ਸਪੋਰਟਸ ਡੈਸਕ— ਗੁਜਰਾਤ ਟਾਈਟਨਸ ਨੇ ਮੰਗਲਵਾਰ ਨੂੰ ਇੰਡੀਅਨ ਪ੍ਰੀਮੀਅਰ ਲੀਗ ਟੀ-20 ਮੈਚ 'ਚ ਦਿੱਲੀ ਕੈਪੀਟਲਸ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ। ਗੁਜਰਾਤ ਨੇ ਦਿੱਲੀ ਨੂੰ ਅੱਠ ਵਿਕਟਾਂ ’ਤੇ 162 ਦੌੜਾਂ ’ਤੇ ਰੋਕ ਕੇ ਟੀਚਾ 18.1 ਓਵਰਾਂ ਵਿੱਚ ਚਾਰ ਵਿਕਟਾਂ ’ਤੇ ਹਾਸਲ ਕਰ ਲਿਆ। ਗੁਜਰਾਤ ਲਈ ਸਾਈ ਸੁਦਰਸ਼ਨ ਨੇ ਅਜੇਤੂ 62 ਦੌੜਾਂ ਦਾ ਯੋਗਦਾਨ ਦਿੱਤਾ। ਇਸ ਦੇ ਨਾਲ ਹੀ ਜਿੱਤ ਤੋਂ ਬਾਅਦ ਕਪਤਾਨ ਹਾਰਦਿਕ ਪੰਡਯਾ ਨੇ ਸੁਦਰਸ਼ਨ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਉਹ ਭਵਿੱਖ 'ਚ ਸਾਡੀ ਫਰੈਂਚਾਈਜ਼ੀ ਅਤੇ ਦੇਸ਼ ਲਈ ਚੰਗਾ ਪ੍ਰਦਰਸ਼ਨ ਕਰਨਗੇ।
ਪੰਡਯਾ ਨੇ ਕਿਹਾ, ''ਸਾਈ ਸੁਦਰਸ਼ਨ ਸ਼ਾਨਦਾਰ ਬੱਲੇਬਾਜ਼ੀ ਕਰ ਰਿਹਾ ਹੈ। ਸਪੋਰਟ ਸਟਾਫ ਨੂੰ ਵੀ ਸਿਹਰਾ ਦਿੱਤਾ ਜਾਣਾ ਚਾਹੀਦਾ ਹੈ। ਪਿਛਲੇ 15 ਦਿਨਾਂ 'ਚ ਉਸ ਨੇ ਜਿੰਨੀ ਬੱਲੇਬਾਜ਼ੀ ਕੀਤੀ ਹੈ, ਉਸ ਦੇ ਨਤੀਜੇ ਤੁਸੀਂ ਦੇਖ ਰਹੇ ਹੋ, ਇਹ ਸਭ ਉਸ ਦੀ ਸਖਤ ਮਿਹਨਤ ਦਾ ਨਤੀਜਾ ਹੈ। ਜੇਕਰ ਮੈਂ ਗਲਤ ਨਹੀਂ ਹਾਂ ਤਾਂ ਦੋ ਸਾਲਾਂ 'ਚ ਉਹ ਫ੍ਰੈਂਚਾਇਜ਼ੀ ਕ੍ਰਿਕਟ ਅਤੇ ਦੇਸ਼ ਲਈ ਕਾਫੀ ਚੰਗਾ ਕਰੇਗਾ। ਸਕੋਰ ਦਾ ਬਚਾਅ ਕਰਦੇ ਸ਼ੁਰੂਆਤੀ ਓਵਰਾਂ ਵਿੱਚ ਤੇਜ਼ੀ ਨਾਲ ਦੌੜਾਂ ਲੁਟਾਉਣ 'ਤੇ ਪੰਡਯਾ ਨੇ ਕਿਹਾ, ਇਹ ਅਜੀਬ ਸੀ, ਸਾਨੂੰ ਬਿਲਕੁਲ ਨਹੀਂ ਪਤਾ ਸੀ ਕਿ ਕੀ ਹੋ ਰਿਹਾ ਸੀ ਪਰ ਕੁਝ ਹੋ ਰਿਹਾ ਸੀ।"
ਅਸੀਂ ਪਾਵਰਪਲੇ ਵਿੱਚ 15-20 ਦੌੜਾਂ ਹੋਰ ਦਿੱਤੀਆਂ। ਜਿਸ ਤਰ੍ਹਾਂ ਗੇਂਦਬਾਜ਼ਾਂ ਨੇ ਵਾਪਸੀ ਕੀਤੀ ਉਹ ਸ਼ਾਨਦਾਰ ਸੀ। ਮੈਂ ਆਪਣੀ ਸਹਿਜ ਪ੍ਰਵਿਰਤੀ ਨਾਲ ਜਾਂਦਾ ਹਾਂ, ਮੈਂ ਆਪਣਾ ਸਮਰਥਨ ਕਰਨਾ ਪਸੰਦ ਕਰਦਾ ਹਾਂ। ਮੈਂ ਕਿਸੇ ਹੋਰ ਚੀਜ਼ ਬਾਰੇ ਸੋਚਣ ਨਾਲੋਂ ਆਪਣੇ ਫੈਸਲੇ ਦਾ ਸਮਰਥਨ ਕਰਨਾ ਪਸੰਦ ਕਰਾਂਗਾ। ਅਕਸਰ ਅਜਿਹਾ ਨਹੀਂ ਹੁੰਦਾ ਮੈਂ ਪੰਚ ਲੈਣ ਨਾਲੋਂ ਪਹਿਲਾਂ ਪੰਚ ਮਾਰਾਂਗਾ। ਅਸੀਂ ਮੁੰਡਿਆਂ ਨੂੰ ਉੱਥੇ ਆਨੰਦ ਲੈਣ ਲਈ ਕਹਿੰਦੇ ਹਾਂ। ਇਹ ਸਹੀ ਫੈਸਲਾ ਲੈਣ ਵਿੱਚ ਤੁਹਾਡੀ ਮਦਦ ਕਰਦਾ ਹੈ। ਇੱਕ ਦੂਜੇ ਦਾ ਖਿਆਲ ਰੱਖਣਾ ਵਧੇਰੇ ਜ਼ਰੂਰੀ ਹੈ।
ਜ਼ਿਕਰਯੋਗ ਹੈ ਕਿ ਦਿੱਲੀ ਲਈ ਕਪਤਾਨ ਡੇਵਿਡ ਵਾਰਨਰ ਨੇ 32 ਗੇਂਦਾਂ ਵਿੱਚ ਸੱਤ ਚੌਕਿਆਂ ਦੀ ਮਦਦ ਨਾਲ 37 ਦੌੜਾਂ ਬਣਾਈਆਂ, ਜਦਕਿ ਅਕਸ਼ਰ ਨੇ 22 ਗੇਂਦਾਂ ਵਿੱਚ ਦੋ ਚੌਕਿਆਂ ਅਤੇ ਤਿੰਨ ਛੱਕਿਆਂ ਦੀ ਮਦਦ ਨਾਲ 36 ਦੌੜਾਂ ਦਾ ਯੋਗਦਾਨ ਪਾਇਆ। ਸ਼ੰਮੀ ਅਤੇ ਰਾਸ਼ਿਦ ਨੇ ਤਿੰਨ-ਤਿੰਨ ਵਿਕਟਾਂ ਲੈ ਕੇ ਦਿੱਲੀ ਦੀ ਬੱਲੇਬਾਜ਼ੀ ਨੂੰ ਚਮਕਣ ਨਹੀਂ ਦਿੱਤਾ। ਟੀਚੇ ਦਾ ਪਿੱਛਾ ਕਰਦਿਆਂ ਗੁਜਰਾਤ ਨੇ 54 ਦੌੜਾਂ 'ਤੇ ਤਿੰਨ ਵਿਕਟਾਂ ਗੁਆ ਦਿੱਤੀਆਂ, ਜਿਸ ਤੋਂ ਬਾਅਦ ਸੁਦਰਸ਼ਨ ਨੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਮੋਰਚਾ ਸੰਭਾਲਿਆ। ਸੁਦਰਸ਼ਨ ਨੇ 48 ਗੇਂਦਾਂ 'ਚ ਚਾਰ ਚੌਕੇ ਤੇ ਦੋ ਛੱਕਿਆਂ ਸਮੇਤ 62 ਦੌੜਾਂ ਬਣਾਈਆਂ, ਜਦਕਿ ਮਿਲਰ ਨੇ 16 ਗੇਂਦਾਂ 'ਚ ਦੋ ਚੌਕਿਆਂ ਤੇ ਦੋ ਛੱਕਿਆਂ ਦੀ ਮਦਦ ਨਾਲ 31 ਦੌੜਾਂ ਬਣਾ ਕੇ ਗੁਜਰਾਤ ਦੀ ਜਿੱਤ 'ਤੇ ਮੋਹਰ ਲਾਈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
RCB ਦਾ ਇਹ ਧਾਕੜ ਬੱਲੇਬਾਜ਼ ਸੱਟ ਕਾਰਨ IPL 2023 ਦੇ ਪੂਰੇ ਸੀਜ਼ਨ ਤੋਂ ਹੋਇਆ ਬਾਹਰ
NEXT STORY 
