ ਵਲੋਂ ਸਭ ਤੋਂ ਜ਼ਿਆਦਾ ਵਿਕਟਾਂ ਹਾਸਲ ਕਰਨ ਵਾਲੇ ਗੇਂਦਬਾਜ਼ ਦੇ ਰੁਪ 'ਚ ਸੰਨਿਆਸ ਲੈ ਰਹੇ ਹਨ। ਉਸ ਨੇ ਫਸਟ ਕਲਾਸ ਮੈਚਾਂ 'ਚ ਆਪਣੀਆਂ 334 ਵਿਕਟਾਂ 'ਚੋਂ 303 ਵਿਕਟਾਂ ਇਸ ਟੀਮ ਵਲੋਂ ਹਾਸਲ ਕੀਤੀਆਂ ਹਨ। ਆਈ. ਸੀ. ਸੀ. ਦੇ ਅਨੁਸਾਰ ਉਸ ਨੇ ਕਿਹਾ ਕਿ ਟੈਸਟ ਕ੍ਰਿਕਟ ਖੇਡਣਾ ਸ਼ੁਰੂ ਤੋਂ ਸੁਪਨਾ ਰਿਹਾ ਹੈ ਤੇ ਲੰਮੇ ਸਵਰੂਪਾਂ 'ਚ ਆਪਣੇ ਦੇਸ਼ ਤੇ ਪ੍ਰਾਂਤ ਦੀ ਨੁਮਾਇੰਦਗੀ ਕਰਨਾ ਮੇਰੇ ਲਈ ਸਨਮਾਨ ਹੈ।
U19 CWC : ਭਾਰਤ ਨੇ 3 ਵਾਰ ਦੇ ਚੈਂਪੀਅਨ ਆਸਟਰੇਲੀਆ ਨੂੰ ਕੁਆਰਟਰ ਫਾਈਨਲ 'ਚ ਹਰਾਇਆ
NEXT STORY 
