ਕੋਲੰਬੋ : ਮਹਿਲਾ ਟੀ20 ਵਿਸ਼ਵ ਕੱਪ 2024 (T20 World Cup) ਲਈ ਸ਼੍ਰੀਲੰਕਾ ਦੀ ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਖੱਬੇ ਹੱਥ ਦੀ ਸਪਿੰਨਰ ਇਨੋਕਾ ਰਣਵੀਰਾ ਨੂੰ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ ਅਤੇ ਉਸ ਦੀ ਕਪਤਾਨੀ ਹਰਫਨਮੌਲਾ ਆਲਰਾਊਂਡਰ ਚਮਾਰੀ ਅਥਾਪੱਥੂ ਕਰਨਗੇ। ਇਨੋਕਾ ਨੂੰ ਸ਼੍ਰੀਲੰਕਾ ਦੀ ਜੇਤੂ ਮਹਿਲਾ ਏਸ਼ੀਆ ਕੱਪ ਮੁਹਿੰਮ ਅਤੇ ਉਸ ਤੋਂ ਬਾਅਦ ਆਇਰਲੈਂਡ ਦੇ ਸਫੈਦ-ਬਾਲ ਦੌਰੇ ਤੋਂ ਬਾਹਰ ਰੱਖਿਆ ਗਿਆ ਸੀ। ਉਸਨੇ ਆਖਰੀ ਵਾਰ ਸ਼੍ਰੀਲੰਕਾ ਲਈ ਟੀ20ਆਈ ਵਿਚ ਮਹਿਲਾ ਟੀ20 ਵਿਸ਼ਵ ਕੱਪ ਕੁਆਲੀਫਾਇਰ 2024 ਵਿਚ ਹਿੱਸਾ ਲਿਆ ਸੀ, ਜਿਸ ਨੂੰ ਉਨ੍ਹਾਂ ਯੂਏਈ ਵਿਚ ਜਿੱਤਿਆ ਸੀ।
ਸ਼੍ਰੀਲੰਕਾ ਲਈ 82 ਟੀ-20ਆਈ ਮੈਚਾਂ ਵਿਚ ਇਨੋਕਾ ਨੇ 5.86 ਦੀ ਇਕਾਨਮੀ ਦਰ ਨਾਲ 91 ਵਿਕਟਾਂ ਲਈਆਂ ਹਨ। ਉਹ ਹੁਣ ਇਨੋਸ਼ੀ ਪ੍ਰਿਅਦਰਸ਼ਿਨੀ, ਸੁਗੰਧੀਕਾ ਕੁਮਾਰੀ ਅਤੇ ਕਵੀਸ਼ਾ ਦਿਲਹਾਰੀ ਦੇ ਨਾਲ ਚਮਾਰੀ ਦੀ ਆਫ-ਸਪਿੰਨ ਵਾਲੀ ਸਪਿੰਨ-ਭਾਰੀ ਗੇਂਦਬਾਜ਼ੀ ਲਾਈਨਅੱਪ ਵਿਚ ਸ਼ਾਮਲ ਹੋ ਗਈ ਹੈ। ਉਦੇਸ਼ਿਕਾ ਪ੍ਰਬੋਧਿਨੀ, ਅਚਿਨੀ ਕੁਲਸੂਰੀਆ ਅਤੇ ਅਮਾ ਕੰਚਨਾ ਸ਼੍ਰੀਲੰਕਾ ਲਈ ਸੀਮ-ਗੇਂਦਬਾਜ਼ੀ ਦੀ ਜ਼ਿੰਮੇਵਾਰੀ ਸੰਭਾਲਣਗੇ।
ਬੱਲੇਬਾਜ਼ੀ 'ਚ ਚਮਾਰੀ ਅਤੇ ਕਵੀਸ਼ਾ ਤੋਂ ਇਲਾਵਾ ਵਿਸ਼ਾਮੀ ਗੁਣਾਰਤਨੇ ਅਤੇ ਹਰਸ਼ਿਤਾ ਸਾਮਵਿਕਰਮਾ 'ਤੇ ਵੀ ਨਜ਼ਰ ਰਹੇਗੀ। ਸ਼੍ਰੀਲੰਕਾ 2024 ਮਹਿਲਾ ਟੀ-20 ਵਿਸ਼ਵ ਕੱਪ ਦੇ ਗਰੁੱਪ-ਏ ਵਿਚ ਮੌਜੂਦਾ ਚੈਂਪੀਅਨ ਆਸਟ੍ਰੇਲੀਆ, ਭਾਰਤ, ਨਿਊਜ਼ੀਲੈਂਡ ਅਤੇ ਪਾਕਿਸਤਾਨ ਨਾਲ ਹੈ। ਉਹ 3 ਅਕਤੂਬਰ ਨੂੰ ਪਾਕਿਸਤਾਨ ਖਿਲਾਫ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰਨਗੇ।
ਸ਼੍ਰੀਲੰਕਾ ਦੀ ਟੀਮ : ਚਮਾਰੀ ਅਥਾਪੱਥੂ (ਕਪਤਾਨ), ਅਨੁਸ਼ਕਾ ਸੰਜੀਵਨੀ, ਹਰਸ਼ਿਤਾ ਮਾਧਵੀ, ਨੀਲਾਕਸ਼ੀ ਡੀ ਸਿਲਵਾ, ਇਨੋਕਾ ਰਣਵੀਰਾ, ਹਸੀਨੀ ਪਰੇਰਾ, ਕਵੀਸ਼ਾ ਦਿਲਹਾਰੀ, ਸਚਿਨੀ ਨਿਸਾਨਸਾਲਾ, ਵਿਸ਼ਮੀ ਗੁਣਾਰਤਨੇ, ਉਦੇਸ਼ਿਕਾ ਪ੍ਰਬੋਧਨੀ, ਅਚਿਨੀ ਕੁਲਸੂਰੀਆ, ਪ੍ਰਿਯੰਸ਼ੀ ਕੁਮਾਰੀ, ਸੁਗਾਨੀ ਕੁਮਾਰੀ, ਸ਼ਹਿਨੀਕਾ, ਸ਼ਹਿਨੀਕ ਅਮਾ ਕੰਚਨਾ।
ਯਾਤਰਾ ਰਿਜ਼ਰਵ : ਕੌਸ਼ਿਨੀ ਨੁਥਯਾਂਗਨਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕਰੋੜਾਂ ਦੀ ਡਰੱਗ ਤਸਕਰੀ 'ਚ ਫੜਿਆ ਗਿਆ ਇਹ ਫੁੱਟਬਾਲਰ, ਟਾਟਾ ਗਰੁੱਪ ਨਾਲ ਵੀ ਹੈ ਕੁਨੈਕਸ਼ਨ
NEXT STORY 
