ਸ਼ਾਰਲੋਟ (ਅਮਰੀਕਾ), (ਭਾਸ਼ਾ) : ਦੂਜੇ ਹਾਫ ਦੇ ਇੰਜਰੀ ਟਾਈਮ ਵਿੱਚ ਸਟਾਰ ਸਟ੍ਰਾਈਕਰ ਲੁਈਸ ਸੁਆਰੇਜ਼ ਵੱਲੋਂ ਕੀਤੇ ਗੋਲ ਦੀ ਮਦਦ ਨਾਲ ਬਰਾਬਰੀ ਕਰਨ ਵਾਲੇ ਉਰੂਗਵੇ ਨੇ ਕੈਨੇਡਾ ਨੂੰ ਪੈਨਲਟੀ ਸ਼ੂਟਆਊਟ ਵਿੱਚ 4-3 ਨਾਲ ਹਰਾ ਕੇ ਕੋਪਾ ਅਮਰੀਕਾ ਫੁੱਟਬਾਲ ਟੂਰਨਾਮੈਂਟ 'ਚ ਤੀਜਾ ਸਥਾਨ ਹਾਸਲ ਕੀਤਾ। ਉਰੂਗਵੇ ਨਿਰਧਾਰਤ ਸਮੇਂ ਤੋਂ ਕੁਝ ਮਿੰਟ ਪਹਿਲਾਂ ਇੱਕ ਗੋਲ ਨਾਲ ਪਿੱਛੇ ਸੀ ਪਰ ਸੁਆਰੇਜ਼ ਦੇ ਗੋਲ ਦੀ ਮਦਦ ਨਾਲ ਉਹ 2-2 ਦੀ ਬਰਾਬਰੀ ਕਰਨ ਵਿੱਚ ਕਾਮਯਾਬ ਰਿਹਾ।
ਪੈਨਲਟੀ ਸ਼ੂਟਆਊਟ ਵਿੱਚ ਉਰੂਗਵੇ ਲਈ ਫੈਡਰਿਕੋ ਵਾਲਵਰਡੇ, ਰੋਡਰੀਗੋ ਬੇਨਟਾਨਕੁਰ, ਜਿਓਰਜੀਓ ਡੀ ਅਰਾਸਕੇਟਾ ਅਤੇ ਸੁਆਰੇਜ਼ ਨੇ ਗੋਲ ਕੀਤੇ ਜਦਕਿ ਕੈਨੇਡਾ ਲਈ ਜੋਨਾਥਨ ਡੇਵਿਡ, ਮੋਇਸ ਬੋਮਬਿਟੋ ਅਤੇ ਮੈਥੀਯੂ ਚੋਇਨੀਏਰ ਨੇ ਗੋਲ ਕੀਤੇ। ਇਸ ਤੋਂ ਪਹਿਲਾਂ ਬੈਂਟਾਨਕੁਰ ਨੇ ਅੱਠਵੇਂ ਮਿੰਟ ਵਿੱਚ ਉਰੂਗਵੇ ਨੂੰ ਬੜ੍ਹਤ ਦਿਵਾਈ ਸੀ ਪਰ ਕੈਨੇਡਾ ਨੇ 22ਵੇਂ ਮਿੰਟ ਵਿੱਚ ਇਸਮਾਈਲ ਕੋਨ ਅਤੇ 80ਵੇਂ ਮਿੰਟ ਵਿੱਚ ਡੇਵਿਡ ਦੇ ਗੋਲਾਂ ਨਾਲ 2-1 ਦੀ ਬੜ੍ਹਤ ਬਣਾ ਲਈ ਸੀ।
IND vs ZIM : ਚੌਥਾ ਟੀ-20 ਜਿੱਤ ਕੇ ਬੋਲੇ ਜਾਇਸਵਾਲ, ਦੱਸਿਆ ਕਿਸ ਉਦੇਸ਼ ਨਾਲ ਕਰ ਰਹੇ ਸਨ ਬੱਲੇਬਾਜ਼ੀ
NEXT STORY 
