ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ ਦੀ 2023 ਦੀ ਰਿਪੋਰਟ ਅਨੁਸਾਰ, ਭਾਰਤ ’ਚ 1,72,000 ਲੋਕਾਂ ਦੀ ਸੜਕ ਹਾਦਸਿਆਂ ’ਚ ਮੌਤ ਹੋਈ ਅਤੇ ਔਸਤਨ ਹਰ 3 ਮਿੰਟ ’ਤੇ 1 ਮੌਤ ਦੇ ਹਿਸਾਬ ਨਾਲ ਰੋਜ਼ਾਨਾ 474 ਮੌਤਾਂ ਹੋਈਆਂ। ਇਹ ਸਿਲਸਿਲਾ ਅਜੇ ਵੀ ਜਾਰੀ ਹੈ ਅਤੇ ਇਸ ਦੇ ਨਤੀਜੇ ਵਜੋਂ ਜਾਨ-ਮਾਲ ਦਾ ਭਾਰੀ ਨੁਕਸਾਨ ਹੋ ਰਿਹਾ ਹੈ, ਜੋ ਪਿਛਲੇ ਸਿਰਫ਼ 5 ਦਿਨਾਂ ਦੀਆਂ ਹੇਠ ਦਰਜ ਘਟਨਾਵਾਂ ਤੋਂ ਸਪੱਸ਼ਟ ਹੈ :
11 ਅਪ੍ਰੈਲ, 2026 ਨੂੰ ‘ਕਟਿਹਾਰ’ (ਬਿਹਾਰ) ’ਚ ਬੱਸ, ਟਰੱਕ ਅਤੇ ਪਿਕਅੱਪ ਵੈਨ ਦੀ ਟੱਕਰ ’ਚ 13 ਲੋਕਾਂ ਦੀ ਮੌਤ ਅਤੇ 30 ਤੋਂ ਵੱਧ ਜ਼ਖ਼ਮੀ ਹੋ ਗਏ।
11 ਅਪ੍ਰੈਲ ਨੂੰ ਹੀ ‘ਪਾਲਮਪੁਰ’ (ਹਿਮਾਚਲ ਪ੍ਰਦੇਸ਼) ’ਚ ਇਕ ਕਾਰ ਦੇ ਖੱਡ ’ਚ ਡਿੱਗਣ ਕਾਰਨ 2 ਨੌਜਵਾਨਾਂ ਦੀ ਮੌਤ ਹੋ ਗਈ ਅਤੇ ਤੀਸਰਾ ਗੰਭੀਰ ਰੂਪ ’ਚ ਜ਼ਖਮੀ ਹੋ ਗਿਆ।
12 ਅਪ੍ਰੈਲ ਨੂੰ ਹੀ ‘ਮੁਜ਼ੱਫਰਨਗਰ’ (ਉੱਤਰ ਪ੍ਰਦੇਸ਼)’ਚ ਇਕ ਕਾਰ ਫਲਾਈਓਵਰ ਤੋਂ ਹੇਠਾਂ ਡਿੱਗ ਗਈ, ਜਿਸ ਨਾਲ ਹਰਿਦੁਆਰ ਜਾ ਰਹੇ ਹਰਿਆਣਾ ਦੇ 3 ਨੌਜਵਾਨਾਂ ਦੀ ਮੌਤ ਹੋ ਗਈ।
12 ਅਪ੍ਰੈਲ ਨੂੰ ਹੀ ‘ਕੋਟ ਈਸੇ ਖਾਂ’ (ਪੰਜਾਬ) ’ਚ ਇਕ ਤੇਜ਼ ਰਫ਼ਤਾਰ ਕਾਰ ਦੇ ਦੂਜੀ ਕਾਰ ਨਾਲ ਟਕਰਾਅ ਜਾਣ ਨਾਲ ਦੂਜੀ ਕਾਰ ’ਚ ਸਵਾਰ ਔਰਤ ਦੀ ਮੌਤ ਹੋ ਗਈ।
12 ਅਪ੍ਰੈਲ ਨੂੰ ਹੀ ‘ਪਟਿਆਲਾ’ ਅਤੇ ‘ਲੁਧਿਆਣਾ’ ’ਚ 2 ਬੇਕਾਬੂ ‘ਕੰਬਾਈਨਾਂ’ ਨੇ 1 ਮੁਟਿਆਰ ਅਤੇ 2 ਨੌਜਵਾਨਾਂ ਨੂੰ ਕੁਚਲ ਕੇ ਮਾਰ ਦਿੱਤਾ।
12 ਅਪ੍ਰੈਲ ਨੂੰ ਹੀ ‘ਡਿੰਡੋਰੀ’ (ਮੱਧ ਪ੍ਰਦੇਸ਼) ’ਚ ‘ਜਬਲਪੁਰ-ਅਮਰਕੰਟਕ ਨੈਸ਼ਨਲ ਹਾਈਵੇ’ ’ਤੇ ਇਕ ਬੇਕਾਬੂ ਟਰੱਕ ਨੇ ਸੜਕ ਕੰਢੇ ਖੜ੍ਹੇ 6 ਲੋਕਾਂ ਨੂੰ ਕੁਚਲ ਦਿੱਤਾ, ਜਿਸ ਨਾਲ 5 ਲੋਕਾਂ ਦੀ ਮੌਤ ਹੋ ਗਈ ਅਤੇ ਇਕ ਹੋਰ ਵਿਅਕਤੀ ਜ਼ਖਮੀ ਹੋ ਗਿਆ।
12 ਅਪ੍ਰੈਲ ਨੂੰ ਹੀ ‘ਸੁਰੇਂਦਰ ਨਗਰ’ (ਗੁਜਰਾਤ) ’ਚ ਇਕ ਤੇਜ਼ ਰਫ਼ਤਾਰ ਟਰੱਕ ਨੇ ਕਿਸੇ ਧਰਮ ਸਥਾਨ ਤੋਂ ਪਰਤ ਰਹੇ 7 ਸ਼ਰਧਾਲੂਆਂ ਨੂੰ ਕੁਚਲ ਕੇ ਮਾਰ ਦਿੱਤਾ।
12 ਅਪ੍ਰੈਲ ਨੂੰ ਹੀ ‘ਨਵੀਂ ਦਿੱਲੀ’ ’ਚ ਇਕ ਤੇਜ਼ ਰਫਤਾਰ ਕਾਰ ਨੇ ਆਪਣੇ ਅੱਗੇ ਜਾ ਰਹੇ ਇਕ ਵਾਹਨ ਨੂੰ ਟੱਕਰ ਮਾਰ ਦਿੱਤੀ ਜਿਸ ਨਾਲ ਉਸੇ ਕਾਰ ’ਚ ਬੈਠੀ ਦੋ ਸਾਲ ਦੀ ਬੱਚੀ ਦੀ ਕਾਰ ਦੀ ਖਿੜਕੀ ਤੋਂ ਉੱਛਲ ਕੇ ਹੇਠਾਂ ਡਿੱਗ ਜਾਣ ਕਾਰਨ ਮੌਤ ਹੋ ਗਈ।
13 ਅਪ੍ਰੈਲ ‘ਹਾਪੁੜ’ (ਉੱਤਰ ਪ੍ਰਦੇਸ਼) ਦੇ ‘ਧੌਲਾਨਾ’ ਇਲਾਕੇ ’ਚ ਬਰਾਤ ਲੈ ਕੇ ਜਾ ਰਹੀ ਇਕ ਬੱਸ ਅਤੇ ਟਰੱਕ ਵਿਚਾਲੇ ਹੋਈ ਟੱਕਰ ’ਚ ਲਾੜੇ ਦੇ ਪਿਤਾ ਸਮੇਤ 6 ਬਰਾਤੀਆਂ ਦੀ ਮੌਤ ਹੋ ਗਈ ਅਤੇ 7 ਹੋਰ ਜ਼ਖ਼ਮੀ ਹੋ ਗਏ।
13 ਅਪ੍ਰੈਲ ਨੂੰ ਹੀ ‘ਇਸਮਾਈਲਾਬਾਦ’ (ਹਰਿਆਣਾ) ਦੇ ਪਿੰਡ ‘ਲੋਟਨੀ’ ਦੇ ਨੇੜੇ ‘ਖਾਟੂਸ਼ਿਆਮ ਜੀ’ ਤੋਂ ਪਰਤ ਰਹੀ ਇਕ ਕਾਰ ਸੜਕ ’ਤੇ ਖੜ੍ਹੇ ਟਰੱਕ ’ਚ ਜਾ ਵੱਜੀ, ਜਿਸ ਕਾਰਨ ਕਾਰ ਸਵਾਰ ਬਜ਼ੁਰਗ ਦੀ ਘਟਨਾ ਵਾਲੀ ਥਾਂ ’ਤੇ ਹੀ ਮੌਤ ਅਤੇ 4 ਹੋਰ ਗੰਭੀਰ ਜ਼ਖ਼ਮੀ ਹੋ ਗਏ।
13 ਅਪ੍ਰੈਲ ਨੂੰ ਹੀ ‘ਠਾਣੇ’ (ਮਹਾਰਾਸ਼ਟਰ) ’ਚ ਇਕ ਵੈਨ ਅਤੇ ਸਾਹਮਣੇ ਤੋਂ ਆ ਰਹੇ ਸੀਮਿੰਟ ਮਿਕਸਰ ਟਰੱਕ ਦੀ ਟੱਕਰ ਨਾਲ ਵੈਨ ’ਚ ਸਵਾਰ 11 ਲੋਕਾਂ ਦੀ ਮੌਤ ਹੋ ਗਈ।
13 ਅਪ੍ਰੈਲ ਨੂੰ ਹੀ ‘ਨਵੀਂ ਦਿੱਲੀ’ ਦੇ ਕਸ਼ਮੀਰੀ ਗੇਟ ਇਲਾਕੇ ’ਚ ਇਕ ਤੇਜ਼ ਰਫ਼ਤਾਰ ਟਰੱਕ ਫੁੱਟਪਾਥ ’ਤੇ ਜਾ ਚੜ੍ਹਿਆ, ਜਿਸ ਕਾਰਨ 2 ਲੋਕਾਂ ਦੀ ਮੌਤ ਅਤੇ 3 ਹੋਰ ਜ਼ਖ਼ਮੀ ਹੋ ਗਏ।
14 ਅਪ੍ਰੈਲ ਨੂੰ ‘ਸ਼ਿਮਲਾ’ (ਹਿਮਾਚਲ ਪ੍ਰਦੇਸ਼) ਦੇ ‘ਸਮਰਹਿਲ’ ’ਚ ਇਕ ਕਾਰ ਬੇਕਾਬੂ ਹੋ ਕੇ ਖੱਡ ’ਚ ਡਿੱਗਣ ਕਾਰਨ ਉਸ ’ਚ ਸਵਾਰ 2 ਲੋਕਾਂ ਦੀ ਮੌਤ ਹੋ ਗਈ।
14 ਅਪ੍ਰੈਲ ਨੂੰ ਹੀ ‘ਬਠਿੰਡਾ’ (ਪੰਜਾਬ) ਦੇ ‘ਤਲਵੰਡੀ ਸਾਬੋ’ ’ਚ ਵਿਸਾਖੀ ਦੇ ਮੇਲੇ ਤੋਂ ਪਰਤ ਰਹੀ ਇਕ ਬੱਚੀ ਨੂੰ ਤੇਜ਼ ਰਫ਼ਤਾਰ ਕਾਰ ਨੇ ਕੁਚਲ ਕੇ ਮਾਰ ਦਿੱਤਾ।
14 ਅਪ੍ਰੈਲ ਨੂੰ ਹੀ ‘ਟਾਂਡਾ-ਉੜਮੁੜ’ (ਪੰਜਾਬ) ’ਚ ਇਕ ਬੇਕਾਬੂ ਕਾਰ ਡਿਵਾਈਡਰ ਨਾਲ ਟਕਰਾਅ ਕੇ ਬੁਰੀ ਤਰ੍ਹਾਂ ਨੁਕਸਾਨੀ ਜਾਨ ਨਾਲ ਉਸ ’ਚ ਸਵਾਰ ਮਹਿਲਾ ਦੀ ਮੌਤ ਅਤੇ 2 ਹੋਰ ਲੋਕ ਜ਼ਖ਼ਮੀ ਹੋ ਗਏ।
15 ਅਪ੍ਰੈਲ ਨੂੰ ‘ਜਲੰਧਰ’ (ਪੰਜਾਬ) ਵਿਚ ‘ਜਮਸ਼ੇਰ ਰੋਡ’ ’ਤੇ ਇਕ ਐਕਟਿਵਾ ਨੂੰ ਟਰੱਕ ਨੇ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਐਕਟਿਵਾ ਸਵਾਰ ਮਹਿਲਾ ਦੀ ਮੌਤ ਹੋ ਗਈ।
15 ਅਪ੍ਰੈਲ ਨੂੰ ਹੀ ‘ਸ੍ਰੀ ਅਨੰਦਪੁਰ ਸਾਹਿਬ’ (ਪੰਜਾਬ) ਤੋਂ ਵਿਸਾਖੀ ਮੇਲੇ ਤੋਂ ਪਰਤ ਰਹੇ ਫ਼ਤਹਿਗੜ੍ਹ ਸਾਹਿਬ ਦੇ ਪਿੰਡ ‘ਮੈਣ ਮਾਜਰੀ’ ਦੇ ਸ਼ਰਧਾਲੂਆਂ ਦੀ ਬੱਸ ਭਿਆਨਕ ਹਾਦਸੇ ਦਾ ਸ਼ਿਕਾਰ ਹੋ ਜਾਣ ਕਰਨ ਉਸ ’ਚ ਸਵਾਰ 8 ਸ਼ਰਧਾਲੂਆਂ ਦੀ ਮੌਤ ਅਤੇ 28 ਹੋਰ ਗੰਭੀਰ ਜ਼ਖ਼ਮੀ ਹੋ ਗਏ।
ਅਤੇ ਹੁਣ 16 ਅਪ੍ਰੈਲ ਨੂੰ ‘ਕੁਰਨੂਲ’ (ਆਂਧਰਾ ਪ੍ਰਦੇਸ਼) ’ਚ ਇਕ ਬੋਲੈਰੋ ਗੱਡੀ ਦੀ ਟੈਂਕਰ ਨਾਲ ਟੱਕਰ ਹੋਣ ਕਾਰਨ 5 ਔਰਤਾਂ ਸਮੇਤ ਕੁੱਲ 8 ਲੋਕਾਂ ਦੀ ਮੌਤ ਹੋ ਗਈ ਅਤੇ 10 ਹੋਰ ਜ਼ਖ਼ਮੀ ਹੋ ਗਏ।
ਇਸ ਤਰ੍ਹਾਂ ਸੜਕ ਹਾਦਸਿਆਂ ਦੇ ਕਾਰਨਾਂ ’ਚ ਸੜਕਾਂ ਦੀ ਮਾੜੀ ਹਾਲਤ ਅਤੇ ਉਨ੍ਹਾਂ ’ਚ ਪਏ ਟੋਏ, ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ, ਸ਼ਰਾਬ ਪੀ ਕੇ ਲਾਪਰਵਾਹੀ ਨਾਲ ਜਾਂ ਬੇਕਾਬੂ ਰਫ਼ਤਾਰ ਨਾਲ ਬਿਨਾਂ ਸਿਖਲਾਈ ਦੇ ਗੱਡੀ ਚਲਾਉਣਾ, ਲਗਾਤਾਰ ਲੰਬੇ ਸਮੇਂ ਤੱਕ ਬਿਨਾਂ ਰੁਕੇ ਜਾਂ ਬਿਨਾਂ ਪੂਰੀ ਨੀਂਦ ਲਏ ਵਾਹਨ ਚਲਾਉਣਾ ਆਦਿ ਮੁੱਖ ਹਨ।
ਇਨ੍ਹਾਂ ਹਾਦਸਿਆਂ ਨੂੰ ਰੋਕਣ ਲਈ ਲੋਕਾਂ ਨੂੰ ਜਾਗਰੂਕ ਕਰਨ ਦੇ ਨਾਲ-ਨਾਲ ਸੜਕਾਂ ਦੇ ਬੁਨਿਆਦੀ ਢਾਂਚੇ ’ਚ ਸੁਧਾਰ ਜ਼ਰੂਰੀ ਹੈ। ਇਸ ਦੇ ਨਾਲ ਹੀ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ’ਤੇ ਸਖ਼ਤ ਤੋਂ ਸਖ਼ਤ ਸਜ਼ਾ ਦਿੱਤੀ ਜਾਣੀ ਚਾਹੀਦੀ ਹੈ ਤਾਂ ਜੋ ਸੜਕ ਹਾਦਸਿਆਂ ’ਚ ਹੋਣ ਵਾਲੇ ਜਾਨੀ ਨੁਕਸਾਨ ਨੂੰ ਘਟਾਇਆ ਜਾ ਸਕੇ।
— ਵਿਜੇ ਕੁਮਾਰ
ਅਸਹਿਜ ਸੱਚ ਤੋਂ ਮੂੰਹ ਮੋੜਨ ਦੀ ‘ਸੈਕੂਲਰ’ ਕੀਮਤ
NEXT STORY 
