ਮੁੰਬਈ- ਆਈ. ਪੀ. ਐੱਲ. 2022 ਵਿਚ ਦਿੱਲੀ ਕੈਪੀਟਲਸ ਦੇ ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਹ ਦਾ ਪ੍ਰਦਰਸ਼ਨ ਕੁਝ ਖਾਸ ਨਹੀਂ ਰਿਹਾ ਹੈ ਪਰ ਇਸਦੇ ਬਾਵਜੂਦ ਉਹ ਮੀਡੀਆ ਦੀਆਂ ਸੁਰਖੀਆਂ ਵਿਚ ਬਣੇ ਹੋਏ ਹਨ। ਇਸ ਦੇ ਪਿੱਛੇ ਦੀ ਵਜ੍ਹਾ ਉਸਦੀ ਬੱਲੇਬਾਜ਼ੀ ਨਹੀਂ ਬਲਕਿ ਕੁਝ ਹੋਰ ਹੀ ਹੈ। ਦਰਅਸਲ ਪ੍ਰਿਥਵੀ ਸ਼ਾਹ ਨੇ ਆਪਣੀ ਕਮਾਈ ਨਾਲ ਘਰ ਖਰੀਦਿਆ ਹੈ ਅਤੇ ਜਿਸਦੀ ਕੀਮਤ ਕਰੋੜਾਂ ਰੁਪਏ ਵਿਚ ਹੈ। ਸ਼ਾਹ ਪਿਛਲੇ ਕੁਝ ਸਮੇਂ ਇਸ ਘਰ ਨੂੰ ਖਰੀਦਣ ਦਾ ਮੰਨ ਬਣਾ ਰਹੇ ਸਨ।
ਇਹ ਵੀ ਪੜ੍ਹੋ: ਡੈਨਮਾਰਕ 'ਚ ਮੋਦੀ ਨੇ ਦਿੱਤਾ 'ਚਲੋ ਇੰਡੀਆ' ਦਾ ਨਾਅਰਾ: ਕਿਹਾ- ਹਰ ਭਾਰਤੀ 5 ਵਿਦੇਸ਼ੀ ਦੋਸਤਾਂ ਨੂੰ ਭੇਜੇ ਭਾਰਤ
22 ਸਾਲ ਦੇ ਪ੍ਰਿਥਵੀ ਸ਼ਾਹ ਨੇ ਮੁੰਬਈ ਦੇ ਪੌਸ਼ ਏਰੀਆ ਬਾਂਦਰਾ ਵਿਚ ਇਹ ਘਰ ਖਰੀਦਿਆ ਹੈ। ਜਿੱਥੇ ਬਾਲੀਵੁੱਡ ਦੀਆਂ ਵੱਡੀਆਂ-ਵੱਡੀਆਂ ਹਸਤੀਆਂ ਰਹਿੰਦੀਆਂ ਹਨ। ਇਕ ਰਿਪੋਰਟ ਦੇ ਅਨੁਸਾਰ ਸ਼ਾਹ ਨੇ ਜੋ ਘਰ ਖਰੀਦਿਆ ਹੈ ਉਸਦੀ ਕੀਮਤ 10.5 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਇਹ ਘਰ 2209 ਵਰਗ ਫੁੱਟ ਵਿਚ 8ਵੀਂ ਮੰਜਿਲ 'ਤੇ ਹੈ।
ਇਹ ਵੀ ਪੜ੍ਹੋ: ਵਿਦੇਸ਼ਾਂ ’ਚ ਭਾਰਤੀ ਪ੍ਰਵਾਸੀਆਂ ਦੀ ਵਧੀ ਮੰਗ, ਕੈਨੇਡਾ, ਬ੍ਰਿਟੇਨ ਤੇ ਆਸਟ੍ਰੇਲੀਆ ਦਰਮਿਆਨ ਆਫਰ ਦਾ ਕੰਪੀਟੀਸ਼ਨ
ਰਿਪੋਰਟ ਦੇ ਅਨੁਸਾਰ ਇਸ ਘਰ ਦੇ ਨਾਲ ਹੀ ਪ੍ਰਿਥਵੀ ਸ਼ਾਹ ਨੂੰ 3 ਕਾਰ ਰੱਖਣ ਦੀ ਜਗ੍ਹਾ ਵੀ ਦਿੱਤੀ ਗਈ ਹੈ। ਸ਼ਾਹ ਨੇ 31 ਮਾਰਚ ਨੂੰ ਇਸ ਘਰ ਦੀ ਸਟੈਂਪ ਡਿਊਟੀ 52.50 ਲੱਖ ਰੁਪਏ ਦੀ ਸੀ ਅਤੇ 28 ਅਪ੍ਰੈਲ ਨੂੰ ਉਸਦੇ ਨਾਂ ਇਹ ਘਰ ਹੋ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਪ੍ਰਿਥਵੀ ਸ਼ਾਹ ਨੂੰ ਇਸ ਸੀਜ਼ਨ ਟੀਮ ਦਿੱਲੀ ਕੈਪੀਟਲਸ ਵਲੋਂ 7.5 ਕਰੋੜ ਰੁਪਏ ਮਿਲੇ ਹਨ। ਉਹ ਟੀਮ ਵਿਚ ਬਤੌਰ ਸਲਾਮੀ ਬੱਲੇਬਾਜ਼ ਦੀ ਭੂਮਿਕਾ ਨਿਭਾ ਰਹੇ ਹਨ। ਆਈ. ਪੀ. ਐੱਲ. ਵਿਚ ਹੁਣ ਤੱਕ ਸ਼ਾਹ ਨੇ 62 ਮੈਚ ਖੇਡੇ ਹਨ, ਜਿਸ ਵਿਚ ਉਨ੍ਹਾਂ ਨੇ 1564 ਦੌੜਾਂ ਬਣਾਈਆਂ ਹਨ। ਉਸਦਾ ਟਾਪ ਸਕੋਰ 99 ਦੌੜਾਂ ਰਿਹਾ ਹੈ ਅਥੇ 12 ਅਰਧ ਸੈਂਕੜੇ ਲਗਾ ਚੁੱਕੇ ਹਨ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
IPL 2022 : ਪਾਵੇਲ-ਵਾਰਨਰ ਦੇ ਅਰਧ ਸੈਂਕੜੇ, ਦਿੱਲੀ ਨੇ ਹੈਦਰਾਬਾਦ ਨੂੰ ਦਿੱਤਾ 208 ਦੌੜਾਂ ਦਾ ਟੀਚਾ
NEXT STORY 
